¹ Ako' koo, aku nanang ka kokot kanan Io nang duduk di atas takhta koo sabuoh golongan * buku, nang batulisotn di sisi doopm ba uase, nang di nyegel sampe tujuh ege' segele. ² Lalu, aku nanang seko' malaekat nang kayo' bakato koat sidi, "Sape ge' nang pantas muko' golongan buku koo ba segel- segele?" ³ Tapi, ino' ado seko' urokng pun, baik nang di Sarugo, didunio, maopun nang ka baboh dunio nangbiso muko' ato nanang ka doopm golongan koo. ⁴ Jadi, aku mulai' nangis ta singkak-singkak karamo ino' seko' urokngpun nang dinamui' nang pantas muko' golongan buku koo atopun nanang bagian doopme. ⁵ Tapi, seko' ampat ka antuho-tuho koo bakato ka aku, "Barantilah nangis! Tanang, Singo nang ampat ka suku Yehuda, katurunan Daud*, dah manang lalu Io biso muko' golongan buku koo ba tujuh segele " ⁶ Lalu, aku nanang ka tangoh-tangoh takhta ba barang tai, ba ka tangoh-tangoh para antuho-tuho koo seko' Anak Domba badiri, angayo dah dingalelet nang ba tanuk tujuh ege' ba tujuh mato, nang koo tujuh Roh Allah nang dingirim ka saluruh dunio. ⁷ Anak Domba koo atokng lalu ngicokng golongan buku koo ampat ka kokot kanan Io nang duduk di atas takhta. ⁸ Lalu, waktu Anak Domba Allah dah ngicokng golonganbuku koo, ka ampat barang ba ka duapuluh ampat antuho-antuho nyamboh ka adapotn Anak Domba Allah koo, dah masing-masing nangkapi' kacapi ba sege' galas amas nang baisi' ba kamayan, nang koolah do'o urokng-urokng kudus. ⁹ Lalu, ne'ido' barenyoh sege' lagu barahu, ja katae: Kau pantas ngicokng golongan buku koo lalu muko' segel-segele karamo Kau dah dinyambaleh, lalu ngan darah-Ngu, Kau dah nabus urokng-urokng ka satiap suku, bahaso, kaum, ba bangso bagi Allah. ¹⁰ lalu Kau dah manjajiotn ne'ido' jaji sabuohkarajaan ba imam-imam bagi Allah diri', lalu ne'ido' pasti nang marentoh ka atas dunio." ¹¹ Ako' koo, aku nanang, lalu aku nangar suaro rami ampat ka malaekat nang ngulilingi' takhta, 4 barang, ba para antuho-tuho koo. Lalu jumloh ne'ido' koo baribu-ribu, malah puluhan ribu, ¹² ngampak basuaro nyarekng sidi "pantaslah Anak Domba, nang dah dinyambaleh koo, narimo' kuaso, ba kakayootn, lalu hikmat ba kakoatotn,lalu tabe' lalu kamuliootn, ba pujiotn." ¹³ Ako' koo, aku nangar satiap barang nang ado ka Sarugo,ba ka dunio, lalu ka baboh dunio, ba ka laut, lalu samuo nang ado ka doopm, samuo koo ba kato, "Bagi Io, nang duduk di atas takhta, lalu bagi Anak Domba, samuo puniotn, tabe' kamuliootn, ba kuaso sampe salama-lamae!" ¹⁴ Lalu, 4 barang koo bakato,"Amin!"* lalu ara antuho-antuho ngogo' lalu nyamboh.