¹ bagiku, adalah labih gio onto' nulis ka kao tentang palayanan ka urok-urok kudus nyian. ² sebab, aku ngatahui karelaanngu, nang aku bangga-banggaot mengenai kao ka urok-urok Makedonia, yaitu kade Akhaya dah siap sejak tahut de'e lantas samangatngulah nang dah ngarakot sabagian ayo' ampat ka ne' udo. ³ tapi, aku ngutus kamaru-kamaru nyian supayo rasa bangga kami tentang kao anok dijadiot sia-sia doop hal nyian. dengan jakoo, kao siap sedia angayo nang dah kungatoot. ⁴ sebab, kade sangape urok Makedonia atok sabayo-bayo nang aku lantas ne' udo napati kao nape siap, kami ( anok parlu kami ngatoot kao ) akan dipasupoti karamo kayakinan nyian. ⁵ karamo koo, aku bapikir parlu onto' nesak kamaru-kamaru nyian ampos lebih doho' ka kao lantas nyiapot pamareoot nang dah kao nyanjiot sanape koo. dengan jakoo, pamareoot koo siap onto' jadi pamareoot sukarela, lantas buke karamo tapakso. ⁶ aku ngatoot hal nyian: sape nang nabur sadikit akan nuai sadikit ugo, lantas urok nang nabur manyak akan nuai manyak ugo. ⁷ satiap urok harus mare angayo nang dah io mutusot doop atie, buke dengan dukacita ato dibaboh paksoot karamo Allah ngasihi urok nang mare dengan sukacita. ⁸ lantas, Allah sanggop ngalimpahot samuae anugerah ka kao salalu miliki samuae kacukupot doop segala hal lantas bakalimpahot doop satiap pakarajaan baek. ⁹ angayo nang tatulis: "Io dah magi-magiot, Io dah mare ka urok mesken, kabanarote tatap onto' salamae."Mazmur112:9 ¹⁰ kanio, Io nang nyediaot banih bagi panabur lantas roti sebagai mangkanan, akan nyediaot lantas ngalipatgandakan banihngu onto' ditabur lantas akan makayo' asil-asil kabanaratngu. ¹¹ kao akan dipakayo doop sagala hal atas samuae kamurahat ati ngu, nang ngalalui kami mangkitot ucapan sukur ka Allah. ¹² sebab, bantuan palayanan nyian buke hanya nyukupi kaparluan-kaparluan urok-urok kudus, tapi ugo ngalimpahot ucapan sukur ka Allah ngalalui manyak urok. ¹³ ngalalui bukti palayanan nyian, ne' udo akan ngamuliakan Allah karamo kataatatngu ka pangakuanngu akan Injil Kristus, lantas onto' samua kamurahat ati ngu doop ba bagi ka ne' udo lantas samua urok. ¹⁴ lantas, doop doa-doa ne' udo onto' ngu, ne' udo rindu ka kao karamo kasih karunia Allah nang balimpah atasngu. ¹⁵ sukur ka Allah atas pamareatnya nang ana' bisa dikatoot!