¹ Waktu ari nang katiga( Duo ari Yohanes nyampeot kasaksian'e ), ado gawe panganten ka Kana, Galilea, ba uma Yesus ado ka'koo. ² Yesus ba murit-murit'E kano undang ugo ka gawe panganten ang'koo. ³ Takallo a'i anggur abis, uma Yesus bakato ka'Io, "ne'ido ka abisot a'i anggur." ⁴ Yesus yawab, "nangbini( Maria nang jadi hawa barahu, uma samua'e nang idup), dameo hubungane ba-Aku? Waktu-Ku( saat Yesus di mulio'ot ) nape sampe." ⁵ Uma Yesus bakato ka samuo palayan, "Dameo pun nang di kato'ot ka'kau, laku'otlah ang'koo." ⁶ Ka na'an, ado anam panyenok dari batu, nang biaso di make urok'ng Yahudi waktu upacaro penyucian( nyasoh kokot sanape makot, sambayang ka halaman Bait Allah, ba upacaro lain'e). Masing-masing panyenok ang'koo muat kiro-kiro duo ato tiga buyung( tampat untu nampung ai kiro-kiro 33 liter ). ⁷ Yesus bakato ka samuo palayan, "Isilah panyenok-panyenok ang'koo ba a'i." Tarus, ne'ido ngisi panyenok-panyenok ang'koo ba a'i sampe baisi. ⁸ Salanjute, Yesus bakato ka ne'ido, "Kani'o, icoklah sadikit ba tabananlah ka pamimpin gawe." lantas, ne'ido nabanan ka pamimpin gawe. ⁹ Takallo pamimpin gawe yacapi a'i nang udoh di nyadiot anggur ang'koo, io ano nahu'i dari ma'e asale ang'koo( tapi samua'e palayan nang ngicok a'i ang'koo nahu'i), tarus pamimpin gawe ang'koo nyaru panganten nang aki, ¹⁰ lantas ba'kato ka'io, "Samua'e urok'ng gantarot a'i anggur nang gagas talabih doho lantas dah udoh samua'e urok'ng puas yocok, barulah gantarot anggur nang kurang gagas. Tapi, kau nyimpan anggur nang gagas sampe kani'o." ¹¹ Tando endoh anyian partamo Yesus majawat ka Kana, Galilea, ba nyato'ot kamuliaan-E, ba murit-murit'E picayo ka'Io. ¹² Da udoh ang'koo, Yesus turut ka Kapernaum sabayo-bayo uma'E, kamaru-kamaru, ba murit-murit'E. Ne'ido diop ka na'an labih dari sa'ari. Yesus ka Bait Allah ¹³ Ari Rayo Paskah( mampringati bebase urok'ng Israel ampat ka perbudakot ka Mesir ) urok'ng Yahudi udoh samak, lantas Yesus naik ka Yerusalem. ¹⁴ Ka Bait Allah, Io nanang urok'ng-urok'ng yu'o sapi, dombo, ba buruk daro, sarato samuo panukar duit duduk ka na'an. ¹⁵ Yesus majawat cambuk dari tali lantas nyuruh ne'ido samua'e kauar ampat ka Bait Allah, tamasuk samuo dombo ba sapi ne'ido. Io ugo muang duit-duit logam ampat ka para panukar duit tarus malik mejo-mejo ne'ido. ¹⁶ Ka samuo panyu'o buruk daro, Yesus bakato,"Tabanan kauwar samuo anyian dari sio! Usoh nyajiot rumoh Bapo-Ku tampat untu bajualan" ¹⁷ Murit-murit'E taringat bahwo ado tatulis: "Cinta ka rumoh-Nyu, gagus'ot Aku." Mazmur. 69:10 ¹⁸ Salanjute, urok'ng-urok'ng Yahudi yawab lantas ba kato ka-Io, "Tando endoh ameo nang Kito pagari'oto ka kami mambuat Kito ba'hak ngalakuot jukut-jukut anyian?" ¹⁹ Yesus yawab ne'ido, "Ancurotlah Bait Allah anyian lantas doop tiga ari Aku ma'o manguno io agi." ²⁰ Ne'ido yawab, "palaru 46 tahut untu mangunno Bait Allah nyiaan, lantas Kito ma'o mangunno io ka'he tiga ari waktu'e?" ²¹ Namun, nang Yesus maksutot Bait Allah iolah tubuh'E sandiri. ²² Kareno ang'koo, takallo Yesus di bangkitot ka antaro urok'ng mati, murit-murit'E taringat ka pakato'ot anyian; lantas ne'ido picayo ka Kitab Suci ba pakato'ot nang Yesus gucapot. ²³ Takallo Yesus ado ka Yerusalem salamo garayo'ot Paskah, manyak urok'ng picayo ka doop nama'E karano nanang tando-tando endoh nang Io majawat. ²⁴ Tapi ang'koo, Yesus samdiri ano micayo'ot diri'E ka ne'ido karano Io kanal ka samuo urok'ng, ²⁵ ba ano palaru ka sape pun untu mare'ot kasaksiot manganai manusio sabab Io nahu'i ameo nang ado ka doop ati manusio.