¹ Semangai nanenneh ngen menae ngabat pada watu-watu terakir,sebagian nyoda ntagat imanneh ngen nyerah adep ngejauk semangai-semangai sasat daajaran muat-muat . ² Daet dapengaruh nkadeng munapikneh nyo pemulak daateng nuranineh mes da nancap ngen besi pahas. ³ Daet kejamen nyo mase ngen kejamen nyo ma'an pemakat datunah Allah,da searus neh datamit ngen ucapan syukur tangai daet dapecaya ngen nganel semenae ⁴ Sebab,segala kayusaet datunah oleh Allah yaek pagauh ngen nyap da parih kela datamit ngen sana syukur, ⁵ Karena semua yaek dakunudus oleh firman Allah ngen doa. ⁶ Ngen ngajerneh hal-hal tai ngejauk dingan-dingan seiman,ma'u aca'ap jaji pelayan Yesus kristus dapagauh,remanih ma'u mes danaje wa sena-sena iman daajaran pagauh dames ma'u ngajauh. ⁷ Jo'o lah cerita-cerita sanik ngen sana-sana tayauk tu'uh,tapi latihlah adep ma'u tangai mudip wakesalehan. ⁸ Lataih jasmani tebates tangaineh,tapi kesalehan beguna wasegala hal karena ngumpul jangai tangai pemudip titai ngen gai pemudip da aca'ap maneng. ⁹ Sana tai dapun dapecaya ngen arus datamit sepunoneh. ¹⁰ Meda yaeklah kita bekereja keras ngen bejuang.sebab, kita ngana kesanang kita ngejauk Allah damudip, dajuru selamat semua manusia,senag daet dapecaya. ¹¹ ngerintah lah ngen najerlah hal-hal tai. ¹² Ba'a adeh nyoda peribe ma'u karena ma'u danak,tapi jajilah cuntaoh bagai nyo-nyo pecaya wasana,tingkah laku,kasih,iman,ngen beraseh. ¹³ Sampei aka'u maneng,pecayalah wapemaca besama kitab Suci,wamugat pengaje,ngen danaje'e. ¹⁴ Ba'a nyia-nyianeh karunia rohani daadaih padama'u, dagatneh ngejauk ma'u ngelalu nubuatan mes dewan pentuuh semu ma'u. ma'uu. ¹⁵ Tunalah hal-hal tai ngen rajin, gatlah adepma'u seutuhneh tangai ngunah-ngunah hal-hal tai semua nyodapun ntebek kemajuan ma'u. ¹⁶ Peratilah ngen menai-menai remanih ma'u mudip ngen anihda ma'u naje.pecayalah dawaneh karena ngen bebuat remusaet ma'u aca'ap menyelamet,pagauh adep ma'u dadep maupun daet da nkapaik pengaje ma'u.