PETRUS NYAMUHOT UROKNG NANG ENGKOK. ¹ Ari laine, Petrus ba Yohanes ampus ka Bait Allah waktu jam doa ka sambilan yaitu " jam talu umare". ² Tiap - tiap ari urokng nang engkok mulai' kadoop buntik inu'e dimuangan ka Pintu Gerbang nang badamo Pintu gerbang Indah , Onto' minto' sadakoh kaurokng nang mao taamo' ka Bait Allah. ³ Io minto sadakoh ka Petrus ba Yohanes, pas ne'ido' mao taamoo' ka Bait Allah. ⁴ Lantas Petrus barage ba Yohanes nanang ka io langsong bakato " Tanang kami ". ⁵ Urokng nang engkok koo mamaek ka Petrus ba Yohanes baarap ado barang nang mao io bareot. ⁶ Tapi bo Petrus kahe bakato Amas ba Perak ano' ado ka aku, tapi ameo nang ado ka aku ku bareot ka kau doop damo Yesus Kristus urokng Nasaret koo umpatlah langsong bajoot. ⁷ Ako'koo Petrus naapi kokot kanan urokng koo sambil nuukngi' io badiri pas angkoo ugo' pahae nang pungko' kokote manjadi koat. ⁸ Sambil malompat io badiri lalu bajoot. Lantas io taamo' ka Bait Allah. barage Petrus ba Yohanes ne'ido' bajoot io malompat-lompat sarato barenyoh onto' Allah. ⁹ Samue e uro' nanang io bajoot sambil barenyoh onto' Allah, ¹⁰ Ne'ido' nganali io koo urokng nang biaso duduk ka Gerbang Indah Bait Allah nang minto sadakoh. Ne'ido' koo maraso puas sidi atas pakaro nang dah jadi. PETRUS BAKATO KAUROKNG RAMI ¹¹ Samantaro urokng koo mampaot ka Petrus ba Yohanes, Samue e urokng nang ado dikoo notok Petrus ba Yohanes ka Serambi nang dinyabut Serambi Salomo, Ne'ido' kamangapot. ¹² Lantas, waktu Petrus nanang ne'ido', io bakato ka urokng nang rami koo,He urokng - urokng Israel, ngameo kito' kamangapot kajukut nyian ke ngameo kito' nanangan kami, Angayo kuaso ba kapatuhot kami sorok, nang dah ngamuat urokng nyian bajoot? ¹³ Allah Abraham, Ishak ba Yakub, Allah Nenek moyang diri dah ningiot Hamboe, Yesus nang kito' nyarohot malah inolak waktu Pilatus mebasoto' io. ¹⁴ Tapi bo anok kito' tarimo nang Kudus ba nang banar, nang kito' minto' apasot kahe pamunuh. ¹⁵ Kito' dah munuhi nang mare' diri' idup, nang dah mangkitot urokng nang dah mati. Doop pakaro nyian, kamilah saksi- saksie. ¹⁶ Bapadoman ka Iman doop damo Yesus koolah nang ngoatot angaki nyian. Ugo' nang ngamuat io samuh sidi. ¹⁷ Kamaru' - kamaru'ku aku nahui' kito' babuat jakoo karano kito' nok nahuan, sabayo ba angayo pamimpin kito' dee ugo'. ¹⁸ Tapi, sanape' koo Allah dah make moot Nabi - nabi supayo nyampeot kade Kristus mao sangsaro dah di nganapi. ¹⁹ Kade' jakoo batobatlah sidi-sidi supayo doso ngu di apusot, ²⁰ sampe akhire ado damai sejahtera ampat ka Tuhan ugo' namu bagian doop Kristus angkoolah' Yesus. ²¹ Nang taamo' ka sarugo sampe waktu pamulihan samue e kaadaan, Dah Allah ngatoot ka para Nabi nang Kudus mulai bahare'. ²² Jare musa,Tuhan Allahngu Mao mangkitot bagingu seko' Nabi angayo aku di antaro kamaru' - kamaru'ngu sandiri. Kau arus nangarot samue e nang dah io ngatoot ka kau . ²³ Ugo' Mao' tajadi, satiap jiwo, nang ano' nangarot nabi koo Mao' di abisot di antaro bangso. ²⁴ Ugo', Samue e Nabi mulai' ka Nabi Samuel sampe ka nabi- nabi barikute dah ngabarot barito pamulihan nyian. ²⁵ Kau nyian ugo katurun nabi nang idup ka doop perjanjian nang dah Allah ngamuat ba Nenek moyangngu jakato Allah ka Abraham malalui katurunanngulah bangso ka Bumi namuo' barakat. ²⁶ Allah, dah ako' mangkitot Hamboe ( Yesus ), Lantas ngutus iyo ka kau supayo satiap urokng batobat.