¹ Lalu, ku mehkeping sebuwah suara de keras mesu uha Bait Tempa de mehnyena ngasag keiju malaikat, ''gaehlah ngan sayanglah keiju Cawan murka Tempa hent neg bumi.'' ² Malaikat pertama gaeh ngan mehnyenyangne cawanne neg bumi, meka timponglah perengkis de menjijikne ngan mine mendam wang nya-nya de mehmengi tanda binatang hent ngan de mehyembah patongne. ³ Malaikat keduweh mehnyeyangne cawanne neg laut, meka laut berub-ah moroi deya, remeng deya nya kebes; ngan semua de mudip ang uhane pun kebes. ⁴ Malaikat ketaruh meh nyeyangne cawanne neg sungi-sungi ngan meteh-meteh piin, ngan semuane moroi deya. ⁵ Lalu, ku mehkeping malaikat de bekuasa semu piin mehnyena, ''Ekam adil, ya De suci, de deh ngan mes deh karena Ekam menghakimi semua ti. ⁶ Sebab, dent meh mehyeyangne deya umat-Kam de kudus ngan deya nabi-nabi-Kam*, tetapi Ekam mehnyogon dent deya dedeg dogcihep. dent pantas ngerimane.'' Ngan, ku mehkeping altar* mehnyena, ''Ya tuhan, Tempa de Mahakuasa, mine ngan adillah penghakimanne-Kam.'' ⁸ Malaikat keempat mehnyeyangne cawanne neg semu metehsiru, meka metehsiru dogjogon kuasa dedeg mehnyehune mesia dengan pui. ⁹ Mesia dog cahune bada peras de luar biasa, tetapi dent mehyum-pah genan Tempa de meh-gempune kuasa semu semua bencana ti. dent kade ira bertobat ngan memuliane Tempa. ¹⁰ Malaikat kerimeh meh nyeyehne cawanne neg semu takhta binatang hent , meka kerajaanne moroi pite; ngan dent mehgigit jila dent karena kinyamme-ndam, ¹¹ ngan mehyum-pah Tempa de ang surga karena gerasa mendam ngan perengkis-perengkis dent; tetapi dent kade bertobat mesu pengunna-pengunna dent. ¹² Malaikat keenem mehnyeyangne cawanne neg sungi bahas, yehent Efrat, meka piinne moroi bedeh dedeg mehnyiyapne jeran dadag raja-raja mesu Timur. ¹³ Lalu, ku mekirih mesu beba binatang hent, ngan mesu beba nabi palsu luwah taruh roh dekes de mayan remeng katak, ¹⁴ Karena dent dehlah roh-roh beek, de mehgadane tanda-tanda ajaib, de geeh ngasag raja-raja ang bumi dedeg meh ngumpulne dent dedeg mehgadapne beperang wang nu bahas, yehent nu Temp, de Mahakuasa. ¹⁵ (''Kirihlah! Ku mendeg remeng penengku. dog berekatlah nya de tetap terjaga ngan mehmeriara keyuhtengine sehigga dep-ne kade ra bejalan dengan lontong ngan nya-nya kade mekirih kemalune.'') ¹⁶ Kemudian, roh-roh biek hent mehgempulne dent ang antong, de uha bahasa Ibrani dog sabut Harmagedon. ¹⁷ Malaikat keiju mehnyeyengne cawanne neg udara, meka dogkapin-glah suara de keras mesu uha Bait Tempa, mesu takhta hent, neyena, ''mes selesai.'' ¹⁸ Ngan, mayan-lah bkilat de mehyamar-nyamar, suara ngan geruh guntur, ngan gempa bumi de hebat, remeng de bayu-h kela terjadi sejak mesia deh ang semu bumi, sang-at dahsyat gempa bumi hent. ¹⁹ Kota bahas hent terutah moroi taruh bagi, ngan kota-kota bangsa-bangsa ruruh; ngan Babel de bahas hent kade dog kembetne Tempa dedeg dogjogonne ngasagne cawan anggur murka-Ne de meruap-ruap. ²⁰ Setiap pulau lenyap ngan dered-dered kade dogdeputne. ²¹ Ujan es de bahas, kira-kira sebahat 1 talenta, jetu mesu rengit mehnenteh mesia; tetapi mesia mehyumpah Tempa karena bencana ujan es hent. sebab, bencana hent begitu mengerine.