¹ Ado seko urok'ng Farisi nang badamo Nikodemus. Io salah seko urok'ng pamimpin bangso Yahudi. ² suatu ma'am, io atok ka Yesus lalu bakato, "Rabi, kami nahu'i Kito Guru nang atok ampat ka Allah karano ano ado seko urok'ng pun nang biso ngalakuot tando-tando ajaib nang Kito ngalakuot, kacuali Allah ado sabayo ba'io." ³ Yesus nyahuti io, "sa'sidi-sidi'e Aku bakato ka kau, kade seko urok'ng ano di lahirot agi (di lairot agi secaro rohani ampat ka Allah), io ano biso nanang Karajaan Allah." ⁴ Nikodemus batanyo, "Jamae mungkin seko urok'ng biso dibaranaakot agi kade io udoh tuho? Bisoke io taamo agi ka doop parut uma'e lantas di baranakot agi?" ⁵ Yesus nyahuti io, "Sasungguhe, Aku bakato kakau, kade seko urok'ng ano dilahirot apat ka ai ba Roh, io ano biso ta'amo ka doop karajaan Allah. ⁶ Ameo nang dilahirot ampat ka daging (dilahirot secaro jasmani) tatap daging, ba ameo nang dilahirot ampat ka Roh tatap roh (Roh Kudus nang ngidupot rohani manusio nang mati). ⁷ Ialah heran kareno Aku bakato ka'kau, "Kau harus dilahirot agi.' ⁸ Angin nyiup ka maepun io ma'o lantas kau nangar bunyi'e, tapi kau ano nahui ampat ka mae asale ba kamae io ma'o ampus. Ja'koo ugo basamua'e urok'ng nang dilahirot ampat ka Roh (Roh Allah: Roh nang di artiot angin)." ⁹ Nikodemus batanyo, "Jamaae mungkin jukut ang'koo tajadi?" ¹⁰ Yesus nyahut, "Buke'ke kau guru ueok'ng Israel, tapi kau ano ngarati samuae jauku ang'koo? ¹¹ Sa'sidi-sidi'e, Aku ngatoot ka'kau bahwo kami bakato manganaai ameo nang kami nahui ba mare kesaksian manganaai ameo nang kami nanang, tapi kau ano narimo kesaksian kami. ¹² Kade Aku mataki kau mangana'ai dunio ajo kau ano picayo, jamae mungkin kau ma'o picayo kade Aku mataki kau mangana'ai subayot? ¹³ Ano seko urok'ng pun nang paranoh naik ka subayot, kacuali Io nang udoh turut ampat ka subayot, Iolah Anak Manusio (Sabutot nang di make untu Anak Manusio nang Allah nyanjiot ). ¹⁴ Sabayo saparati Musa naikot uwar timago ka padok balantaro, ja'koo ugo Anak Manusio harus ditingiot, ¹⁵ supayo samu'o urok'ng nang picayo ka-Io namu idup kakal. ¹⁶ Karano Allah sayang sidi ka dunia nyian, Io mareot Anak'Ke nang tunggal supayo samuo urok'ng nang picayo ka-Io ano binaso( Idup nang di nyikso salamo'e ka Narako ), malainkan namu idup nang kakal( idup salamo'e ka Subayot ). ¹⁷ Karano Allah nyuruh Anak'Ke ka doop dunio buke untu gadili dunio, malainkan supayo dunio di salamatot ngalalui Anak'Ke. ¹⁸ Urok'ng nang picayo ka-Io ano akan di ukum, tapi urok'ng nang ano picayo udoh ado kababoh ukuman karano io ano picayo ka namo Anak Tunggal Allah. ¹⁹ Anyianlah ukuman ang'koo: Tarok dah atok ka doop dunio, tapi manusio labih suko nang galap dari pado tarok kareno ameo nang ne'ido ngalakuoot adolah jahat. ²⁰ Kareno satiap urok'ng nang babuat jahah teget tarok ba ano atok ugo ka tarok ang'koo supayo kalakuan-kalakuan'e ano diungkit-ungkit. ²¹ Tapi ang'koo, urok'ng nang ngalakuoot kabanaroot atok ka tarok ang'koo supayo donyatoot pabuatoot-pabuatoot'e nang io ngalakuoot ka doop Allah." Yohanes Basaksi Manganaai Yesus ²² Dah ako ang'koo, Yesus ba murit'E ampus ka tanph Yudea. Ka naan, Io ngabisot waktu sarato ne'ido lantas maptis. ²³ Yohanes maptis ugo ka Ainon samak Salim karano manyak ai ka'koo. Urok'ng-urok'ng baatangan lantas dimaptis. ²⁴ Waktu ang'koo, Yohanes nape ditamaan ka doop pinjaro. ²⁵ Lantas, timulah patangkaroot antaro labih dari seko murit Yohanes ba seko urok'ng Yahudi manganaai panyucian. ²⁶ Ne'ido namu'i Yohanes lantas bakato, "Guru, urok'ng nang sarato Kito ka sabarang Yordan, nang manganaai Io kau udoh basaksi, tananglah, Io ugo maptis kamudian samuo urok'ng atok ka-Io." ²⁷ Yohanes nyahut, "Manusio ano biso narimo ameo pun, kacuali jukut ang'koo di bareoot ka io ampat ka subayot. ²⁸ Kau sandiri biso mare kasaksioot aku paranoh ba kato, 'Aku buke Mesias,' tapi aku dinyuruh untu ngadohooi-Io. ²⁹ Urok'ng nang ado ba panganten nang'bini adolah panganten nang'angaki; tapi ayuk panganten nang'angaki, nang badiri ba nangarot io, karepo'ot sidi nangarot suaro panganten nang'angaki (ka Yudea, ayuk nang'angaki di minto untu gatur gawe panganten ba pamimpin acaro ). Lantas, karepo'otku anyian udolah cukup. ³⁰ Io harus mangkin ayo ba aku harus mangkin kenek." ³¹ "Io nang atok ampat ka'atas adolah ka'atas samuo'e, io nang asale ampat ka dunio lantas bakato manganaai jukut nang ado ka dunio. Io nang atok ampat ka subayot adaloh ka atas sagalo samuo'e. ³² Io mare kasaksio'ot manganaai ameo nang di nanang ba nang Io-nangar, tapi urok'ng-urok'ng ano narimo kasaksioot'E. ³³ Urok'ng nang narimo kasaksioot'E ngako'i sidi sasunguhe Allah ang'koo banar. ³⁴ Sabab, urok'ng nang Allah nyuruh ma'o nyampeoto pakato'oto Allah karano Allah mareoto Roh nang ano tabatas. ³⁵ Bapo kasih ka Anak lantas udoh nyarohot sagalo sasuatu ka doop kokot'E. ³⁶ Urok'ng nang picayo ka Anak namu'o idup nang kakal, tapi urok'ng nang ano taat ka Anak ano biso nanango ka idupot, malainkan bero Allah tatap ado ka-io."