¹ Ku mekirih tanda biken ang rengit, de bahas ngan ajaib, iju malaikat de mehgebe iju bencana, yehent bencana de pengabisne, karena uha keiju bencana hentlah murka Tempa berahirne. ² Lalu, ku kirih sesuatu remeng lautne kaca bercampur pui ngan dent de meh mengalahne binatang hent, patongne, ngan angka genanne, mehmijo ang penning lautne kaca hent dengan memegeh kecapi Tempa. ³ Dent mehyanyine nyanyianne Musa,* hamba Tempa, ngan nyanyianne Enak Domba: ''Bahas ngan ajaib semua pekerjaan-Kam, ya tuhan, Tempa De Mahakuasa. Adil ngan mine semua jeran-Kam, ya Raja segala bangsa. ⁴ Esihkah de kade teru ngasag-Kam, ya Tuhan ngan kade memuliane genan-Kam? sebab, hanya Ekamlah de kudus. semua bangsa ra mendeg ngan mehyembah ang jewi-Kam karena adilne-Kam meh dogpetengahne.'' ⁵ Setelah semua hal ti, ku mekirih Bait Tempa, kemah kesaksian Tempa ang surga, tebuka. ⁶ Iju mala-ikat de mehgebe iju bencana hent luwah mesu Bait Tempa, mengikeyuh tengi linen de buda ngan berkilau, ngan mehmengi selempang emas ang isuk dent. ⁷ Ni mesu keempat makhluk mehyogonne ngasag kuiju malaikat hent iju cawan emas, puno murka Tempa, de mudip sampai selama-lamane. ⁸ Bait Tempa dogpenunone dengan asap mesu kemuliaan Tempa ngan mesu kuasa-Ne; ngan kade ni nya pun deput mehmiret ne Bait Tempa sebayuh iju bencana mesu keiju malaikat hent berahir.