¹ pado ari-ari koo, waktu jumbloh murit sega batamboh, ado kaluhan muok ampat ka urok-urok Helenis kaarah urokng-urokng Ibrani asli karamo jande-jande ne'ido dah dingaupaati doop palayanan mangkanan tiap ari. ² makae, kadua balas rasul koo nyaru samuae murid lantas bakato, "ano' banar bagi diri onto' ngaupaati firman Tuhan demi ngalayani mejo. ³ karamo koo, kamaru-kamaru, pilih tujuh urok ampat ka antaro diri nang babukti baek, baisi nang Roh Kudus nang hikmat, nang diri angkato onto' tugas nyian. ⁴ sadangkan, diri pasti basunguh-basungu doop doa lantas doop palayanan firman. ⁵ buktie koo ati samuae urok karepoot. lantas, ne'ido milih stefanus, urok nang iman ne koat dan Roh Kudus, dan ugo filipus, Prokhorus, Nikanor, timon, Parmenas, dan nikolaus, urok Proselit ampat ka Antiokhia. ⁶ ne'ido nyian dimabo kaadapot samuae rasul, lantas ako badoa, samuae rasul ngangkat kokote ka atas kapalo ne'ido batujuh urok koo. ⁷ firman Allah tarus tasiar lantas jumbloh murid ka Yerusalem mangkin batamboh, bahkan, sakalompok iman ayo' jaji nurut ka iman koo. STEFANUS DINANGKAP ⁸ lantas, Stefanus, baisi nang anugrah dan kuaso, dah manjawat hal nang heran nang tando-tando luar biaso ka antaro urok rami. ⁹ tapi, sangape manyak urok ampat ka sinagoge nang dinyabut urok-urok Libertini, baek urok-urok Kirene maokpun urok-urok Aleksandria, lantas sangape manyak ampat ka kilikianang Asia, umpat lantas bapakaro nang Stefanus. ¹⁰ tapi, ne'ido koo ano' mampu mantoh kapaneote lantas Roh nang Io Stefanus bakato-kato. ¹¹ lalu, secaro diam-diam ne'ido ngasut sangape urok onto' bakato, diri dah nangar urok nyian ngatoot kato-kato mitnah Musa nang Allah!" ¹² lantas, ne'ido makso urok rami, tuho-tuho, urok-urok nang pane taurat, lalu atok ka Stefanus, nangkap io, lalu nabanan io kaadapot sanhedrin. ¹³ ne'ido ngadapot saksi-saksi palsu nang bakato, urok nyian ano' i'hane baranti bakato ngatoot kato-kato nang ngalawan tampat kudus nyian nang Hukum Taurat. ¹⁴ kenyoo, diri dah nangar io ngatoot kade Yesus ampat ka Nasaret ngancoratno tampat nyian lantas nguboho adat istiadat nang dah dimareot Musa ka diri." ¹⁵ lantas, waktu nanang muho Stefanus,samuae urok nang dodok doop sanhedrin nanang muhae angayo muho malaekat.