Yesus Na Engkat Ntong Surga Ali Janyi Sulet Ye Roh Kudus ¹ Suang buku ye na tujlis ene ap one, Teofilus mengenai kawus se ye mulai na gawi ali ajar, ² mpe olo kede Da na engkat, uli Da ngokoi perentah, lalo Roh Kudus, ntong kawan Rasul ye apu na peli ene Da. ³ Ntong dali, da ade nundru ntong Da alei bolum uli Da sengsara, ali deo bukti, nelang petendre tonga ntong dali ke ngola opat pulu olo ali bepaner Kerajaan Allah ⁴ Sementara sendro ali dali da merentah dali dion iya ngikah Yerusalem, tapi ngema janyi Bapa, ye ulek Da, "Dinga ko Ap, ⁵ leka Yohanes membaptis ali danum, tap;i ko sagar na baptis ali Roh Kudus, sa ola ke nehe." Yesus Te Engkat Ntong Surga ⁶ Leka iro, kede dali bekumpul sendro, dali nyituk ntong Da, Tuhan, se kah ihe saat ye Ko memulihkan Kerajaan Israel? ⁷ Da ngulek ntong dali, " Kam sa perlu metoan mengenai waktu ali masa ye apu na tetapkan ene Bpa suang Kuasa-Da. ⁸ Akan tetapi, ko sagar nerima kuasa ade Roh Kudus apu sulet ntong kam ali kam sagar jaji saksipsaksi Ap tei Yerusalem, tei Yudea , ali Samaria, ali mpe ntong ujung dunia. ⁹ Uli Da ngulek halphal ihe, nelang dali neneng, Da taengkat uyang awan ngoit-Da jaweh ke pempite dali. ¹⁰ Kede dali desung neneng ntong langit, sementara Da tulak, teneng, naan due ulun upo bepama bura jakat tgei lepes dali, ¹¹ Ali bepaner, " Hai kawan ulun Galilea, kuneme ko jakat nelang neneng ntong langit? Ihe Yesus, ye apu te engkat ke ekang kam ntong surga sagar sulet li ali sagar ye sameh nget ko neneng Da tulak ntong surga." Meli Erai Ke Ulun Rasul Kado ¹² Uli iro dali mulik ntong Yerusalem ke bukit ye na otus Zaitun, ye naan tei dini Yerusalem, oro ye seperjalanan Sabat. ¹³ Kede dali moo, dali mengket ntong ruang tei munan, runa dali nono. Petrus, ali Yohanes, ali Yakobus, ali Andreas, Filipus, ali Tomas, Bartolomeus, ali Matius, Yakobus anak Alfeus, ali Simon ulun Zelot, ali Yudas anak Yakobus. ¹⁴ Dali kawus sehati bertekun suang doa sendro ali kawan bawe ali Maria, ne Yesus, uyang kawan aben Da. ¹⁵ Tei olo iro, Petrus jakat tei ekang kawan aben se iman (ulun deo ro kekirajatus due pulu), nelang bepaner, ¹⁶ "Kawan aben, Kitab Suci harus na genapi ye apu na ulek one ro ene Roh Kudus lalo bowa Daud mengenai Yudas ye jaji pimpinan ke kawan ulun ye ngedakep Yesus. ¹⁷ Sebab, da na hitung tei antara taka ali mahan bahagian suang pelayanan ihe. ¹⁸ Nehe, ulun ihe moli erai bidsng tana ali upa kejahatan da, ali utek ye lotu, bahagian botuk tonga ye pikak, ali kawus isi tenai ye teburai. ¹⁹ Ali, hal ihe apu toan kawus ulun ye nono tei Yerusalem. Sehingga tana iro suang bahasa dali na otus Hakal-Dama, arti ye Tana Daya. ²⁰ Sebab, apu tesurat suang kitab Mazmur, "Dion runa da nono jaji sunyi, ali dion tei biro beloh naan erai ulun pun ye nono tei suang ye. Ali, dion ye bali ngepe jabatan da. 'Mazmur 109:8 ²¹ Et leka iro, erai ke ulun ye selur sendro ali taka seola Tuhan Yesus masuk ali keluar ke ekang taka, ²² mulai ke baptisan Yohanes empe olo ketika Da na engkat ke ekang taka, erai ke ulun ke dali ihe harus jaji saksi mengenai kebangkitan-Da sendro taka. ²³ Uli iro, dali nyusul due ulun, ye iro Yusuf ye na otus Barsabas, ye ade na otus Yustus, ali Matias. ²⁴ Uli iro, dali bedoa, "Ko, Tuhan ye ketaru ate kawus ulun. Tundru ntong kemali dase tei antara kedue ulun ihe ye apu Ko peli, ²⁵ dian nerima bahagian pelayanan ihe ali jabatan rasul, ke Yudas ye apu menyimpang dian tulak ntong runa da lei." ²⁶ Uli iro, kawan rasul ngobet undi tei antara dali ali undian lotu ntong Matius leka iro da tehitung sendro ali kesebelas rasul.