¹ Mukuhandeka via kundama kuvuana evi viovana uana vantu vaKalunga vakaNgalata. Neni lalo lingeni nguehoni mo tjalekele mbunga jakuJelusalema. ² Kulitangua lia kushangumuka kusumano, kumuntu kumuntu atulike kundjivo jendi. Nguehoni muana vethukula, ngetjije motjinja kavakatambula lalo. ³ Nomomutjiheta, vaje voshe mukatumbula jeni, vakevo tukatuma mikanda mukutuala vuana vueni kuJelusalema. ⁴ Keho nganange lalo tjitava kuja, keho vaka janange. ⁵ Vunoni jange tjikenja kulieni motjinahiti kumathendonja, moumu tjikahita kumathendonja. ⁶ Vunoni kulieni mpano njakutumama, hamokukekuo tjithika tjikuanjihitila. Jeni muaku tji thindikija, kungila jange kuoshe njakuila. ⁷ Moumu kanji jongola kumimona nakutuvakana lika, vunoni njijongola kuakukala neni thimbu imo nga muene akuakutava. ⁸ Vunoni njitji kathikama kuEfeso nakupentekosto. ⁹ Moumu vana njisokoluela lipito lia kama, likelio lia kulitakamethela, navitothi vavengi. ¹⁰ Ahanga enja Timoteo, taleni akukala neni naliova liahi. Moumu ikeje apanga vipanga via muene nguehoni jange vavena lalo. ¹¹ Ngotjo vene naumo uahi ami jengula,. Vunoni muthindiki jeni kungila jendi natjijulo, linga akenje ku liange. Moumu njilina mutatelela hamo navana vetu. ¹² Vunoni via muanetu Apolo, njina mukandelela navua, akenje kulieni hamo vanavetu. Tekajonguele kuinjalalo, vunoni akenja muakamona thimbu jatjili. ¹³ Vingileni, likoletheni, mukuthelela. Pueni vamala, likanjametheni ko. ¹⁴ Vioshe vimulinga, vilingeni natjilemo. ¹⁵ Vakuetu, munathivuka ngueni valimbo lia Sitefanu, vakevo valivanga kukalambunga javakua Jesu mungeleka. Vakevo valihana muvipanga viava kaku jela. ¹⁶ Ngatjije eni lalo mukononoka kulivanga tjije, naku voshe vakua kukuatha kuvipanga nakufuitangana. ¹⁷ Keho jange njilina kujolela kuinja tja Sitefanu, nafulutunatu, na akajiku. Moumu vakevo vana puithamo viuma vije vinja jenekele kulieni. ¹⁸ Moumu vakevo vana huimitha tjithithimba tjange netji tjeni. Ngotjo vene taveni vuimo vantu vangatjije. ¹⁹ Thimbunga thakuAsia, thina tumutjihindu kulieni. Akuilana pilisila vana mitumitha navua tjihindu muli muene hamonambunga ili mundjivo javoi. ²⁰ Vakuetu voshe vana tumu tjihindu kulieni. Lihinduitheni hakati keni nakulithemba tjakujela. ²¹ Tjihindu tjange, Paulu, Nalivoko liange vavena. ²² Ngaumo kajongola muene, apue tjithingo, muene uetu, inja. ²³ Kavumbi kamuene Jesu Kilistu kakale neni. Tjilemo tjange tjikale neni voshe muli Kilistu Jesu, ame. ²⁴ Tjilemo tjange tjikale neni voshe muli Kilistu Jesu amen.