Syarat -syarat Penilik Jemaat ¹ Pepaneran ihe bujur, amun erai ke ulun kakan jabatan penilik jemaat da kakan gawian ye buen." ² Leka iro penilik jemaat harus lei erai ke ulun ye sa bercela, bane ke erai sao, bijaksana, menguasai diri, nahormati ketuju yakni runa, ali panei ngajar, ³ Sa pemabuk, baa ulun ye karas melainkan lemah lembut sa hakun bulo, ali baa ulun ye sinta duit. ⁴ Da harus tau ngurus lou belai da lei ali buen nelang nyaga kawan tia da dian taat ali rasa hormat. ⁵ Sebab, amun da sa ketoan nget me ngurus lou belai da lei nget me da sagar ngurus jemaat Allah? ⁶ Iya lei da erai ke ulun petobat kado dion da iya jaji sakah ali lotu ntong suang hukuman iblis. ⁷ Natameh li da harus lei erai ke ulun ye puun reputasi ye buen tei antara kawan ulun luar sehingga da sa lotu suang kehinaan ali jebakan iblis. Syarat-syarat Majelis Jemaat ⁸ Nget ro ade diaken, da harus lei esa; ke ulun ye na hormati, sa bercabang lidah, sa kecanduan minuman anggur, ali sa ngeto keuntungan ye sa jujur. ⁹ Dali harus tau mege rahasia kebenean iman ali ate nurani ye barasih . ¹⁰ Dali ade harus na uji one ali amun tebukti sa bercela, dali tau melayani nget diaken. ¹¹ Nget ro ade kawan sao diaken, dali harus lei ulun ye na hormati, saa pemfitnah, tapi tau menguasai unuk ali tau na harap suang segala hal. ¹² Diaken harus bane ke erai sao, tau ngatur kawan tia da ali lou belai da ye buen . ¹³ Sebab dali ye apu melayani mget diaken ali buen sagar mahan kehormatan di unuk dali lei ali keyakinan ye solai sagar iman da suang Yesus Kristus. Rahasia Kesalehan Taka ¹⁴ Ap beharap tau lekah sulet ntong ko. tapi ap nulis hal-hal ihe ntong ko dian ¹⁵ seandai ye ap telambat, ko apu ketoan nget me dali harus bolum suang belai Allah , ye iro gereja ke Allah ye bolum, tihang penyenga, ali dasar kebenean. ¹⁶ Taka ngaku betapa solai ye rahasia kesalehan iro : "Da, na nyatakan suang daging, na benerkan ene Roh, na ite ene kawan malaikat, na beritakantei antara bangsa-bangsa, na harap suang denia, na engkat ntong kemuliaan."