¹ Udah yatn, Yesus bagesah habuah perupamaan ka onak buah-Inya untok mamborek taok ka hidak bahwa hidak harus selalu badoa datn ndak am bakocek ati. ² Kata-Inya,''Di habuah kota, ada haurankg hakim yang ndak golak ka Allah datn ndak mangharga urankg laing. ³ Di kota yatn, ada haurankg janda yang hararat datang ka hakim yatn datn bakata, 'Borek'elah keadilan ka aku ta'adap lawantku.' ⁴ Untok babaropai waktu, sang hakim ndak aus nulong janda yatn. Akan tetapi, udah yatn hakim yatn bakata dalapm ati'e, 'Meskipun aku ndak golak ka Allah datn ndak menghargai hopai pun, ⁵ tetapi karena janda tok hararat maruku, aku akan mamorek keadilan ka inya hupaya inya ndak nyusahkan aku watn kadatangan'e yang hararat yant.''' ⁶ Lalu, Tuhan bakata, ''Dinga'e opai yang di cita'e hakim yang ndak adel yatn, ⁷ Ndak kah Allah akan morek keadilan urankg-urankg pilehan-Inya yang baseru ka-Inya siang datn malam? Opikah inya akan manundak-nundak hampai lamak untok manulong hidak? ⁸ Aku bakata ka ikau, Inya akan hagera mamorek kaadilan ka hidak. Akan tatapi, katika Onak mansia datang, opai ka Inya akan manomu iman di bumi?'' ⁹ Yesus jum nyita perumpamaan tok ka babaropai urankg yang nganggap dirik hidak bonar datn maliat rendah urankg laing. ¹⁰ ''Ada dua urankg pogi ka bait Allah untok badoa. yang haurankg adalah urankg Farisi datn yang laing adalah haurankg pamungut pajak. ¹¹ Urankg Farisi yatn badiri datn mangucapkan doa tentang dirik'e, 'Ya, Allah, aku batarima kaseh ka Ikau karena aku ndak upa urankg laing; upa pameras, panipu, pazinah, atau bahkan upa pamungut pajak tok. ¹² Aku bapuasa dua kalik haminggu, aku morek perpuloh dari hamua pangaselku.' ¹³ Akan tetapi, si pamungut pajak badiri agak jaoh, bahkan ndak njonang ka langit. sebalik'e, inya mandump-mandump dada'e hambel bakata, 'Ya, Allah. berbelas kaseh'e ka aku, si pandosa tok.' ¹⁴ Aku bakata ka ikau, pamungut pajak tok pulang ka rumah'e habagai urankg yang lobeh di bonar'e daripada urankg Farisi yatn sebab urankg yang maninggikan dirik akan direndah'e, datn urankg marendahkan dirik akan ditinggi'e.'' ¹⁵ Lalu, urankg-urankg mambawa onak-onak hidak yang gik kocek ka Yesus supaya Inya menjamah hidak. Akan tetapi, ketika murit maliat'e, hidak mulai marah urankg-urankg yatn. ¹⁶ Namun, yesus nyapa onak-onak yatn untok datang ka-Inya datn bakata, ''Biar'e onak-onak kocek yatn datang ka aku, jangan nglang'e hidak sebab kerajaan Allah adalah ompok orankg-urankg yang upa hidak tok. ¹⁷ Aku nyita yang haunggoh'e ka ikau, hopai pun yang ndak nerimak kerajaan Allah upa haurankg onak kocek. inya ndak akan huwah tamak ka dalapm'e.'' ¹⁸ Ada haurankg pamimpin hidak yang batanyak ka Yesus, ''Guru yang baik, opai yang harus ku pabuat untok dapat mawaris idup yang kekal?'' ¹⁹ Jawab Yesus ka inya, ''Ngopai ikau nyobut Aku baik? Ndak ada haurankg pun yang baik kecuali Allah handirik. ²⁰ Ikau ngtaok tentang hukum-hukum tok: 'Jangan bazinah, jangan mambunoh,jangan mancuri, jangan morek kesaksian palsu, serta hormatilah opak datn umak kau.''' ²¹ Jawab urankg yatn, ''Aku udah nunggu hamua yatn hemenjak aku gik kocek.'' ²² Katika yesus ninga'e, Inya bakata ka urankg yatn, ''manseh ada satu hal yang kurang. jual'e hamua yang ada datn bagi'e ka urankg-urankg miskin, maka ikau akan dapat reta di surga; datn ayoklah, agak jag Aku.'' ²³ Katika urankg yatn ninga pakata Yesus yatn, inya menjadi sangat sedih sebab inya sangat kaya. ²⁴ Udah yatn yesus njonang inya datn bakata, ''betapa payah'e bagi urankg-urankg kaya untok tamak ka dalapm kerajaan Allah! ²⁵ Bahkan, lobeh mudah ha'ikok unta untok tamak malalu lubang jarum dari pada urankg kaya tamak ka dalapm kerajaan Allah.'' ²⁶ Urankg-urankg yang maninga pakata yatn bakata,'' mok mian, hopai yang bisa di selamat'e?'' ²⁷ Jawab Yesus,'' Opai yang mustahil bagi mansia adalah mukin bagi Allah.'' ²⁸ Lalu, petrus bakata, ''Liat'e, kamek udah ningal'e hamua yang kamek ompok'e datn magak Ikau.'' ²⁹ Yesus bakata ka hidak, ''Aku nyerita yang habonar'e ka ikau, ndak haurankg pun yang udah ningal rumah, bini, miyadek-miyadek'e, urankg tua,atau onak-onak'e demi kerjaan Allah, ³⁰ yang ndak akan nerimak hal-hal yatn balipat ganda pada masa tok, datn pada masa yang akan datang, yaitu hidup yang kekal.'' ³¹ Lalu, Yesus mangumpol kadua bolas murid-Inya datn bakata ka hidak,''Dinga, kitu akan lari ka Yerusalem datn hamua jolu yang udah di tulis oleh para nabi tentang onak mansia akan digenapi. ³² Inya akan di borek'e ka urankg-urankg yang ndak mangenal Allah. Inya akan diolok, dipajoreh,datn di ludah'e. ³³ Datn, udah yatn hidak mombat-Inya,hidak akan mambunoh Inya. Akan tetapi, pada ari yang katiga, Inya akan bangkit kembali.'' ³⁴ Namun, para murid ndak ngreti hutek pun dari hal-hal tok. arti pakata yatn batapok bagi hidak hainga hidak ndak mamaham opai pun yang udah di kata'e ³⁵ Pada saat Yesus amper datang di kota Yerikho, ada haurankg butak yang tongah dudok di pinger jalan hambel ngmis. ³⁶ Katika urankg butak yang ninga urankg bnyak lalu,.inya mananyak'e opai yang tongah tajadi. ³⁷ Datn, urankg-urankg bakata ka'inya,''Yesus dari Nazaret tongah lalu.'' ³⁸ Maka, mangkas lah urankg buta yatn,''Yesus,Onak Daud, kosal'e aku!'' ³⁹ Urankg-urankg yang bajalan di adap rombongan, mamarah urankg butak yatn datn nyuroh'e diam. Akan tetapi, inya malah mangkas lobeh bosak,''Onak Daud, kosal'e aku!'' ⁴⁰ Lalu Yesus barenti datn nyuroh agar urankg butak yatn di bawa ka Inya. Katika urankg butak yatn manyemak, Inya batanyak ka inya, ⁴¹ ''Opai yang ikau maok'e supaya aku babuat untok ikau?'' Urankg butak yatn manjawab, ''Tuhan,aku maok mata ku bisa mintai,'' ⁴² Yesus bakata ka'inya,''maliatlah, iman kau udah nyembuh ikau.'' ⁴³ Tika yatn jum, inya dapat maliat datn mulai magak Yesus hambel mamuji Allah. Katika urankg banyak maliat hal yatn, hidak jum mamuji Allah.