¹ Pada onu hant, tika sujumlah doi nyo bupulua ngant kai puk oniah-oniah samah dik nieduak, Yesus pau nabuah-nabuah-Nya ngant nyonok nganu datn, ² ''Kuk bubolaskasih nganu nyo obeh hant karena te datn jeh busamah ngant kuk selama tohuah onu, ngant kai puk oniah-oniah samahdik niduak. ³ Ngant, jika Kuk ngadok datn mohik koni homing datn dalam keadaan bihiak, datn dok pisatn nok johatn karena balo sok datn monik sok ojuk.'' ⁴ Ngant, nabuah-nabuah-Nya jawab dipm, ''Sok kiah nyo bisa musuak datn samah roti nok ahok sunyik mah te?'' ⁵ Lalu, Yesus nyonok nganu datn, ''Kudu roti dik muk puk?'' Datn jawab, ''Juk roti.'' ⁶ Kumudian, Yesus mihitah nyo obeh hant guhuk nok poyok, ngant Diapm monu juk roti hant, ngant hocak-hocakkannya, ngant minyuk nganu nabuah-nabuah-Nya samah ngidangkannya nganu nyo obeh. Datn pun ngidangkannya nganu nyo obeh. ⁷ Ngant, nabuah-nabuah gik puk cik katn cink. Setelah ngucap syukur somunya, Yesus ngadok nabuah-nabuah-Nya samah bubagi gik katn-katn hant nganu nyo obeh. ⁸ Nyo obeh hant duak sapai busuak, ngant datn mulua tiso koyuhniduak han dik busisa hanjuk kahanyak pununk. ⁹ Biatn kira-kira pat hibu nyo dik duak. Jeh hant, Yesus ngadok datn obu. ¹⁰ Lalu Yesus copat namok ohut busamah nabuah-nabuah-Nya ngant sapai nok daerah Dalmanuta. ¹¹ Ngant, nyo-nyo Farisi monik ngant mulai budebat samah Yesus, samial mito Yesus nijuk tana sok surga, samah nyoba-Nya. ¹² setelah Yesus menghela pungasia omuh wah Minu-Nya, Diapm nyonok, ''Ngoniah generasi te ngogau tana? Kuk nyonok dik subonarnya nganu muk, kai biatn nyik pun tana dik dok niminyuk nganu generasi te.'' ¹³ Kumudian, Yesus togatn datn, namok gik koni wah ohut, ngant obu koni suborank. ¹⁴ Nabuah-nabuah kemiat matn roti, ngant hanya puk supotonk roti nok wah ohut. ¹⁵ Ngant, Yesus buposatn nganu datn, ''Siap sudialah! Buhati-hatilah tuhadap ragi nyo-nyo Farisi ngant ragi Herodes.'' ¹⁶ Lalu datn mulai budiskusi nyik samah dik lain soal datn dik kai puk roti. ¹⁷ Ngant, setelah kutau hal te, Yesus nyonok nganu datn, ''Ngoniah muk ngomong hant tentang muk dik kai puk roti? Oniah muk guatn gik kutau atau tuhiti? Oniah otimuk nokkuhiakan? ¹⁸ Apakah muk puk metih, tapi kai honong? Ngant, puk kopink, tapi kai ngopink? Kai nyiantkok muk, ¹⁹ Tika Kuk hocak-hocakan himih roti ngadok himih hibu nyo, kudu obeh kuhanyak dik buisi punuk samah potongan-potongan koyuhnas dik muk mulua?'' Datn jawab, ''Du bolas kuhanyak.'' ²⁰ Ngant, tika juk roti ngadok pat hibu nyo hant, kudu kuhanyak dik punuk samah potongan-potongan koyuknas dik muk mulua?'' Datn jawab, ''Juk kuhanyak.'' ²¹ Lalu, Diapm nyonok nganu datn, Oniahkah muk maseh guatn tuhiti?'' ²² Kumidian, Yesus ngant nabuah-nabuah-Nya tiba nok Betsaida. Ngant, kudu nyo matn nyo bokap ngant mohon nganu Yesus agar migitnya. ²³ Yesus pun migit tongan nyo bokap hant ngant matnnya koni luar desa. Lalu, Yesus hucuah metih nyo bokap hant ngant ngonok tongan-Nya somu diapm. Diapm nyonok nganu nya, ''Apakah muk honong susuatu?'' ²⁴ Lalu, nyo hant honong koni somu ngant ngant nyonok, ''Kuk honong nyo-nyo, tapi datn honong mah koyuh-koyuh dik gik bujalatn.'' ²⁵ Setelah hant, Yesus ngonok tongan-Nya nok somu metih nyo hant gik, lalu nyo hant muka metihnya, kuhonongnya baik, ngant diapm pun depit honong sumua samah jelas. ²⁶ Lalu, Yesus ngadoknya mohik koni hominknya samah nyonok, ''Yiak namok koni wak desa.'' ²⁷ Setelah hant, Yesus obu, sama nabuah-nabuah-Nya, koni desa-desanok Kaisarea Filipi. Ngant, nok tudok johatn, Yesus misiak nganu para nabuah samah datn, ''Kata nyo-nyo, osiah Kuk te?'' ²⁸ Datn jawab, ''Yohanes pembaptis, dik laik nyonok Elia, ngant dik laiknya salah nyik sok nabi-nabi.'' ²⁹ Kumudian, Yesus misiak nganu datn, ''Namun, munurutmuk, osiah kuk te?'' petrus jawab-Nya, ''Muk hantlah kristus.'' ³⁰ Ngant, Yesus ngingatkan datn ngadok kai nyonok nganu osiah pun tentang diapm-Nya. ³¹ Kumudian, Yesus mulai ngajar nabuah-nabuah-Nya bahwa nak nasio harus nyohok obeh hal ngant ngok oleh tua-tua Yahudi, iman-iman kupala, serta ahli-ahli Taurat, ngant nikomek, ngant jeh tohuak onu bangkit gik. ³² Ngant, Yesus nyonok hal te secara tubuka. karna hant, petrus nohiak Yesus koni sonik ngant mulai negur-Nya. ³³ Namun, samial noleh ngant honong nabuah-nabuah-Nya, Yesus negur petrus ngant nyonok, ''obulah sok kuk, hai Iblis! Sebab, muk kai miker kan pukara-pukara Punopo, tapi pukara-pukara nasio.'' ³⁴ Jeh hant, Yesus pau nyo obeh, serta nabuah-nabuah-Nya, ngant nyonok nganu datn, ''Jika nyo ingin ngajah Kuk, diapm harus nyangkal diapmnya maih, ngant mikul salibnya, lalu ngajah Kuk. ³⁵ Sebab, osiah saja dik ingin nyelamat nyawanya dok moyapmnya. Dok tapi, osiah saja dik moyapm nyawanya demi Kuk ngant Injil dok nyelamatnya. ³⁶ Sebab, oniah utonknya nyo depit sumua dunia, tapi moyapm nyawanya? ³⁷ Oniah dik depit nyo minyuk ngadok nobus nyawanya? ³⁸ Sebab, osiah saja dik malu karna Kuk ngant firman-Kuk nok generasi dik kai sutia ngant budosa te, maka nak nasio gik dok malu ngakuk nyo hant tika Diapm monik wah kumuliaan bapa-Nya busama samah malaikat-malaikat dik kudus.''