¹ Tapi ko'oo, kito, ajarotlah jukut-jukut nang banar nang sasuai ba pangajarot . ² Angaki-angaki nang labih tuho kira'e biso nahan diri'e, nang ba'wibawo, ngandaliot diri, sarato gagas kadoop Iman, kadoop kasih, ba kadoop katekunan. ³ Nang bini-bini nang labih tuho kira'e mare contoh ba kalakuan nang gagas, an'o majahat ato hambo araak, saharuse ngajarot manganai ame'o nang banar. ⁴ Kade ja'koo, ne'ido biso ngajari nang bini-bini mudo'o supayo sayang ka aki'e, kasih ka anak-anak'e, ⁵ ngandaliot diri'e, gagas, ngurus rumoh tango'e, ramoh , ba nurut ka aki'e, supayo firman (kata-kato) ALLAH an'o di olo-oloan. ⁶ Jako'o ugo'o, ajarilah urokng-urokng mudo supayo biso ngandaliot diri'e. ⁷ Ka doop samua'e pakaro, jadiot diri kito contoh kadoop pakarajaan-pakarajaan nang banar. Ka doop pengajarot, pagariot'lah kamampuan, ka'wibawoot, ⁸ bakato banar nang an'o bacelo lantas samua'e lawan maraso supot kareno an'o ngatoot jukut nang an'o gagas manganai diri. ⁹ Hambo-hambo sapatute nurut ka tuan-tuan ne'ido ka'doop pakaro dameo pun, barusoho'lah supayo ne'ido maraso repo, ba an'o mantoh. ¹⁰ usoh ngait, tapi pagariotlah bahwo dirinyu biso dipicayo supayo kadoop pakaro dameo pun ne'ido tatap gamalot ajarot ALLAH, Juru Salamat diri. ¹³ Karamo, barakat ALLAH nang nabanan kasalamatot udoh nyato ka samu'o urokng, ¹² supayo ngoatot diri an'o narimo jukut nang an'o banar ba hawo napsu dunio lantas diri biso idup ngandaliot diri, an'o medo-medo'ot, ba banar ka jaman kani'o nyian, ¹¹ samintaro diri ngantiot ba ngarapot nang baisi barakat, atake nang baisi kamulioot ampat ka ALLAH nang ayo'o, ba juru salamat diri, KRISTUS YESUS ¹⁴ Io udoh mareot diri'E ka diri supayo nabus diri samu'o nang udoh babuat saloh ba marasi'hoto diri'E ugo'o, umat pilihane nang sega ngalakuo'ot pakarajaan nang gagas. ¹⁵ Ajarilah samua'e nyian, bare pituoh ba tagorlah pake wibawo. Ame sampe ado urokng nang garemehan kito.