PAULUS KA NAGARI MAKEDONIA BA NAGARI YUNANI ¹ Ako ba parang koo, Paulus ngundang murit-murite, ako' ngoatot ati ne' ido', io babatak ka ne' ido' lalu ampus ka Makedonia. ² Ako' io nyarohi binuo-binuo di koo lalu mare ne' ido' pituo, io sampe ka Yunani. ³ Di naun Paulus diop talu buotn. Karamo urokng-urokng Yahudi ba pakat sa' malawano' io waktu io ba layaro' ka Siria, io ba pikir muokngo' tomokng lewat Makedonia agi'. ⁴ Ayuk Paulus sopater ampat ka Berea, anak Pirus, Aristarkhus ba Sekundus, ampat ka Tesalonika, ba Gayus ampat ka Derbe, ba Timotius, Tikhikus ba Trofimus ampat ka Asia. ⁵ Ne' ido' barangkat doho lalu nunggu kami ka Troas, ⁶ tapi kami ba layar ampat ka Filifi ako Ari rayo Roti No' Baragi, lalu atokng ka ne' ido' ka Troas doop 5 ari, di nau kamu diop salamo 7 ari. KAATANGANPAULUS NANG PANGABISAN KA KOTO TROAS ⁷ Pado ari patamo minggu koo, pas kami gi bakomo onto macohotto roti, Paulus bakato ka ne'ido' karano bamaksod barangkato ampagie, io nyampeot pasote sampe tangoh maam. ⁸ Diruangan atas tampat kami bakomo, ado manyak lampu. ⁹ Ado ambujok ba damo Eutikhus tidur duduk rere' sidi ka jandelo. Pas, Paulus soga ba kato lamo sidi, io makin rere' tidur lalu janto ka lante talu saka i di ngangkat rupae dah mati. ¹⁰ Waktu Petrus turutn ka baboh langsung tiharap nekokng io, sambil ba kato," Ame ribut karamo nyawae masih ado kadoop io." ¹¹ Waktu Paulus naik agi', lalu macahatni' roti sambil makot, lamo sidi io ba carito ka ne' ido' , sampe daniari. Ako koo baru io ampus. ¹² Ne' ido karepoot nabanan ambujok koo puok karamo masih idup. PAJALANAN AMPAT KA KOTO TROAS KA KOTO MILETUS ¹³ Ngaramus ka kapal, kami balayar ka Asos ba rancana ngicakngo' Paulus ka naun, karamo io ampuso bajoot poho. ¹⁴ Waktu io ba tamu ba kami ka Asos, kami ngicok io, lalu ampus ka Matilene. ¹⁵ Ako balayar ka naun, ampagie kami sampe ka Khios. Usa'e, kami dh nyamaki Samos, tuate agi' kami baru sampe ka Miletus. ¹⁶ Karamo,Paulus dah natapot balayar lewato Efesus biar io ano' ngabisot waktue ka Asia karamo io bagancang- baganceh ngaramuso' ka Yerusalem, mun jaji waktu ari Pentekosta. PAULUS KA PANATUA EFESUS ¹⁷ Ampat ka Miletus, Paulus ngirim urok ka Efesus nyuruh mataki panatua- panatua jamaat atokng ka io. ¹⁸ Waktu ne' ido' atok ka io, io ba kato ka ne' ido' "Kito kan nahui, jamae aku idup ka antaro kito salamo nyian, ari pamulo aku ninyakot pahaku ka Asia, ¹⁹ sambil madulian Tuhan ba baik ati, ba ai' mato, ba parambuatan-parambuatan urokng Yahudi, nang di ngantaman ka aku. ²⁰ Jamae biso aku nahano' diri' ano' ba caritoo' ka kau, samuae baguno, lalu ngajari kau ka muho urokng rami ba ampat karumoh- rumoh, ²¹ Sidi-sidi mare kasaksiot, baik koo ka urok Yahudi maopun ka urokng Yunani, masaloh patobatot ka Allah ngan ba iman ka Tuhan diri, Yesus Kristus. ²² Lalu kanio, tananglah, masih ba ikat sumangat, ka pajaananku ka Yerusalem, ano' nahui ngameoo' aku ka naun, ²³ Kahe karamo Roh Kudus ba saksi sidi- sidi ka tiap kota ka aku karamo pinjaro ba sikso dah nunggu aku. ²⁴ Tapi, aku ano' nganggap diriku barago lalu aku biso ngakoot karajaanku ba palayanan, nang aku ngicok ampat ka Tuhan Yesus, sa' batol-batol ba saksi ka Injil Pamare Allah. ²⁵ Kanio, tananglah, aku nahui ano' ado ka antara ngu, nang ka kau aku ba kuliling nyaritoot karajaan, nang nanango' muhaku agi. ²⁶ Karamo koo aku ba saksi ka kau ari nyian aku ano' ba saloh ka darah ngu. ²⁷ Karamo aku ano nahan diriku bacaritoo' ka kito' samuae rancano Allah. ²⁸ Jago diringu sandiri ba samuae ayukng, ka atas Roh Kudus dah nyadiot kau pangawas sa' ngawasi jamaat Allah, nang dah Io ngicok ba darahE sandiri. ²⁹ Aku nahui ako aku barangkat, serigala- serigala rakus pasti atokng ka kito', ano' kasih ka ayuknge koo. ³⁰ Lalu ampat ka kau sandiri pasti muok urokng-urokng nang bakato nyasatatno sa' nariko' murid-murid ampat ka ne' ido'. ³¹ Karamo koo, bajago-jagolah, sambil ngingatot siokng ba maam, salamo 3 tahut, aku ano' baranti ngingati' kito' ba ai' mato. ³² Kanio, aku nyarohot kito' ka Tuhan ba firman anugerah-E nang sanggup ngumpatot kau ba mare kau warisan ka antaro samue e urokng nang di ngudusot. ³³ Aku ano' amootn perak, ato amas, ato pakeotn sape pun. ³⁴ Kau nahui' karamo kokot nyian nang ka duo Io kaparaluotnku ba ne' ido' nang sabayo-bayo ba aku. ³⁵ Doop samuae hal, aku dah nojokot ka kau karajo karas ano ato nyian, diri arus nolong urokng nang lamoh ba ngingatot kato-kato Tuhan Yesus, Io sandiri' ba kato, 'Baik dehe mare' dari pado narimo'.' ³⁶ Waktu io dah ako ngatoot samuae koo, io balutut sambil badoa barage ba ne' ido' samuae. ³⁷ Lalu, manyak nang ba tangisot ka antaro ne' ido' koo, sambil nekok tege' Paulus, sambil ngidungi io, ³⁸ ne' ido' susoh, nangar kato nang io ngatoot karamo ne' ido' dah ano nanango muhae agi. Lalu ne' ido' ngayukngi Paulus ka kapal.