Tabe Ke Petrus. ¹ Ke Petrus, erai ke ulun rasul Yesus Kristus, ntong kawan ulun ye nono nget ulun asing , ye tebar tei kawus wilayah Pontus, Galatia, Kapadokia, Asia, ali Bitinia, ² Ye na peli one tue Allah Bapa lalo pengudusan ene roh dian tau bolum suang ketaatan ntong Kristus Yesus ali mahan percikan daya Da: Kira ye anugerah ali damai sejahtera melimpah munan ko. Pengharapan Ye Bolum ³ Terpuji lei Allah ali Bapa ke Tuhan taka Yesus Kristus, ye sesuai ali anugerah-Da ye tamam solai, apu melahirkan taka mulik ntong suang pengharapan ye bolum lalo kebangkitan Yesus Kristus ke antara ulun mate, ⁴ ali dian mewarisi harta pusaka ye sa tau binasa, sa tau rusak, ali sa tau layu; ye na onteh tei surga diengko, ⁵ yeiro ko na lindungi ene kuasa Allah lalo iman keselamatan ye siap na nyatakan te akhir zaman . ⁶ Suang ihe ko tamam ego, meskipun dian sementara waktu, amun na perlukan, ko harus sengsara suang bemasam pencobaan. ⁷ Sehingga iman ko ye lewi berharga ke pada amas ye fana, meskipun apu te uji ene apui, terbukti murni ali mahan pujian, kemuliaan, ali kehormatan te saat penyataan Yesus Kristus. ⁸ Ko male pini kite Da, tapi ko pekasi Da, ali meskipun nehe ko sa kite -Da tapi mo harap ntong Da. Ko arai ali ego tamam ali ye na temponu kemuliaan, ⁹ leka pengawus ke tujuan iman ko desung tercapai, ye iro keselamatan jiwa ko. ¹⁰ Mengenai keselamatan ihe, kawan nabi ye menubuatkan anugerah ye sagar jaji puun ko iro apu na selidiki ali napelajari ali teliti bene. ¹¹ Dali kakan ketoan mengenai dase ali kedeme waktu ye na maksud ene Roh Kristus ye naan suang unuk dali kede Da menubuatkan penderitaan Kristus ali kemuliaan ye sagar sulet uli iro. ¹² Ntong kawan nabi iro na nyatakan bahwa dali sa melayani unuk dali lei, tapi melayani ko suang hal-hal ye nehe apu na pekempe ntong ko lalo kawan ulun ye pekempe Injil ntong ko ali Roh Kudus ye na utus ye na utus ke surga ; hal-hal iro lei ye kakan na saksikan bene ene kawan malaikat . Dian Bolum Kudus ¹³ Leka iro, nasiapkan akal budi ko ali behati-hati onok pengharapan ko seponunye te anugerah ye sagar na okoi ntong ko kede Yesus Kristus na nyatakan. ¹⁴ Nget kawan tia ye taat, iya ko nurut ntong nafsu jahat ko nget kede ko sengke bolum suang kebodohan ko, ¹⁵ tapi kudus lei suang segala gawian ko, nget Allah ye nook ko ye iro kudus. ¹⁶ Kudus lei ko leka Ap kudus." ¹⁷ Ali, amun ko nook-Da nget Bapa ye iro Da ye menghakimi tiap ulun sesuai perbuatan dali nelang sa membeda-bedakan, bolum lei suang takut kengola ko sengke nono nget ulun asing, ¹⁸ ali ngentoan bahwa ko apu na towus ke sara bolum ye sia-sia, ye ko warisi ke datu nini ko, baa ali barang ye fana nget amas atawa perak, ¹⁹ melainkan ali daya Kristus ye mulia, daya Anak Domba ye sa becacat ali ye sempurna. ²⁰ Sebab, Kristus apu na peli ke male dunia na cipta, tapi Da kado na nyatakan te zaman akhir ihe di ko ²¹ Lalo Da ko jaji harap ntong Allah; ye iro Allah ye membangkitkan-Da ke antara ulun mate ali Allah ye ngokoi kemuliaan ntong Da, dian iman ali pengharapan ko ro tei suang Allah. ²² Leka ko apu memurnikan jiwa ko suang ketaatan ntong kebenean sehingga naan kasih persaudaraan ye tulus, maka ware taka pengeasi ali bebujur ke ate ye murni, ²³ sebab ko apu nalahir li baa ke umang ye tau mate, melainkan ke umang ye sa tau mate, ye iro lalo firman Allah ye bolum ali tatap nono ²⁴ Kitab Suci ngulek, "Segala bolum ye iro nget ikut, ali segala kemuliaan ye nget bunge ikut; ikut layu ali bunge ye lotu, ²⁵ tapi, Firman Tuhan tatap seola-ola ye. Yesaya 40:6-8 Ali, Firman iro ye iro Injil ye na pekempe ntong ko.