Kedatangan Roh Kudus
1
Kede olo Pentakosta tiba, dali kawus sendro naan tei runa ye sameh.
2
Dan tiba-tiba kedinga ke langit,engan nget nasiup enus tamam, ali engan iro nemponu belai runa dali rahat tuet.
3
Ali, ite tei dali lola-lolanbget bolum apui ye tehamur ali tei munan dali asing-asing.
4
Maka, dali uras na temponu ali Roh Kudus nelang mulai bepaner suang deo suang
5
Kede iro naan ulun-ulun Yahudi ye nono tei Yerusalem, ulun -ulun saleh ke tiap--tiap bangsa tei mat langit.
6
Dan, kede enga iro tedinga, deo ulun sulet sendro nelang bingung leka tiap ulun kedinga dali ro bepaner suang bahasa dali lei.
7
Dali takjub ali heran nelang bepaner, "Sa kah dali kawus ye rahat be paner ro ulun-ulun Galilea?
8
Ali, nget me mungkin masing-masing taka kedinga dali ali basa runa taka na blolos.
9
Ulun-ulun Partia, ali Media, ali Elam, ali penduduk Mesopotamia, Yudea, ali Kapadokia, Pontus, Ali Asia.
10
Frigia, ali Pamfilia, Mesir ali daerah-daerah Libia dini Kirene ali kawan pendatang ke Roma, buen iro ulun-ulun Yahudi maupun para proselit,
11
ulun-ulun Kreta ali Arab. Taka kringa dali bepaner ali basa taka mengenai gawian-gawian solai Allah. "
12
Ali dali kawus takjub nelang bingung nelang bepaner erai ali ye lain, "Se areti kawus ihe?"
13
Akan tetapi, ulun lain kuka ali bepaner, "Dali dimabukkan ene anggur kado."
Petrus Ngulek Tong Ulun Deo
14
Leka iro, Petrus jakat sendro kesebelas rasul, ngenkat engan ye ali bepaner ntong dali, " Hai ulin-ulun Yahudi ali kawus ye nono tei Yerusalem, dion ko ketoan ali naperhati engan-Ap.
15
Leka, ulun-ulun ihe sa mabuk, nget ye ko kira et olo kado jam ketolu,
16
tetapi ihelah ye na ulek lalo nabi Yoel:
17
Leka iro, kede olo terakhir tau terjadi, Allah berfirman: bahwa Ap sagar mencurahkan Roh Ap ntong munan kawus meresia ali, kawan tia ko upo ali kawan tia ko bawe sagar bernubuat, ali kawan anak tia ko sagar neneng pempite, ali kawan tuha tei ekang ko sagar ngupi.
18
Bahkan, ntong munan hamba-hamba Ap upo ali hamba-hamba Ap bawe kede olo-olo iro, Ap sagar mencurahkan Roh-Ap, ali dali sagar bernubuat.
19
Ali, Ap sagar peteneng mukjizat-mukjizat tei langit, tei mo, ali tanda-tanda ajaib tei denia, tei waa, daya ali apui, ali kabut asap.
20
Mate olo sagar na ubah jaji denem ali bulan jaji daya, sebelum olo Tuhan ye solai nelang mulia sulet.
21
Ali sagar terjadi setiap ulun ye nook aran Tuhan sagar naselamatkan. "Yoel 2:28-32
22
"Hai lun Israel, dinga papaneran ihe, Yesus, ulun Nasaret, ye na nyatakan tei antara ko ene Allah ali hal-hal ajaib, mukjizat, ali tanda-tanda ye apu Allah petendre tei antara ko lalo-Da, nget toan ko gales.
23
Yesus ihe, ye na sesahkan sesuai rencana ye apu na tentukan ali pengentoan Allah. Sebelumnya, ko bunu ali menyalibkan Da lao kami ulun-ulun durhaka.
24
Leka iro, Allah nemuet-Da, ali ngelapas Da ke sengsara maut et sa mungkin Da na kuasai ene kematian.
25
Sebab, Daud pini bepaner mengenai Yesus, Ap neneng Tuhan seleur naan tei hadapan ap, leka Da naan tei sila sanan ap et iro ap sa sagar nagoyahkan.
26
Et leka iro, ate ap ego, lola ap bersoraksorak. Tonga ap ade sagar nono suang pengharapan,
27
leka ko sagar ngikah jiwa ap naan tei denia ulun mate, atawa membiarkan tonga ulun kudus -Ko neneng kebinasaan.
28
Ko apu ngulek ntong ap alan pemolum. Ko sagar ngene ap ponu sukacita ali wa-Ko.'
29
Kawan aben, ap tau bepaner ntong ko ali yakin mengenai ma leluhur taka, Daud, bahwa da apu mate ali na lebeng, ali lebeng da masih naan sendro ali taka empe olo he.
30
Jai, leka da erai ke ulun nabi ali ketoan bahwa Allash apu bejanyi ali sumpah ntong da dian na petuet erai keturunan Daud tei mo takhta da."
31
Leka iro, Daud ye neneng hal ihe, da bepaner mengenai kebangkitan Kristus, bahwa; Da sa sagar ngikah tei denia ulun mate, ali tonga-Da sa neneng kebinasaan. Mazmur 16:10
32
Yesus ihelah ye Allah bangkitkan ali kemali kawus dian saksi mengenai hal iro.
33
Et leka iro, uli na ikah ene kami sanan Allah ali nerima janyi ke Bapa mengenai Roh Kudus, Da apu mencurahkan buen se ko teneng maupun dinga.
34
Sebab Daud sa mengket ntong surga, tetapi da lei bepaner, "Tuhan bepaner ntong Tuan ap, "Tuet tei sila sanan Ap,
35
empe ap ngene lawen-lawen ko jaji tumpuan poo ko." Mzm 110:1
36
Et leka iro dion kawus belai Israel ketoan ali pasti bahwa Allah apu ngejaji-Da Tuhan ali Kristus, ihelah Yesus ye apu ko salibkan."
37
Kede dali keringa ihe, tesusuklah ate dali, uli irobepaner ntong Petrus ali Para Rasul lain ye. "Kawan aben, se ye harus kemali gawi?"
38
Uli iro, Petrus bepaner ntong dali, "Bertobatlah ali babptiskanlah unuk ko asing-asing suang aran Kristus dian pengampunan dosa-dosa ko, ali ko sagar nerima karunia Roh Kudus.
39
Sebab, janyi ihe de engko, ali tia kawan ko, ali di kawus ulun ye kea aro, ke deo ye Tuhan Allah taka sagar nook da."
40
Ali, uyang deo pepaneran lain ye, Petrus besaksi ali bebujur nelang bepaner ntong dali, ulek da, "Selamatkanlah unuk ko ke generasi ye blengkong ihe."
41
Ulun-ulun ye nerima pepaneran Petrus na babtis ali kede olo iro dali ye na babtis betambeh jaji tolu ribu konge.
Perkumpulan Ulun-ulun Persaya
42
Dali bertekun suang pengajaran rasul-rasul ali suang persekutuan, suang ngebagi roti, ali suang bedoa.
43
Ali, ketakutan sulet tei munan tiap konge, ali deo hal ajaib nelang tanda-tanda ye terjadi lalo para rasul.
44
Kawus ye persaya bekumpul sendro ali ngempun se sesuatu ye sendro.
45
Uli iro, dali ngejual harta bana ali punye, uli iro ngebagi ye ntong kawus ulun, sesuai keperluan ye asing-asing.
46
Tiap olo, ali erai ate dali bekumpul sendro tei Bait Allah nelang ngebagi-bagi roti ke belai ntong belai. Dali nerima pengokan ali sanang nelang tulus ate,
47
nelang memuji Allah, dali na sukai ene ulun deo. Tiap olo Tuhan nambeh jumlah dali, ye iro ulun-ulun ye na selamatkan.