¹ Pas atokng ari Pentakosta, ne'ido' samua'e sabayo-bayo bako'mo ka tampat nang sabayo. ² Tibo-tibo ka dangarot suaro dari angit, bunyi macam suaro angin nang laju, bunyi koo ngisi'i doop rumoh urokng nang baduduk'kot nang ado ka koo. ³ ne'ido' nanang ngayo jioh-jioh nyalo api nang bataburan nyangkap ka atas ne'ido nang ado ka koo. ⁴ make'nyo, Io samu'e nang ado di koo di nama'i Roh Kudus ako koo mula'i samua'e bakato make manyak bahaso, nang ngayo Roh Kudus mare'ot supaye di kato'ot. ⁵ Pas ari koo ado urokng Yahudi diop ka Yerusalem, urokng-urokng baik nang dari Bangso ka baboh Angit. ⁶ Pas, kadangarot bunyi koo , sakomo'an urok manyak atok ba rami-rami lalu samue'e kamanggapot nanang urokng nang ado di koo make bahaso Io sorokng. ⁷ Samue e karepoot ba campur kamangapot, lalu bakato " Buke ge urokng nang ado di koo urokng Galilea ? ⁸ Jama'e cara,e diri nangarot ne'ido' ko make bahaso diri kano paranak'kot ? ⁹ Urokng-urokng Partia, urokng Media, urokng Elam nang ugo urokng Mesopotamia, Yudea, Kapadomia, Pontus, Asia, ¹⁰ Frigia, nang ugo Pamfilia, Mesir, tarus ka daeroh-daeroh Libia samak Kirene, urok nang atok dari Roma, urokng-urokng Yahudi, urokng Proselit, ¹¹ urokng-urokng Kreta ba Arab. Diri nangar io samu'e bakato make bahaso diri io nyabarot kalakuan-kalakuan Allah nang ayo. ¹² Lalu ne ido koo kaheranan lantas bakato seko ba nang lain," Damio arti'e samu'e yian au?" ¹³ Tai ado, urokng nang lain gatawo'ot tarus bakato, "Ne 'ido ko'o kamabuk garo-garo nyocok anggur nang barahu." PETRUS BAKATO KA UROKNG RAMI ¹⁴ ngantas, Petrus badiri barage ka sabalas Rasul , ngangkat suara'e gantas bakato ka ne' ido," he urokng-urokng Yahudi samu'e nang diop ka Yerusalem, biarot boh Kau nahui ba paratiot ugo kato ku. ¹⁵ Sabab, urokng-urokng nian ano kamabuk, nang kito ngiro sabab ari masih oop jam sambilan, ¹⁶ Sabab nyian bo nang di matakot nabi Yoel : ¹⁷ 'lantas ,ari-ari tarakhir mao tarjadi, Allah Berfirman : Aku mao mare'ot Roh Ku ka atas samu'o manusio. kamudo Ngu nang angaki ba kamudo Ngu nang ambini mao di bare kamampuot biso maramal, Tarus kamudo Ngu nang Bujokng mao nanang pana'nang'gan. tarus urokng-urokng tuho nang ka'antaro Ngu tatap mamimpiot mimpi-mimpi. ¹⁸ Maloh, ka atas pangikut-pangikut-Ku angaki ba ambini lantas ari-ari ko'o, Aku Mao mare'ot Roh Ku, ako' koo ne' ido mao nujum. ¹⁹ Ako' koo Aku mao nanangan Mukjizat- mukjizat ka angit, ka atas, ba tando-tando endoh ka bumi,ba ka baboh, daroh, api ,ba kabut asap. ²⁰ Mata'ari mao di uboh jadi'o kagalapan ba buot mao jadi daroh, sana'pe ari Tuhan nang ayo atok ba-ka mulia'an ²¹ Lantas tajadio, satiap urok nang nyaru namo Tuhan mao di salamat'ot tot ."'Yoel 2:28-32 ²² Hei urokng Israel, dangarot pakatoot nyian. Yesus, urokng Nazaret, seko urokng nang di natap'pot ka antaro kito dari Allah make jukut nang endoh, mukjizat mukjizat, ba tando-tando, nang Allah mare nahu'i ka antaro kito ngalewati Io, macam nang kau nahu'i sorok. ²³ Yesus nyian, nang di nyarohot macam nang udah di nantu'ot ba macam Allah nahu'i sanape'e, Kau munuh Io make salib'pot kau nyuruh ko'kot urok-urok nang durhako. ²⁴ Maloh mao, Allah ngumpat'ot, ba mebas'sot Io dari singsaro maut jukut Io ino biso di kuasa'i ka mati'ot. ²⁵ Daud suoh carito tantang Yesus, 'Aku siga nanang Yesus ka depan ku, barang Io ado ka sabaloh kanan ku make nyo aku ino mudoh kano tumang'gan. ²⁶ make nyo ati ku sau repo, Jioh-jioh ku ba sorak-sorak. Tubuh ku ugo mao diop ka doop picayo, ²⁷ Kau ino mungkin ningo'ot jiwo Ku ka tampat dunio urok mati, ato miar'ot tubuh urok kudus-Ngu nanang kamati'ot. ²⁸ Kau udah mare nahui ka aku marago paridup'ot. Kau mao ngambuat aku ba isi karepo'ot nanang muho-Ngu.' ²⁹ Kamaru-kamaru, Aku biso bakato ka kito pasti bapo'k leluhur diri, Daud, Io udah mati tarus di nyubur. Patunuan ne bo masih ado ba diri sampe kanio. ³⁰ Mangke nyo, kareno Io ko'o Nabi tarus nahu'i kade Allah udoh ba janji ba sumpoh ka Io supayo ngicok seko katurunan Daud mao di duduk kot ka atas tahta e. ³¹ , Mangke nyo ko'oDaud nang nanang ko'o sanape'e, Io bakato ngisohot Kristus bangkit sabanar re: 'Io ino mungkin kano tingo'ot ka dunio urok mati, ba tubuh-E ino nanang ka mati'ot.' Mzm. 16:10 ³² Yesus nyian lh nang Allah ngumpat'tot trus kami samu'e nyian saksi ngana'i hal ko'o. ³³ Garo-garo ko'o, dah ako di naik'kot kokot kanan Allah ba narimo janji dari bapo ngana'i Roh Kudus, Io udah mare'ot, baik nang kau nanang mao pun nang kau nangar. ³⁴ Daud ino naik ka sarugo, malah Io sorok nang bakato, "Tuhan bakato ka Tuan Ku, 'Duduk bo ka sabaloh kanan- Ku, ³⁵ sampe Aku ngamuat musuh-musuh ngu jadi alas poho' ngu."' Mzm. 110:1 ³⁶ "sabab angko'o, biar'ot samu'e rumoh Israel nahu'i sidi kade Allah udah nyadi'ot Io Tuhan ba Kristus, nyian lh Kristus nang kito nyalib'pot." ³⁷ Pas ne ido nangar hal nyian, tatusuk ati ne ido, ako ko'o ba kato ka Petrus ba Para Rasul nang lain ne, " Kamaru-kamaru, damio nang mao kami ambu'at?" ³⁸ Ako ko'o, Petrus bakato ka ne ido, "Batobat lah ba baptis'sot diri ngu masing-masing do'op namo Kristus Yesus supayo doso-doso kito di ampuni, ba kito'k narimo karunio Roh Kudus. ³⁹ Janji nyian bo untuk ngu, ba anak-anak ngu, ba samu'o urok nang agi jauh, sa'rami nang Tuhan Allah diri mao nyaru nyo." ⁴⁰ Manyak kato-kato nang bedo, Petrus sidi-sidi ba saksi tarus ngampak ka ne ido'o, jare, "Selamatot diri ngu dari pakomo'an nang bengkok nyian" ⁴¹ urokng-urokng nang narimo pa'kato'ot Petrus kano Baptis ba pas ari koo jumlah ne ido batamboh sakitar talu ribu jiwo. PAKOMO'AN UROKNG-UROKNG PICAYO ⁴² Ne ido rajitn doop pangajarot Rasul-rasul ba doop pakomo'an, doop mamacohot roti, ba doop bado'a. ⁴³ tarus, kaga'iot atokng ka atas satiap jiwo, ba manyak jukut nang aneh nang tarjadi ngalalui Para Rasul. ⁴⁴ samuo nang picayo bakomo sabayo ba samuo nang ado di pake basabayo-bayo. ⁴⁵ Ako koo ne'ido' nyuo harta bendo-E, ako koo di bareot-bareot ka samuo urokng, sasuai ka butuhan'ne masing-masing. ⁴⁶ Satiap ari, ne'ido' ba satu ati ba komo sabayo-bayo ka Bait Allah ba macohot-macohot roti ka rumoh-rumoh. Ne'ido' narimo makanan ne'ido' karepo'ot ba ati tulus, ⁴⁷ tarus mamuji Allah, ba ne'ido' di suko'i manyak urokng. tarus, satiap ari Tuhan nambohot jumloh ne'ido', urok-urok nang di nyalamat'ot.