¹ Angkit'n parihal sigala sigah angat nang dimareat'n ka pantak atau ge' kayu aya'. Diri' siang nauan kade' diri' nyian ada ba ilamu parihal pengetahuan. Ilamu pengetahuan koa bisa minjawat urank'ng jaji ngalaga' dangane, tapi kade' kasih pangasihat'n koa bisa minjawat urak'ng jaji kuat. ² Kade' ada urak'ng nang matak dirie' bahwa ia nauan samua hal, sabanare ia koa nape' nauan ahe nang saharuse ia nauan. ³ Tapi, kade' ada urak'ng nang bakasih ka Jubata, ia sabanare di Jubata nganal. ⁴ Angke kuihanlah, parihal pamakanan sigala sigah angat nang dinyarahat'n ka sigala pantak ataupun kayu aya', arus diri' nau'an bahawa ina' ada panyambahan ka luar Jubata, ina' ada Jubata salaian dari Yesus. ⁵ Kade'pun ada manyak macam model panyambahan ka pantak atau ge' kayu aya', sigala roh alus nang ina' kateeat'n, antah koa ka saruga atau ge' ka taino nyian (manyak jubata nang diap'm ka sigala batu, kayu aya'), ⁶ tapi bagi diri' kahe sete' Jubata, kuihanlah nang diri' nyaru' Apak. Dari Ia kuihanlah samua jukut ka taiono nyian ada, diri' ada onto' Ia. Kahe ada seko' dama Jubata, kuihanlah nang dinyaru' Yesus Kristus, nang udah nyiptaat'n sagala nang ada ka taiono nyian, diri' ada karana Ia. ⁷ Angkepun ayakoa, ina samua urak'ng ada ba ilamu pangatahuan nyian. Sabahagiat'n urak'ng nang udah tabiasa nyambah sigala na' pantak, kabat'ne koa makat'ni' pamakanan nang udah dimalenggangi'. Ati nuranie jaji kotor. ⁸ Sigala pamakanan nang dimakat'n ina bisa nyamakat'n diri' ka Jubata. Diri'pun ina' sia' tambah jahat kade' diri' ina' makat'n atau ina' sia' tambah baik kade' diri' ina' makat'n. ⁹ Mao' sau diingatat'n bahwa samua kabebasat'n kita' koa minjawat dangan jaji jantu' rabah. ¹⁰ Kade' ada urak'ng nang nee' kita' labih caradik, makat'n dari sisa' panyangahat'n, ina' ge' atie, kade'nya lamah, dipinjawat jaji kuat onto' makat'n sigala sigah angat nang udah dibareat'n ka ibalis? ¹¹ Jadi, lewat pengetahuannyu, urakng nang lamah koa, iya koalah pagenyu, nang untok Kristus udah mati, jadi binasa. ¹² Kade, sampe badosa ka page waris nang saimannyu ba ngaukaik ati nuranie nang lamah, maka kao badosa Ka hadapan Kristus. ¹³ Untok koa, kade makanan nang jadi panyabab page saimannyu tarantuk, aku baik hane makatn dageng sampe salama-lamae supaya aku inak mamuat pageku tarantuk.