PEMBELAAN STEFANUS ¹ Lalu, Imam Kayo' bakato, "Batol ge jaiyo ?" ² Stefanus bakato, "Kamaru-kamaru ba bapo'-bapo', dangarot aku. Allah nang Mahamulia gari ka nenek moyang diri, Abraham, waktu io masih diop ka Mesopotamia, sanape io diop ka Haran, ³ lalu bakato ka io, dari kau ampat kasio tingoot kamaru-kamarungu, atok ka tanoh nang Ku nojokot ka kau". ⁴ Ako' koo Abraham ningoot tanoh urok Kasdim lalu diop ka Haran. Ampat kanaun , bapoe mati, Allah nyuruh io pindoh ka tanoh nyian , tampat kau diop kanio. ⁵ Tapi, Allah ano mare io warisan, satapak tanohpun ano malah bajanji mareo Abraham ba katurunane ngampui io padahal Abraham nape baranak. ⁶ Tapi, Allah bakato jaiyo, katurunane nang jadio panatok ka tanoh koo mo' dijadiotno kuli ngan disikso salamo ampat ratus tahut. ⁷ 'Tapi bo, Aku pane ngukum bangso nang nguliot ne' ido', jare Allah', Ako' koo ne' ido' kauar ampat kanaun, lantas sambayang ka Aku katampat nyian. ⁸ Lalu, Allah mare Abraham pakat sunat, lalu Abraham jadi bapo' Ishak, Ishak bapo' Yakup, Yakup, kaduabalas bapo' laluhur. ⁹ Karamo dangki ka Yusuf, bapo laluhur diri nyuo io ka Mesir. Tapi Allah soga nunoot Yusuf, ¹⁰ lalu nyalamatot io ampat ka samuo sikso nyian, lantas di mare io Anugrah ba kabijaksanaan. ka adapot Firaun, rajo Mesir, nang nyadiot io jadi rajo ka Mesir, ba samuo istanae. ¹¹ Waktu koo, Musim kaparot ka saluruh Mesir ba Kanaan, nang paling bajaro sidi, nenek moyang diri ano' namu makanan. ¹² Tapi, waktu Yakub nangar ado ba gandum ka Mesir, baru koo io nyuruh nenek moyang diri' ampus ka na'un. ¹³ Nang kaduakaie Yusuf nganalot diri'e ka kamaru'-kamaru'e, kaluarga Yusuf pun jadi jalas ka Firaun. ¹⁴ Ako' koo, Yusuf bapasot ngundang Yakub,bapo'e, ba kamaru'-kamaru'e, ado 75 urok. ¹⁵ Kenyo'o, Yakub turutn ka Mesir, lalu io mati ka na'un, io ba nenek moyang diri'. ¹⁶ Ampat kanaun, ne'ido' di mindohot ka Sikhem lalu di nguringan ka patunuan nang dah Abraham mali make duit anak-anak Hemor ka Sikhem. ¹⁷ Tapi bo, makin seket papakatot koo, nang Allah sumpohot ka Abraham, bangso koo batamoh ba lipat-lipat ka Mesir, ¹⁸ sampe ado rajo lain bangkit ka saluruh Mesir, nang no' nahui ka Yusuf. ¹⁹ Rajo koo ngodoani' bangso diri' ba ngarongoi nenek moyang diri', lalu makso ne'ido' muang anak-anake, biar no' biso batahan idup. ²⁰ Waktu koo, Musa lahir gagas sidi ka mato Allah. Bapo'e ngoan Musa salamo talu buot, ²¹ waktu io di muang, anak Firaun ngicok io, lalu io miharo macam anake sorok. ²² Ako' koo, Musa di ngajari samuo akal urokng-urokng Mesir lalu io bakuaso ka katae ba kalakuane. ²³ Pas Musa ba umur ampat tahut, timu kaatie layo'o ka kamaru'e, nang katurunan Israel. ²⁴ Waktu io nanang urokng Mesir balaku ano' adil ka antaro seko' ne'ido' , Musa atok ngoanan urokng nang di nyikso koo, io maasi munuh urokng Mesir koo. ²⁵ Musa kiro kamaru'-kamaru'e ngaratio' kalo' Allah mare ne'ido' kasalamatot ngalalui dirie , tapi ne'ido' ano' ngarati. ²⁶ v 26 Ampagie, Musa ngatakngi urokng Israel nang gi bakalahi, io barusoho ngararo' ne'ido' sambil bakato, He, buke ge kito' bakamaru', dameo kito' bakalahi? ²⁷ Tapi urokng nang nyakiti' kamaru'e koo, nyorongan Musa ka sisi, sambil bakato, Sape nang nyuruh kau jadi panguaso ba hakim ka kami? ²⁸ Kau munuho' aku angayo kau munuh urok Mesir tumare ge?. ²⁹ Nangar kato urokng koo, Musa dari, jadi panatok ka tanoh Midian. Kanaun io jadi bapo' duo urok anak angaki. ³⁰ Dah ampat puluh tahutne, ado Malaekat magariot diri'e ka Musa, ka padokng bukit Sinai, angayo jioh api, ka jarami. ³¹ Waktu Musa nanang io, io kamangapot ngan matae. Waktu io nyeketi' mastiatno' io, atok suaro Tuhan, ³² Akulah nenek moyangngu, Allah Abraham, Allah Ishak, Allah Yakub. Musa pun gagatar kagaiot, ano' barani mastiotno io. ³³ Ako' koo, Tuhan bakato ka io, Apasot sandalngu karamo tampat kau badiri nyian bo tanoh suci, ³⁴ Aku dah nanang sidi umatKu bajaro nang ka Mesir nyian, dah nangar ugo ne'ido' kasakitot. Ugo' Aku dah turutn sa' nyalamatot ne' ido'. Kanio' je', Aku nyuruhotno' kau ka Mesir. ³⁵ Musa, nang ne' ido' mai'an dimakatai' 'Sape bo nang nyadiot kau jadi penguaso ba hakim kami?' Iolah urokng nang Allah nyuruh jadi, baik panguaso maopun panyalamat, lewat kokot Malaekat nang magariot diri'e ka jarami'. ³⁶ Urokng nyian nang ngau'ot ne' ido' kauar, sambil ngadoot mukjizat ba tando-tando endoh ka tanoh Mesir, ba Laut Meroh, ba udas salamo ampat puluh tahutn. ³⁷ Musa nyian nang ba kato ka bangso Israel, 'Allah Mao' mangkitatno' nabi sa' kau macam aku ampat ka kamaru'-kamaru"e ngu'. ³⁸ Io nyianlah urokng nang ado ka antaro jemaat ka udas ba Malaekat nang bakato ka io ka bukit Sinai, lalu barage nenek moyang diri', io dah narimo' Firman nang idup, sa' dibareatno' ka diri'. ³⁹ Nenek moyang diri' bai' nurut ka Musa, io muang malah mao' puok ka Mesir doop ati ne' ido', ⁴⁰ lalu bakato ka Harun, 'Amuatot kami dewa-dewa nang mao' bajoot ka muho kami, karamo Musa nyian ngau'ot kami kauar ampat ka Mesir. Kami ano' nahui' ameo nang tajadi ka io. ⁴¹ Waktu koo, ne'ido' ngamuat patung anak sapi, lalu mareot buis ka Padagi koo, sambil repo-repo ngan asel karajaan ne'ido'. ⁴² Tapi, Jubato Panampo' ningoot ne'ido' lalu miarot ne' ido' nyamboh pakomooan tantara langit, angayo nang tatulis ka Kitab Para Nabi. 'Ado ke kito' nabanan ka Aku binatang sambalehot ba buis salamo ampat puluh tahut, ka udas he Umat Israel? ⁴³ Kau nabanan kemah Molokh ngan bintok dewo ngu, Refan, patung nang kau ngamuat sa' namboo' io lalu Aku mo' muang kau ka sabarang Babel.' Am. 5:25-27 ⁴⁴ Nenek moyang diri' ado ba dango Kasaksian ka udas, angayo jubato panampo' marentoh waktu bakato ka Musa, sa' ngamuato io sasuai ba gambare nang dah io nanang. ⁴⁵ Ako' io narimo' dango koo, nenek moyang diri' nabanan io taamo' ba Yosua, waktu ngarabut tanoh ne'ido' ampat ka bangso-bangso lain, nang dah Jubato Panampo' ngaihot ka muho nenek moyang diri', sampe ka jaman Daud. ⁴⁶ Daud namu kasih karunio ka muho Jubato panampo' ba minto' sa' namuo' tampat kadiaman sa' Jubato panampo' si Yakub. ⁴⁷ Tapi, Salomo nang ngamuat sege' rumoh sa' Io, ⁴⁸ Tapi, nang Paling tingi bai' niapmi' rumoh nang dingamuat manusio, angayo kato Nabi, ⁴⁹ 'Angit koo tahta-Ku, dunio nyian tampat paninyakatn-Ku, Rumoh dameo nang kau amuato sa' Akuo' koo?' Jubato panampo' ba kato, 'Tampat Ku ba istirahato'ke?, ⁵⁰ Bukenyo Aku nang ngamuat samuae nyian?'. Yesaya 66: 1-2. ⁵¹ He, kito' urokng-urokng nang karas kapalo, ati ba tarenyekng nang ano' tasunat, kito' nang salalu nantokng Roh Kudus, Ayo nang di ngamuat nenek moyangngu! ⁵² Nabi-nabi Mae nang ano' di sikso nenek moyangngu? Lalu, munuhi urokng-urokng nang sanape'e dah matakot kaatangan Sang Kabanarot, nang kanio' dah jadi diri' ngu sandiri' nang pangianat ba pamunuh. ⁵³ Kau dah narimo' Ukum Taurat nang dah dinyampeot malaekat-malaekat, tapi kau ano' nyago io!" Stepanus dimunuh ⁵⁴ Waktu ne'ido' nangar masaloh nyian, ati ne'ido' raso di nusuk ngan bagarek gigi ne'ido' ka Stepanus. ⁵⁵ Tapi, Stepanus nang dingisi Roh Kudus ningawo' ka angit lalu nanang Kamuliaan Jubato panampo', nanang Yesus badiri kasabaloh kanan Jubato Panampo'. ⁵⁶ Stefanus bakato, "Dangar! aku nanang angit tabuko', ado Anak Manusio badiri kasabaloh kanan Jubato Panampo'." ⁵⁷ Tapi, ne'ido' bakampakot koat sidi, sambil nutup tarenyek ne'ido', lalu bapakat nyarango' Stefanus. ⁵⁸ Lalu ne'ido' narikatni' io kauar ampat ka kota lalu mulai maramakngi' io ngan batu. Ako' koo saksi-saksi mato mukai juboh ne'ido' ka poho seko' ambujok namae Saulus. ⁵⁹ Lalu, ne'ido' tarus maramakngi' Stefanus nang tangoh bakato "Tuan Yesus, icoklah rohku." ⁶⁰ Ako' koo, ako balutut, io ngampak ngan suaro karas," Tuhan ame tanggongan doso nyian ka ne'ido!" Ako' io bakato, iopun mati.