Tataplah Babujur Bele Sengsara ¹ Et iro tia ab jaji lahggagah suang anugerah ye naan suang Yesus Kristus. ² Se ye apu pini na olingga ko te wore deo ulun, persaya iro tong ulun-ulun ye bebujur, ye tau ngajar ulun bali. ³ Siutlah sengsara nget serdadu Yesus Kristus ye buena. ⁴ Eloh naan serdadu ye awu ngurus pemolun unuk ola gegales tiap ola ola dian da tau pebanang komandan. ⁵ Nget iro ade ulun olah ragawan ye betanding, da sa sagar mahan mahkota kemenangan, je ka da bebanding nget aturan ye naan. ⁶ Erai ulun petani ye begawi bahimat apu sepatut ye jaji ulun ye pertama ye nerima hasil uteu. ⁷ Pikir se ye na pandan leka Tuhan sagar ngokoiko pengentara suang segala hal. ⁸ Ingat Kristus Yesus, ye apu bolum ke ekang ulun mate, keturunan Daud nget apu ab pekempe suang ingil ab. ⁹ Ye leka da, ab neke sengsara empe na pengara nget ulun kriminal, et firman Allah sa terpenjara. ¹⁰ Leka iru ab bertahan suang segala suatu demih ulun-ulun pilian Allah dian dali ki mahan ke selamatan ye naan suang Yesus Kristus. ali kemudian da ye kekal. ¹¹ Pander iro bene aka taka matesiut ali da taka ade sagar bolum siut Da. ¹² Aka taka babujur, taka ade sagar memerintah siut Da. aku taka sa mengaku Da, Da sa sagar ade mengaku taka. ¹³ Aka taka sa bebujur, Da tatap bebujur, leka da sa tau sa mengaku unuk da gegales. ¹⁴ Pekingat ko tong dali nget hal-hal ihe. okoi atuk ajar tong dali te hadapan Tuhan dian sa besoal pander leka eloh naan bedi alije tau dian penghancur ulun-ulun ye keringga ye. ¹⁵ Ene pengkoe ye paling buen dian na okoi unuk ko ali buen te hadapan wae Allah, nget pengkoe ye sa perlu ko manggen. ali ye apu pini ngajar pander ye buen ali bene. ¹⁶ Pekoro kawan pepaneran ye beloh bedi nelang sa buen te hadapan Allah. Kawan pepaneran ye nget iro je tau ngene ulun semakin jahat. ¹⁷ Ajaran kawan ulun iro malan nget penyakit kanker ye ganas. Ke dali termasuk da Himeneus ali da Filetus. ¹⁸ Dali apu taang ke kawan ajaran ye bujur, nelang ngesasaur kacau kepercayaan bali ulun dali ngulek buet kepempate apu terjadi. ¹⁹ Et penduduk ye segah ye apu na ene na materai. Te munan ye naan ne surat nget ihe Tuhan ketaru kawan ulun ye jaji mulik ye "nelang" ulun ye ngulek da milik Tuhan, ulun iro harus wa nampelos pengkoe ye sala." ²⁰ Te suang belai ye solai naan deo macam perabot, naan ye ene ke perak atawa amas, et naan ade ye na ene ke kayu atawa tana. Naan ye na pakai dian keperluan ye hulung nelang naan ade ye ne pakai dian keperluan biasa. ²¹ Ulun ye ngebarasih unuk da ke hal ye jahat ulun iro sagar napakai dian keperluan ye hulung. Hanye jari milik sa hulun nelang be di dian tuan ye da na tatap dian na pakai tong tiap pengkoe buen. ²² Pekaro kawan kehendak ulun tia muda. Buen ko ngeto dian bolum nget kehendak Allah, setia te ajaran ye nelang sinta tong sesama meresia, nelang naan kedamaian ate, kune ko bolum nget iro sendro dali ye na took kaweng awat ke Tuhan ali ate barasih. ²³ Ya ko siut te suang perawekan kawan ulun bungul ye sa ketaru se leen. Ko ketaru kawus iro je ngene bulo tanteng. ²⁴ Ulun ye mengkoe tong Tuhan sa patut basual ; da harus ramah ali ulun kawus, nelang mahan ngajar ulun ali buen nelang sabar, ²⁵ da harus lemah lembut ngajar kawan ulun ye gagah ngelawen, mudahan Allah ngokoi kesempatan tong kawan ulun iro dian betobat ke kawan dosa dali nelang ketaru ajaran ye bujur ²⁶ nget iro dali belalu ketaru mulik eso, nelang mutis ke jabak iIblis ye apu nyuruk dali nelang maksa dali dian ngunau kehendakda.