¹ aku baarap, kao sabar ka aku doop sadikit kabodohotku, lantas kao memang sabar ka aku. ² sebab, aku ngaraso cemburu ka kao dengan cemburuat ilahi karamo aku dah nunangan kao dengan seko angaki, jakoolah nyarohot kao angayo ambini nang suci ka Kristus. ³ namun , aku gai, ame-ame sabayo uar nang dengan kabangsatote nipu Hawa, jakoo ugo pikiranngu akan disasatot ampat katulusot lantas kamurniot pangabdiot doop Kristus. ⁴ sebab, kao sabar sajo waktu seko urok atok lantas maritoot tentang Yesus nang laen, nang babedo dengan nang kami maritoot, ato waktu kao narimo roh nang babedo, nang nape suoh kao tarimo, injil laen nang nape suoh kao tarimo. ⁵ manurutku, aku anoklah kurang ampat ka para rasol luar biaso koo. ⁶ kadepon aku anok pane doop hal pakatoot, tapi anok macamkoo doop hal kapaneot, karamo dengan samuae caro, kami dah nunjukot io ka kao doop segala hal. ⁷ ato, ameo ge aku ngalakukan waktu ngarendahot diriku sandiri supayo kao biso ditingiot karamo aku maritoot Injil Allah ka kao dengan cumo-cumo? ⁸ aku ngarampok jemaat-jemaat laen die ng an narimo upoh ampat ka ne' udo onto' ngalayani kao. ⁹ lantas waktu aku ba kao lantas mararat, aku anok mebani seko urokpon karamo kamaru-kamaru nang atok ampat ka Makedonia manuhi kaparluatku. lantas, doop segala hal, aku nyago diriku onto' anok jadi beban ngu lantas aku akan tarus ngarajaannya. ¹⁰ sajamae kabanarot Kristus ka doopku, kabanggaanku nyian anok akan dihalangi ka wilayah-wilayah Akhaya. ¹¹ Ngameo? ameo karamo aku anok ngasihi kao? Allah nang ngasihinya! ¹² tapi, Baku akan tarus ngalakukan sehingga aku biso natak kasampatot ampat ka ne' udo nang ngingini kasampatot onto' dinamui sabayo macam kami doop hal-hal nang ne' udo manggaot. ¹³ sebab urok-urok macam koo adolah rasul-rasul palsu, tukang-tukang nang curang, nang nyamar sebagai rasul-rasul Kristus. ¹⁴ hal koo anok ngajuti karamo iblis pon nyamar jadi angayo malaekat tarok. ¹⁵ karamo koo, anoklah ngajuti kade para palayannya ugo nyamar angayo para palayan kabanaran, nang kadohoot ne' udo koo akan sabayo nang pakarajaannya sandiri. Penderitaan Paulus bagi Kristus ¹⁶ sakai agi, aku ngatoot ame ado seko pon nang nganggap aku nyian bodo. kadepon jakoo, tarimolah aku angayo urok nang bodo supayo aku ugo biso sadikit bangga. ¹⁷ ameo nang aku ngatoot doop hal kayakinan akan kabanggaan nyian, aku anok ngatoot io angayo maoe Tuhan, malaenkan angayo doop kabodohot. ¹⁸ manyak urok nang bangga sacaro daging. jadi, aku ugo akan bangga. ¹⁹ sebab, kao batol bijaksana sehingga dengan sanang ati kao basabar terhadap urok bodo! ²⁰ kao sabar, kade ado urok nang mamudak kao, ngicok kaountungan atas kao, ninggiot diri'nya, ato nampar muhangu. ²¹ dengan sangat supot aku harus ngatoot bahwa kami terlalu lamoh onto' hal kolo! namun, ameo sajo nang urok laen barani onto' babangga, --aku bakato macam urok bodo--aku ugo barani. ²² batol ge ne' udo Ibrani? aku ugo. batol ge ne' udo urok Israel? aku ugo. batol ge ne' udo katurunan Abraham? aku ugo. ²³ batol ge ne' udo melayani Kristus? aku labih-labih agi-- aku bakato-kato macam urok gilo. jerih payahku labih manyak, labih sering doop pinjaro, pukulan-pukulan nang anok biso diitung, lantas labih sering ado doop bahayo maut. ²⁴ ampat ka urok-urok Yahudi, samanyak lima kai aku dah narimo empat puluh kurang satu cambukan. ²⁵ tiga kai aku dimangkong nang uwi, satu kali dinabaki batu, tiga kai aku ado ka kapal karam, samaam lantas saari aku dinyeret ombak ka laut. ²⁶ manyak kai doop pajaananku, aku taancam bahayo ampat ka sungai, amapt ka para parampok, pihak urok-urok Yahudi, lantas urok-urok buke Yahudi. aku did ngancam bahayo ka kota, ka padok balantara, ka laut, lantas ugo bahayo ampat kamaru-kamaru palsu. ²⁷ aku dah bajarih payah lantas bakarajo barat, tetap bajago, kaparot lantas kaausot, sering anok ado mangkanan, doop kadinginan, lantas anok bapakean. ²⁸ lantas, selain hal-hal nyian, ado ugo masalah saari-ari nang jadi tangung jawab onto' pamiharoot atas samuae jemaat. ²⁹ sape nang lamoh, lantas aku anok lamoh? sape nang tajanto, lantas anok badukacita? ³⁰ kade aku harus babangga, aku akan bangga atas hal-hal nang nunjukot kalamahanku. ³¹ Allah nang Bapa Tuhan Yesus, nang harus dipuji salamo-lamoe, marenahui kade aku anok pangaok. ³² ka Damaskus, gubernur ka baboh Rajo Aretas ngawasi kota Damaskus onto' nangkap aku. ³³ namun, aku dinurunan doop sabuoh karanjang ampat ka sabuoh jandelo ka tembok, sehingga aku apas ampat kakokote.