Peringatan Mengenai Kawan Penyesat ¹ Roh ngulek ali jelas bahwa te waktu-waktu pengawus, bahwa sebagian ulun sagar ngikah iman da nelang nyarah unuk ntong roh-roh penyesat ali ajaran kawan setan-setan. ² Dali napengaruhi lalo kemunafikan kawan pengopau ye ate nurani da apu na cap ali besi layeng. ³ Dali sa kelewa ulun peruku ali sa kelewa ulun man pengokan ye naciptakan Allah, ye seharus ye na terima ali ucapan syukur ene dali ye harap ali ketaru kebenean. ⁴ Sebab segala sesuatu ye nacipta ene Allah iro buen ali beloh naan ye haram amun na terima ali ucapan syukur, ⁵ leka kawus iro na kuduskan ene firman Allah ali doa. Pelayan Kristus Yesus Ye Buen ⁶ Ali ngajar hal-hal ihe ntong kawan aben seiman, ko sagar jaji pelayan Yesus Kristus ye buen, nget mana ko apu na ajar suang pepaneran-pepaneran iman ali ajaran sehat ye apu ko terima. ⁷ Buyo ko ke kesah-kesah takhayul ali dongeng-dongeng tak tuha, tapi latih unuk ko dian bolum suang kesalehan. ⁸ Latihan jasmani naan batas ali ye, tapi kesalehan be di suang sagar hal-hal leka naan janyi dian pemolum nehe ali ade ye sagar sulet. ⁹ Pepaneran ihe tau naharap ali layak na terima sepenuh ye. ¹⁰ Dian iro lei, taka behimat begawi ali bejuang. Sebab, taka nyonok pengharapan taka ntong Allah ye bolum, ye iro Juruselamat kawus meresia, teristimewa dali ye harap. ¹¹ Perentah ali ajar hal-hal ihe. ¹² Iya naan ulun ye nyenramah ko leka ko tia, tapi jaji lei teladan di kawan ulun harap suang pepaner tingkah laku, asi, iman, ali kesucian. ¹³ Mpe ab sulet, bertekunlei suang pembacaan sendro Kitab Suci, suang ngokoi nasehat ali suang ngajar. ¹⁴ Iya menyia-nyiakan karunia rohani ye naan tei ko, ye na akoi ntong ko lalo nubuatan kede dewan penatu nonok kami munan ko. ¹⁵ Ene lei hal-hal ihe ali rajin, okoi lei unuk ko te utuh ye dian ngene hal-hal ihe dion kawus ulun tau kite kemajuan ko. ¹⁶ Naperhati ali bebujur nget me ko bolum ali te ye na ajar ko. Bertekunlei tei suang ye leka ali ngene nget ro ko sagar na teselamatkan, buen unuk ko lei atawa daliye ngeringa ajaran ko.