¹ Eni vakuetu vondjajongola, uno ukeuo mukanda uamutjivali undjinamisonekela. Keho mumikanda joshe ivali ndjinjangumuna vithinganjeka vieni via tjili mukumivuluitha. ² Linga muvuluke majui ovanahandekalaja vapolofeto vakujela. Nalijui lia lithiko lia muene ikeje muovole, likelio lia kulivapostolo veni. ³ Hakulivanga thivukeni ngatjije kumatangua akusulumuina kukenja vakakutsopa nakajengu. Vakendela hamasungu avovavena. ⁴ Keho nguavo litavathano lia kuindja tjendi kuiko lili, moumu kutunda litangua lije omo vakuk vetu vaile mutulo. Viuma vioshe vili vene nguehoni muvinakele laja hakupanga mavu. ⁵ Moumu etji vana kutjithango tjavo, kutunda kulaja meluakele ko. Namavu lijui lia Kalunga lia apangele kumema nahakati kamema. ⁶ Mavu aje akele haje athile kuakeo vene, moumu mema aashulithile. ⁷ Vunoni melu alimualolo namavu ano, vana vishuekela tuhiana lijui olio vene. Vana vinjungila litangua lia kusompela, nakunonga tja vantu vakakushaula Kalunga. ⁸ Vakuetu vonjajongola, keti muivale tjuma etji. Ngetjije litangua limo kuli Kalunga linapu nguehoni likulukathi lia miaka, nali kulukathi lia miaka., nguehoni litangua limo lika. ⁹ Muene kekutoketha litavathano liendi, nguehoni vamo vekuhandeka nguavo, natokoho. Vunoni alinalukakatelua ngothi neni, jongola umo kanonge, vunoni ngatjije voshe vakahete kukualuluka. ¹⁰ Vunoni litangua lia muene likenja nguehoni muithi, kulikelio melu akanonga namuthindo uakama. Keho viuma viliho vikashangumuka nantuima jakama navua, namavuna viuma vioshe viliho vika uema. ¹¹ Vunoni viuma evi vioshe vika shangunaka vati eni mumunapande kukala navipanga vieni viosjhe via kujela na kulemetha Kalunga. ¹² Eni avamulinakutatela nakuthambuluitha litangua lia kuinja tja Kalunga omo likelio melu akashuama aka shangunuka naviuma vioshe vikashangunuka na ntuima jakama navua. ¹³ Vunoni nguehoni kilitavathano liendi, tutatalela lilu lialiha namavu a aha, hakeho hakakala vuviuke. ¹⁴ Ngotjo vene vakatjilemo tjange, momuli nakutalela viuma evi, litakametheni linga vami uane natjijulo. Natjitoma tjahi naha kumipajela hahi kumesho endi. ¹⁵ Keho thinganjekeni ngatjije lukakatela luangothi lua muene uetu lukeluo vuovoke, nguehoni muana misonekela mukuetu ituajongola. Paulu, nguehoni kumangana aje avana muhana. ¹⁶ Nguehoni lalo mumikanda jendi joshe, natumbuilamo viuma evi, mu ikeje muvili viuma vimo via vikalu mukuviuvua. Evi vakandhimba navakavakolele valina kuvhengetha, nguehoni muve kulinga lalo navithoneka vikuavo, mukulinongetha vavena. ¹⁷ Ngotjo vene eni, vakatjilemo tjange, mukuthivuka evi laja, thangameni kuteua mukungumuka nakushevuka tjavaka vupi. Keho mutanguka kukukolethe tjeni. ¹⁸ Vunoni kuleni mukavumbi natjiningi tja muene uetu ikeje muovole Jesu Kilstu. Kuli ikeje kukale vumpahu mualolo na kuli tangua kalie kuhua lia ja e ame.