¹ KHIDUPAN NANG GAREPOOT ALLAH Hakire, kamaru'-kamaru', diri minto ba ngajari kau doop Tuhan Yesus supayo angayo nang kau narimo ba diri kami tantang jamae kau arus idup ba ngepoot Allah, buatlah ko labih agik. ² Karamo, kau nahui parentoh-parentoh dameo nang diri sampeot ka kau lewat ka kuaso Tuhan Yesus. ³ Karamo, nyian lah kehendak Allah: pangudusanmu*, bahwo kau arus nyauhot diri ka pancabulan; ⁴ bahwo kau masing-masing nahui jamae nguasai tubuh ngu sorokng doop ka kudusuot ba ka hormatot , ⁵ buke doop gairah nang baisi nafsu angayo urokng- urokng nang ino nganali Allah, ⁶ supayo ame ado seko urokng pun nang ngalangar ba nipu kamaru e doop jukut nyian. Karamo, Tuhan ado lahpambalas diri samue,' angayo nang diri madohot sanapee ba diri maringatot ba sidi-sidi ka kau. ⁷ Allah nyaru' diri buke unto ka inok kudusot malainkan unto kakudusot, ⁸ karamo ko lah, sape pun nang nolak ajarot nyan, buke nolak manusio, malainan nolak Allah, Nang mareot Roh Kudus nyian* ka kau. ⁹ Tapi tantang kasih,ka kamaruot, kau inok make seko urokng unto nulisot ka kau karamo kau sorokng dah di ngajari Allah unto,sabayo ngasihi. ¹⁰ Kau dah ngamuat kamaru nang ado ka Makedonia. Tapi bo, kamaru-kamaru, diri minto ba sidie supoyo kau ngamuat labih agik, ¹¹ lalu barusoho lah unto idup labih taduh, uruslah urusan- urusan ngu sorokng, bakarajo lah ba kokot ngu sorokng, angayo nang diri marentohot ka kau, ¹² supayo kau biso menjooti idup nang pantase ka hadapot urokg-urokng luar ba inok kakurangan ameo-ameo. KAATANGAN TUHAN ¹³ Kamaru-kamaru, diri bai' mao kau inok nahui tantang urokng-urokng nang dah mati supayo inok ba dukacita angayo urokng-urokng nang inok ado pengharapan. ¹⁴ Karamo, kade diri picayo bahwo Yesus dah mati ba bangkit agik, diri gae picayo bahwo Allah mao ngumpulot na'ido' nang mati doop Yesus sabayo-bayo ba Io. ¹⁵ Diri madohot jukut nyian ka kau ba firman Tuhan, bahwo diri nang masih idup, nang masih ado pas kaatangan Tuha n, bai' ngadohoi na'ido' nang dah mati. ¹⁶ Tuhan sorokng mao turut ampat ka surga ba seruan, suaro ampat ka panghulu malaekat, ba ngan suaro sarompet Allah, ba urokng nang mati doop Kristus biso bangkit labih doho. ¹⁷ Ako ko,diri nang masih idup, nang masih katingalan, pasti di ngankat sabayo-bayo ka doop awan-awan nang na'ido' unto ba tamu ngan Tuhan ka udara, ba jaio lah diri pasti salalu barage Tuhan. ¹⁸ Karamo ko, ibur lah seko ba nang lain ba kato-kato nyian.