¹ Lalu, dimareotn ka aku sege' buuh, modele angayo tungkat pangukur, ba kato-kato, "Ampus lalu ukurlah Bait Allah lalu altare ba ne'ido' nang sambayang ka doopme. ² Tapi, biarotlh kaangan Bait Allah nang sabaloh uas, ame di ukur karamo koo dah dimareotn ka bangso- bangso; lalu ne'ido' pasti ninyak- ninyaki' Koto Suci koo salamo 42 buotn. ³ Lalu, Aku pasti mare' kuaso ka duo saksiku lalu ne'ido' pasti ba curito salamo 1260 ari sambil make' saput duko." ⁴ Ne'ido' nyian 2 puhutn zaitun ba 2 poho sensan nang badiri ka adapotn Tuhan nang miliki' dunio. ⁵ Lalu, kalo ado urokng nang mao nyakiti' ne'ido', api kauar ampat ka moot ne' ido' lalu ngangusotn musuh-musuh ne'ido'. Kalo sape sajo' nang mao' nyakiti' ne'ido', io pasti di bunuh ba caro angayk koo. ⁶ Kaduoe nyian ado kuaso sa' nutupi' angit supayo ujotn ino turutn pado ari-ari ne'ido' ba curito; lalu ado kuaso atas ai' sa' nguboh io nanjadi daroh ba sa' mangkong dunio ba satiap musiboh, kamie ne'ido' mao'an. ⁷ Waktu ne'ido' dah ngakootn kasaksian ne'ido', binatang nang muok ampat ka arokng maut pasti baparang malawan ne'ido' lalu ngalohotn ne'ido', ba munuhi' ne'ido'. ^{8 9} Lalu, bangke ka duae pasti entokbg-entokng ka marago koto ayo',