¹ Kumudian, Yesus nyonok nganu datn, ''Kuk nyonok dik subonarnya nganumuk, biatn kudu nyo dik gik tekit nok te dik kai dok kobek sapai datn honong haja Punopok monik samah kuasa.'' ² Ngant, nem onu kumudian, Yesus matn petrus, Yakobus, ngant Yohanes, lalau matn datn menyendiri koni dohik dik omuh. Lalu, ngadap datn. ³ Ngant, aduah-Nya jodi cemerlang ngant jeh mopuk. Kai biatn tukank pumopuk aduah nok dunia bisa mopuk wah hant. ⁴ Lalu, timual nok jowi datn, Elia sama samah Musa, ngant datn gik ngomong samah Yesus. ⁵ Kumudian, Petrus nyonok nganu Yesus, '''Rabi, nyik ngadok-Muk, nyik ngadok Musa, ngant nyik ngadok Elia.'' ⁶ Sebab, Petrus kai tahu harus jawab oniah karna datn sumua golak. ⁷ Lalu, timuallah awan menaungi datn, ngant kapinklah suatu caho dik monik sok awan hant, kata-Nya, ''Telah Nak-Kuk dik tukasih. Kapinklah Diapm!'' ⁸ Tika hant gik, jeh datn honong koni sukitar, datn kai gik honong osiah pun sama datn kucuali Yesus. ⁹ Ngant, sementara datn monok sok dohik, Yesus mihitah nganu datn ngadok kai kuktau osiah pun oniah dik jeh datn honong, sapai Nak nasio bangkit sok antara nyo kobek. ¹⁰ Karna hant, datn migit kusanokhant ngadok datn maih samial misiak-misaik oniah artinya kubangkitan sok kobek hant. ¹¹ Lalu, datn misiak nganu Yesus, ''Ngoniah para ahli Taurat nyonok bahwa Elia harus monik ¹² Lalu, Yesus nyonok nganu datn, ''Elia memang monik palimk tiatn ngadok pohik segala susuatu. Ngant, bagaimana samah dik tutulis tentang Nak Nasio bahwa Diapm harus menderita obeh hal ngant nihina? ¹³ Namun, Kuk nyonok nganumuk bahwa Elia memang jeh monik, ngant datn moholukannya susuai samah oniah dik datn inginkan, mah dik tutulis tentang diapm.'' ¹⁴ Kumudian, tika Yesus, Petrus, Yakobus, ngant Yohanes monik gik nganu nabuah-nabuah, datn honong kurumunan nyo obeh nok kulilink nabuah-nabuah hant, ngant para ahli Taurat gik budebat samah datn. ¹⁵ Ngant copat setelah sumua kurumunan nyo hant honong Yesus, datn jodi tukojuat ngant busukoduh ngadok nyambut-Nya ¹⁶ Lalu, Yesus misiak nganu datn, ''Oniah dik samah muk budebatkan samah ahli-ahli Taurat hant?'' ¹⁷ Nyo sok kurumunan hant jawab Diapm, ''Guru, kuk matn nak dahi-dahikuk nganu muk karna diapm kurasukan minu dik ngadoknya mawok. ¹⁸ Sutiap kali minu hant nguasainya, diapm motantnya koni poyok ngant diapm nguluarkan busa sok tukuanya, ngant ngucah cipitnya, lalu diapm jodi kejang, Kuk mito nabuah-nabuah-Muk ngosar minu hant, tapi datn kai sangup.'' ¹⁹ Ngant, Yesus jawab datnngant datn, ''Hai, generasi dik kai bu iman! Kudu oteh gik Kuk harus busama muk? Kudu oteh gik Kuk harus butahan samahmuk? Matn nak hant nganu-Kuk!'' ²⁰ Lalu, datn matn nak hant nganu Yesus. Ngant, tika minu hant honong Yesus, diapm langsung ngucah-ngucah nak hant. Nak hant hobuk koni poyok ngant tugulink-gulink samah tukuak dik nguluar busa. ²¹ Kumudian, Yesus misiak nganu ma nak hant, ''Jeh kudu onu oteh hal tujadi nganunya?'' Jawabnya, ''Sejak masa cink. ²² Ngant, minu hant jeh anal motatnnya koni wah opi ngant koni wah pink ngadok acuarnya. Dok tapi, jika muk depit bubuat susuatu, kasihani mik ngant tolong mik.'' ²³ Yesus nyonok nganunya, ''Jika Muk depit? Segala susuatu mungkin ngadok datn dik pucaya.'' ²⁴ Copat ma nak hant nongis ngant kucauh, ''Kuk pucaya! Tolonglah kupucayaankuk!'' ²⁵ Tika Yesus honong bahwa nyo obeh monik bukurumun samah copat, Diapm bentak minu hant samial nyonok nganunya, ''Muk minu mawok ngant bangal.Kuk puhitahkan muk kuluar sok nak te ngant yok namoknya gik!'' ²⁶ Jeh makas ngant ngucah-ngucahkan nak hant samah hebat, maka minu hant kuluar. Nak hant jodi mah nyo kobek hingga nyo obeh hant nyonok, ''Diapm Kobek!'' ²⁷ Dok tapi, Yesus migit tongan nak hant ngant ngohakkannya, maka nak hant mokat. ²⁸ Ngant, tika Yesus namok koni homink, nabuah-nabuah-Nya misiak nganu-Nya secara pribadi, ''Ngoniah mik kai depit ngosarnya?'' ²⁹ Ngant, Diapm nyonok nganu datn, '' Jenis te kai depit kuluar kucuali hanya samah doa.'' ³⁰ Sok nyih, Yesus ngant nabuah-nabuah-Nya obu ngant nosok wilayah Galilea. Ngant, Diapm kai mau biatn nyo dik tahu. ³¹ Sebab, Diapm jeh ngajar nabuah-nabuah-Nya ngant datn nganu datn, ''Nak nasio dok nyerahkan koni tongan nasio, ngant, jeh Diapm komek, tohuah onu kumudian Diapm Dok bangkit.'' ³² Dok tapi, nabuah-nabuah kai mahami kusanok hant ngant golak misiak nganunya. ³³ Kumudian, Yesus ngant nabuah-nabuah-Nya sapai nok Kapernaum. Ngant, jeh Yesus biatn nok wah homing, Diapm nyonok nganu datn, ''Oniah dik muk nyonokhan wah johatn?'' ³⁴ Dok tapi, datn motink karna wah johatn datn budebat nyik samah dik lain tentang osiah dik palink doi. ³⁵ Lalu, Yesus guhuk ngant pau kudu bolas nabuah. Ngant, Daipm nyonok nganu datn, ''Jika nyo hok jodi dik pertama, diapm harus jodi dik kumisik sok sumuanya ngant pulayan bagi sumuanya.'' ³⁶ Kumudian, Yesus monu nyo nak cink ngant kudepitnya mokat nok antara datn. Ngant, samial makap nak hant, Diapm nyonok nganu datn, ³⁷ Osiah saja dik nyamut nyo nak cink mah te wah odatn-Kuk, diapm nyamuk Kuk. Ngant, osiah saja dik nyamut Kuk, kai nyamut Kuk, lainkan Diapm dik ngutus Kuk.'' ³⁸ Yohanes nyonok nganu Yesus, ''Guru, mik honong nyo ngosar muatn-muatn wah odatn-Muk, ngant mik halanginya karna diapm kai ngajah yah.'' ³⁹ Dok tapi, Yesus nyonok, ''yiak halanginya karna kai biatn nyo dik kodi koyuh dik mahant ajaib wah odatn-Kuk, depit pada saat hant gik hujat Kuk. ⁴⁰ Sebab, osiah dik kai lawatn yah, biatn nok pihak yah. ⁴¹ Sebab, Kuk nyonok dik subonarnya nganu muk, osiah saja dik minyuk nyik cawatn pink karna muk ngajah Kristus, kai dok moyapm upahnya.'' ⁴² ''Ngant osiah saja dik nyebabkan salah satu sok nak-nak cink dik pucaya nganu-Kuk hant bubuat dosa, lebih baik bagi diapm maihnya jika subuah botuh moyapm dik doeh ni ngatuakan pada hinantnya ngant diapm motatn koni wah lawuat. ⁴³ Ngant, jika tonganmuk nyebabkan muk budosa, kapitlah tonganmuk hant. libih baik bagimuk namok koni wah pumidiap samah tongan buntung, daripada samah du tongan namok koni datn, koni wah opi dik kai dok suah pojapm, ⁴⁴ ahok dik sikiatnya kai dok kobek ngant opinya kai dok pojapm. ⁴⁵ Ngant, jika kojokmuk nyebabkan muk budosa , kapiklah kojokmuk hant. lebih baik bagi muk namok koni wah midiap samah kojok buntung. daripada samah du kojok ni motatn koni wah neraka, ⁴⁶ ahok dik sikiatnya kai dok kobek ngant opinya kai dok pojapm. ⁴⁷ Ngant, jika metihmuk nyebabkan muk budosa, tuciallah metihmuk hant. lebih baik bagi muk namok koni Haja Punopo samah nyik metih daripada samah du metih nimotatn koni wah neraka, ⁴⁸ ahok dik sikiatnya kai dok kobek ngant opinya kai dok pojapm ⁴⁹ Sebab, tiap nyo dok ningahami samah opi. ⁵⁰ Gahap hant baik, tapi jika gahap hant moyapm pidiknya, bagaimana muk dok mokinya pidik gik? Puklah gahapm nok wah muk maih ngant budamailah nyik samah dik lain.''