1
Nang awale adalah Firman, Firman ang'koo sabayo-bayo ba Allah lantas Firman ang'koo adalah Allah.
2
Mula'i pamulo Firman ang'koo udoh sabayo-bayo ba Allah.
3
Samua'e jukut di yipto'ot galalui Io. Tampa Io, sagalo sasuatu nang udoh ado anyian ano mungkin biso ado.
4
Ka doop Diri'E ado kaidupot lantas idup ang'koo adalah tarok manusio.
5
Tarok ang'koo mancar ka tampat-tampat nang galap, lalu kagala'pot ano biso guasai-Io
6
Ado seko urok'ng nang Allah ngutus nama'e Yohanes.
7
Io atok sebagai saksi untu madahato kisoh manganai tarok ang'koo supayo lewat Io samua'e urok'ng jadi picayo.
8
Yohanes sandiri bukelah tarok ang'koo, tapi Io atok untu madahato kisoh manganai tarok ang'koo.
9
Tarok nang sasidi'e, nang naraki samua'e urok'ng, ma'o atoko ka dunio.
10
Trok ang'koo dah ado ka dunio lalu dunio anyian Io-nyadiot, tapi dunio ano ganali-Io.
11
Io atok ka ane'E sandiri, tapi ane'E ang'koo ano narimo Io.
12
Tapi, Io mare kuaso ka ne'ido nang narimo Io untu di jadioto anak-anak Allah, saparati ne'ido nang picayo ka nama'E.
13
Ne'ido di baranakot buke dari daroh ato kamaoan daging, ato kamaoan angaki, malainkan ampat ka Allah(secaro rohani).
14
Firman ang'koo udoh jadi manusio lalu diop ka antaro diri. Diri udoh nanang kamulia'Ate saparati kamulia'at Anak nunge Bapo, barisi anugrah ba kabanarot.
15
Yohanes mare kisoh manganai Io sambil ngampak(bakato ayo), "Anyianlah Io nang kumaksut saat aku bakato, 'dah ako aku, ma'o atak Io nang ngadoho'i aku kareno Io ado sanape aku."'
16
Ampat kakuasaan'E, diri samua'e narimo pamare demi pamare.
17
Sabab, ukum Taurat dibareot galalui Musa; tapi pamare ba kabanarot atok galalui Yesus Kristus.
18
Ano seko urok'ng pun suoh nanang Allah, tapi Anak Tunggal Allah, nang ado ka pangko'ot Bapo, nyato'ot- Io. Kesaksiot Yohanes Pembaptis
19
Anyianlah kasaksiot Yohanes saat urok'ng-urok'ng Yahudi ngutus imam-imam ba urok'ng-urok'ng Lewi ampat ka Yerusalem untu batanyo ka Yohanes, "Sape ke kito?"
20
Yohanes ngako, Io ano ba sangko, lantas Io ngako, "Aku buke Kristus ang'koo."
21
Ne'ido batanyo ka-io, "kade ja'koo, sape ke kito? kito ke Elia?"
Io nyahut, "Aku buke Elia."
"Kito ke Nabi ang'koo?"
Io yawab, "Buke."
22
Salanjute, ne'ido bakato ka-io, "Sape ke kito, sabab kami ma'o mareo jawapan ka urok'ng nang gutus kami? Ameo kata'nyu manganai diri'nyu sandiri?"
23
Yohanes yawab pake pakato'ot Nabi Yesaya,
"Akuloh suaro urok'ng nang di ngato'ot Nabi Yesaya sambil ngampak-ngampak(bakato ayo) ka padok belantara;
'Paocorlah marago untu Tuhan!"' Yesaya 40:3
24
Urok'ng-urok'ng Yahudi nang digutus ang'koo adalah urok'ng Farisi( golongan karas ).
25
Lantas, ne'ido bakato ka Yohanes, "Kade kito buke Mesias, buke Elia, ba buke ugo Nabi nang lain, gameo'ke kito maptis?"'
26
Yohanes yawab ne'ido, "Aku maptis pake a'i, tapi ka antaro kito badiri seko urok'ng nang ano kito kanal.
27
Iolah nang ma'o atok dah ako aku. Muko tali sandal'E pun, aku ano pantas."
28
Kajadian ang'koo samua'e ka Betania, ka sabarang Batangan Yordan, tampat Yohanes maptis.
Anak Dombo Allah
29
Ari ampagi'e, Yohanes nanang Yesus atok ka-io, lalu Yohanes ba kato, "Tananglah, Anak Dombo Allah ( kurban untu nabuso doso manusio )nang ngapuso doso dunio (doso manusio nang nana'e picayo ka Tuhan Yesus)
30
Iolah nang aku maksut takallo aku bakato, 'Dah ako aku ma'o atoko seko urok'ng nang labih bakuaso( utamo/penting ) daripado aku sabab Io dah ado sanape aku.'
31
De, aku ano nahu'i ka Io, tapi supayo Io dinyato'ot ka urok'ng-urok'ng Israel, lalu aku atok maptis pake a'i."
32
Lantas, Yohanes basaksi, kata'e, "Aku nanang Roh turut ampat ka angit barupo buruk daro lantas Roh ang'koo diop ka-Io.
33
Aku sandiri ano kanal ka Io, tapi Io nang gutus aku
supayo maptis pake a'i bakato ka'aku, 'Io nang ka atas'E kau nanang Roh turut ba diop, Iolah nang mao maptiso pake Roh Kudus. '
34
Aku sandiri udoh nanang ba mare kasasiot Io anyianlah Anak Allah."' Murid-Murid Yesus Nang Partamo
35
Ari ampagi'e, Yohanes badiri agi sabayo-bayo duo urok'ng murit'e,
36
lalu io nanang Yesus cakahan bajo'ot. Yohanes bakato, "Tananglah, Anak Dombo Allah!"
37
Kaduo murit'e nangarot pakato'ote ang'koo lantas ne'ido nunaan Yesus.
38
Yesus mamalek kabalakang takallo nanang ne'ido cakahaan nunaan diri'E, Io bakato ka ne'ido, "Ameo nang kito ngagui?"
Ne'ido bakato ka-Io, "Rabi (nang di artiot artie:Guru), ka mae'ke Kito diop(natap)?"
39
Io ba kato ka ne'ido, "je lantas kito nanang'o io." salanjute, ne'ido atok ba nanang tampat Io diop lalu ne'ido diop ka Io ari ko'o karano waktu ang'koo kiri-kiro jam sapuluh ( 16.00 manurut urok'ng Yahudi siok ari dari mataari tarabit
sampe tabanam).
40
Saloh seko dari kaduo murid nang nangarot pakato'ot Yohanes tarus nunaan Yesus ang'koo adalah Andreas, adi baradi Simon Petrus.
41
Sanap'e, Andereas namui Simon, adi baradie, lantas mare Io nahu'i, "Kami udoh namuan
Mesias(nang di ngaratiot 'Kristus')."
42
Salanjute, Andreas nabanan Simon ka Yesus. Yesus nanangan Simon lantas
bakato, "Kau Simon, anak Yohanes.
Kau ma'o di saru'o Kefas (nang artie 'Petrus' ato 'Batu')."
43
Ari ampagi'e, Yesus bamaksut ampuso ka Galilea. Io batamu ba Filipus lantas bakato ka Io, "Tunaanlah Aku!"
44
Filipus asale dari Betsaida
(koto nang barasal ampat ka timur laut Danau Galilea), koto tampat Andreas ba Petrus diop.
45
Filipus batamu ba Natanael lantas bakato ka'io, "Kami udoh namuan Io nang dinulisot Musa kado'op Hukum Taurat ba para nabi, iolah Yesus dari Nazaret, anak Yusuf."
46
Natanael bakato ka'io, "Mungkin'ke jukut nang gagas atok ampat ka Nazaret?"
Filipus bakato
ka'io, "Atoklah lantas Tananglah."
47
Yesus nanang Natanael atok kadiri'E lantas bakato manganaai Natanael, "Tananglah, seko urok'ng Israel sejati, ano ado kapalsuo'ot ka doop diri'e!"
48
Natanael batanyo, "jamae Kito kanal ka'aku?"
Yesus yawab, "Sanape Filipus nyaru'kau, Aku udoh nanang Kau takallo Kau ado ka baboh kayu aro."
49
Natanael yawab, "Rabi, Kito adalah Anak Allah. Kito adalah Rajo urok'ng Israel."
50
Yesus yawab tarus bakato ka'io, "kareno Aku bakato ka kau, 'Aku udoh nanang kau ka baboh kayu aro', tarus kau picayo? kau ma'o nanang'o jukut-jukut nang jauh labih ayo daripado anyian"
51
Lantas, Io ngalanjutot, "Sasunguhe, Aku bakato ka kau, kau ma'o nanang'o angit tabuko ba malaikat-malaikat Allah naik turut ngalayani Anak Manusio( sabutot nang Yesus make untu dirie sandiri, nang tatuju ka Mesias )."