¹ Kanio kamaru-kamaru, mengenai waktu ba jamane, inok paralu di tulisot ka Kau. ² Karamo, kau sorokng sidi-sidi nahui bahwo ari Tuhan mao atok angayo pangaet pas maam ari. ³ Pas urokng- urokng bakato," Damai ba aman," kabinasoot mao atok ka na'ido' sacaro tiba-tiba, angayo sakit ambini nang mao baranako' ba na'ido' nang nok biso dari. ⁴ Tapi, kamaru-kamaru, kau inok idup ka doop ka galapot , ke nyo' ari ko mao ngataki kau angayo seko panggaet. ⁵ kau samue adolah kamudo-kamudo tarokng ba kamudo-kamudo siok diri ino ba asal ampat ka maam atao ka galapot. ⁶ karamo ko, ame lah diri tidur angayo urokng lain tapi jek lah diri tatap bajago ba ati-ati urokng nang tidur, tidur ka maam ari ba ⁷ urokng nang kamabuk, gae kamabuk ka maam ari. ⁸ Pas, karamo diri adolah kamudo- kamudo siok, jek lah diri sadar, make baju ziarah iman ba kasih, ba make katopang pengharapan dari kasalamatot. ⁹ Allah inok natapot diri unto ngalami bero, Tapi unto namuot kasalamatot ngalalui Tuhan diri, Yesus Kristus, ¹⁰ nang dah mati ampat ka diri supayo diri, antoh tajago atao pun tatidur, biso diop sabayo ba- Io. ¹¹ Karamo ko, koat lah seko ba nang lain Ne ba bayo-bayo ngumpatot, angayo nang kau ngamuat kanio. AJAROT TAHAIR BA SALAM ¹² Kamaru-kamaru diri minto kau unto' nghormati na'ido' nang karajo koat ka antaro Ngu, ba nang mimpin kau ka doop Tuhan, ba nang nagur kau. ¹³ Hargailah na'ido' sidi-sidi ka doop kasih karamo karajo na'ido' . Hidup lah doop damai seko ba nang lain. ¹⁴ diri nyokong kau, kamaru-kamaru tagur lah na'ido', nang idup pamalas, koat tot lah na'ido' nang kayo ati, bantu lah na'ido' nang lamoh, lalu ba sabarlah ba samue' urokng. ¹⁵ Paratiot lah supayo ado urokng nang maas kajahatot,ba kajahatot , malainan suga barusoho lah ngamuat nang baik ka antaro kau ba unto samue'e urokng. ¹⁶ Basukocita lah salalu! ¹⁷ Taruslah ba doa! ¹⁸ Ngucapot syukur lah doop samue'e hal. Karamo, ko lah kahendak Allah bagi Ngu ka doop Kristus Yesus. ¹⁹ Ame matiot Roh! * ²⁰ ame nanang rehet nubuat-nubuat!* Namun, ²¹ uji lah sagalo sasuatu! tankapi lah mae nang baik! ²² jauh-jauh lah ampat samue bantuk kajahtot! ²³ Mudahan, Allah damai sejahtra sorokng ngudusot kau samue'e. Kirae roh, jiwo, ba tubuh ngu tapiharo saluruhE, inok cacat ka atangan Tuhan diri, Kristus Yesus. ²⁴ Io nang ntaru kau adolah setia. ²⁵ kamaru- kamaru, badoa lah gae unto diri! ²⁶ Barelah salam ka samuee kamaru ba idungan Kudus. ²⁷ Aku minto kau sidi , unto namo Tuhan, unto macoot surat nyian ka samue kamaru ka naan. ²⁸ Anugrah Tuhan diri, Kristus Yesus nyartai kau.