¹ Aba'u nagur nyodahai dama neh tu'uh ngen gerumeh, tapi empagauh yaek sebagei mang,ngen empagauh nyodahai dama danak sebagei dingan. ² Empagauhlah nyodayauk dama tuuh sebagei ayang,ngen nyodayauk dama danak sebagei dingan nyodayauk ngen puno baraseh. ³ Hormatilah janna-janna damenai -menai janna. ⁴ Remanih,kela janna adeh anak atau sungkauh,daetlah dapentait arus belaje nijauk bakti ngejauk sai reminneh dadep.Ngen remeyaek,daet mes mbalas basa budi ngejauk nyo tu'uhdaet,sebab hal tailah danyenang Allah. ⁵ Sedangkan janna damenae-menae janna damudip nyodadep.yaek arus ngana harapanneh ngejauk Allah sereta teros pesumaneh pemohonan ngen doa nyawau ngen bengarum. ⁶ Meda,janna damudip ntok bepoya-poya,yaek mes kabes walaupun yaek lagimudip. ⁷ Ngerintah gai hal-haltai ngejauk jemaat meda daet kayek ngila. ⁸ Remanih ,kala nyo-nyo kayek,peliara sanak keluarga neh dadep,khususneh keluarga sinekneh,berati yaek nyangkal imanneh dayaek ma meda mesu nyo dakayek pecaya. ⁹ Janna dapebeheit nehwa daftar ntok nyedayauk daumur ma ce'ek enem puhau sewak,jaji ase mesu nai baneh, ¹⁰ Da kenanal karena pebuat-pebuat pagauhneh,yaek pebaas anak-anak,mugat antaok nyuci kajau nyo-nyo kudus,nulauk nyo dasusah,ngen patauh wasetiap keraja dapagauh. ¹¹ Meda ,janna-janna dama dannak kejamen pebehet ngejauk wadaftar,sebab kela hasrat seksualneh ngunah daet jo,o mesu kristus,daet aca'ap ira kawet lagai. ¹² Hal tai manenglah ukaup karena daet-daet mes ngingker jangai pentait daet ngunah sebayauh neh. ¹³ Da tegaang yaek,daet mulai hasule ngelilaik mesu nai ramin ngajauk ramin dabekaet.Bukaet yaek ja daet gai ngisauh ngen nyampur urusan nyo dabukaet, nyanna hal-hal dasearus neh kayek daet nyanna neh. ¹⁴ Jaji, aka'u ira meda janna-janna danak kawaet lagai, beranak anak,meda ngurus remin dingan neh meda kayek adeh sempat bagi lawat tangai ngila daet. ¹⁵ Sebab,kuduh-kuduh nyo mes bebalik ngajauh muat. ¹⁶ Remanih adeh nyodayauk pecaya kayek arus dabeban,ngen gereja dapun nulauk janna-janna bukaet damenai-menai pahalu da tulauk. ¹⁷ Nyo tu'uh-nyo tu'uh dangurus jemaat ngen pagauh pantas ngerima kehormatan duweh kali lipat, pentait daet dabekereja keras wakhotbah ngen ngajer. ¹⁸ Sebab,kitab suci yenna"ba'a ngantus babak lembu dadeng ngilik gandum," ¹⁹ Ba'a ngamit penudauh dapahabu ngejauk nyo tu'uh kecuali dadasar neh adeh buti mesu duweh atau taruh nyosaksi. ²⁰ Daet .da ngunah dusa arus tanagur dajawai seluhuh nyo meda dabukaet jaji taru ngunnah dusa. ²¹ Da jawai Allah,Yesus kristus,ngen para malaikat dapilaih, aka'u ngingat ma'u ngen menae-menae supaya nuhut penanen-penanen tai tanpa curiga atau milaih kasih. ²² Aba'u meru jagek ngantauk tangen samau asih saja atau aba'u ngajah ngamit dadeng wa dusa nyoda bukaet.jenagalah meda adep ma'u tatap beraseh. ²³ Aba'u ntok nye'ep pi'it budau,tapi genunalah ce'ek angur demi putauh ma'u ngen tibau ma'u daaring manap. ²⁴ Dusa mesu dadeng nyo meru jales tubek sehinga ngajauh daet ngejauk kanto.meda,dusa mesu dadeng nyobukaet aca'p tubek pagijei. ²⁵ Remanih saet adaih pebuat pagauh dajales tubek.tapi pebuat pagauh dakayek tubek neh, kayek aca'ap teros suka'a.