¹ Paringati ne'ido supayo nurut ka pamarintoh ba panguaso, taat ba sangup ngalakuot samua'e pakarajaan nang gagas, ² an'o majahat sape pun, an'o batangkar, sarato banar-banar basikap lamoh lamut ka samua'e urokng. ³ Karamo, diri doho'e ugo'o bago, an'o nurut, tasasat, dipabago ba'macam-macam kama'oan ba karepo'ot, idup nang jahat, dangki, ditegeti sarato bategetot. ⁴ Tapi ko'oo, sataloh kabaikot ba kasih ALLAH, Juru Salamat diri, dinyatoot, ⁵ Io nyalamatot diri, buke karano kalakuan gagas nang diri ngalakuot, salain karano balas kasih'E nang udoh marasihot lantas lahir samulo ba maharui Roh Kudus , ⁶ Nang Io nyurohot samanyak-samanyak'e ka diri ngalalui Kristus Yesus, Juru Salamat diri. ⁷ Lantas, dah ako anugrah'E dibanarot, diri jadi'o ahli waris sasuai bapangharapot supayo idup nang kakal. ⁸ Kato anyian sidi. Manganai jukut anyian aku ma'o kau banar-banar yakin supayo ne'ido nang udoh picayo Ka ALLAH biso ngalakuo't pakarajaan gagas. jukut anyian gagas lantas bapaedoh ka samua'e urokng. ⁹ Tapi ko'oo, ela'anlah padebatot-padebatot, ngisohot katurunan, pasilsihot, ba patangkarot nang bago mangana'i Hukum Taurat kareno jukut ang'koo an'o ado paedah'e ba sio-sio. ¹⁰ Untu urokng nang nyabapot kaancurot, paringati io saka'i ato duo kai, lantas jauhilah io. ¹¹ Karamo kau nahu'i urokng macam ang'koo udoh disasatot nang baisi doso, io ngatangan hukuman ka diri'e sandiri. Patunjuk Nang Dudi ba Salam ¹² Dah ako,o aku nyuruh Artemas ato Tikhikus ampus ka'kau, barusoholah supayo atok ka'aku ka Nikopolis kareno aku udoh mutusot ma'o diopo ka naan salamo musim dingin nano. ¹³ ba saganap tanaga'nyu, tuuki'lah Zenas, pakar ukum ko'oo, ba Apolos nang masih kadoop pajaanan supayo ne'ido an'o kakurangan ame'o pun. ¹⁴ Saharuse urokng-urokng diri baajar sidi-sidi ka doop ngalakuot pakarajoot nang gagas supayo ne'ido biso nyukupi kapalaruot idup ari-ari'e ba an'o idup jako'o bataait. ¹⁵ Samua'e urokng nang ado ba'aku nyampeot salam ka'kau. Sampeot salam'ku ka ne'ido nang ngasihi diri ka doop iman. Barakat nyaretai kito samua'e.