¹ Vunoni hakati kavantu hakatukule vapolofeto vavishaki lalo, nguehoni hakati keni lalo hakakala valongisi vavishaki. Vakevo vakanehakulishueketha, tjakulitepetha tjakunonga, mukuviana vene shukulu uavu uje uavalandele, valikakokela kunonga tjavuathi-vuathi. ² Keho vavengi vakakavangeja vipanga viavo via kuviha, keho vakevo ngila ja vusunga ikashauka. ³ Keho omo tjipululu vakathekathana neni majui akunonga. Tjihitho tjavo tjalaja mpangulo javo jahua laja kutokola, uje mukakuvihitha uavoke kunongoka. ⁴ Moumu nga Kalunga katetele tungelo movalingile via kuviha, vunoni uavombilile mungehene. Keho uavahakele muvina via muthithi, linga vatatele litangua lia mpangulo. ⁵ Keho katetelele mavu alaja, vunovi uoshielelele noua naveka vatanu navavali. Ikeje muka kuambulula vutjili, muje muanehele livathi hathi-vakakushaula kalunga. ⁶ Kalunga uatokuele membo aSandoma naNgomola lito ua ahithile nanonga, ngetjije napuitha tjimuetho kuliava valina kujja nakushaula Kalungu. ⁷ Keho uohielele mukavuviuke Lote, ou uo minembunge navuana vua- omo muono uavipanga via kuviha via vakuakuviha. ⁸ Moumu uje mukavuviuke muatumamene hakati kavo. kumona nakutolila, ua jendele mumbunge jendi ua kuvuaha halitangua hali tangua omo vipanga viavo via kuviha. ⁹ Kalunga nathivuka kuohiela kuvietheko vaje vamulemetha, nakunjunga vakavuhenge. Nakajando noholitangua lia kusompela. ¹⁰ Vunoni navua vene ava vekuendekla muvuthitu mulishungu lia kuli jualetha. Ava vashuala vukama, vakavupu, vakavupuje vakavithongo viavo. Kavekungangama , avokushaula vakavumpahu. ¹¹ Vunoni tungelo, nambe ngavana tuvakana kuvukamanathili. Kavekuvahitha nakathahuntu kumesho amuene. ¹² Vunoni ava nguehoni tuhitu kavethi namana vanavatheme nguehoni tuhitu vaje kukuata nakuvathiha. Vashaula viuma vije kavathivuka, tjili vene kukunongetha njavo kukekuo kuvakathila. ¹³ Vakatambula fueto jakuviha viei iova panga via kuviha- avo jolela kukala muvipito evi vivekupanga namasungu avo amivila kumutana. Vakevo shuama-nakujuala ngavakala hamo neni hakulia mumbunga java kua Jesu. Nkala hano avo vekujolela vipanga viavo via vishaki viavo thimbu valinakulia tjiuano tjeni. ¹⁴ Valinamesho akushula navupangala, keho kavahatha kulikela kuvupi. Vashuangeleja vimbunge vije kaviakalele, vali nambunge inethilila tjipululu, vakevo vana vatjithingo. ¹⁵ Mukuthangila jatjili vathimbalele, vana kavangila jambalame munambeole. uje ua jonguele fueto jakuhenga. ¹⁶ Vunoni ua mukandele moumu kuvulumuna kuendi, tjindongi kekuhandeka, uahandekele nalijui nguehoni muntu. Keho ua vindikile vutha likevua kapolofeto. ¹⁷ Ava vanapu mandjunda kavethina mema, mbundu jekupekumuka nampunthi jakama. Vana va vuahethela kuthivala tjamuthithi. ¹⁸ Moumu mukuhandeka majui angotjo navua akulipamba ngotjo. Vashuangele ja namasungu avuthitu, navipanga via kuviha, vaje vanekuputukile kuli vakakushevuka. ¹⁹ Vavathika vuana vuatjithemua, thimbu vakevo vanapu vindungo via kuviha. Moumu tjije tjanahono muntu tjiketjo tjina muhimpuitha vundungo. ²⁰ Moumu vana putuka kumathilo ahathi mukuthivuka muene ikeje mouvole Jesu Kilistu. Ngavana litambelalo keho hakumanetha tjavo ukaua kuviha kutuvakana halaja muatamekele. ²¹ Moumu tjatuvakana kuvuaha nga kavathivukile ngila javutjili nakutha lijui lia lithiko lia kujela. Lijui livavakundikile. ²² Tjinavalingi nguehoni tjithimo tjije tjatjili, nguatjo. Tali nahilukila lalo kuvi via nashanjele viendi, nangulu uje natanene nahilukila kulialanga muli lombo.