¹ Vunoni vakuetu, tjikumileka viathimpande thatjili thije thi njamia mbuluilile ja. Thije thimua tambuile, thije thimulina kuima navio. ² Thije thimulina kuovoka navio, ngamupatekeja tjilijui lije linja miambululile. Kuvanga nga muathelele ngotjo. ³ Moumu njamikundjikile hakulivanga vije vinjatambuile jange vavena, ngetjije kilistu uashi tukile mulitangua liamu tjitatu. Nguehoni movanasoneka. ⁴ Keho vamuthindile, keho uashitukile mulitangua liamu tjitatu, nguehoni movanasoneka. ⁵ Keho ualimuethele kuli Sefasi, keho kulivaje likumi navavali_12. ⁶ Keho ualimuethele thimbu imolika kuvanavetu vakutuvakana vihita vitanu. Kuliavavvengi vanathala nalelo, vunoni vamona kothatulo tuakutha. ⁷ Keho ualimuethele kuli Tiango, keho nakuvaPostolo voshe. ⁸ Keho kukotokela kuvoshe, ualimuethele kuliange, nguehoni uje ualivangele kuthemuka. ⁹ Muomu jange njiuamundendendende hakati kavapostolo. jange kuvuaha kuahi kunjitumbula kapostolo, moumu nja jandethele mbunga jakalunga. ¹⁰ Vunoni kukavumbi kaKalunga, hanjinapu hanjipua vene. nakavumbi kendi kavanjihanene kaka ile mungotjo. Vunoni njafuitanganene navua kutuvakana vajevoshe, vunoni keti jange , vunoni kavumbi kakalunga, kaje kakalenange. ¹¹ Keho nambe jange, nambe vakevo tunambuluile ngatjije vene. Namukemuo vene jeni muathelelele. ¹² vunoni nga tuambulula Kilistu nguetu nashituka kumbumbo, vikavamovahakati keni vahandeka nguavo kakuethi kushituka kumbumbo kuahi. ¹³ Vunoni nga kakuakele kushituka kumbumbo, Kilistu nendi ngakashitukile. ¹⁴ Keho ngaKilistu kashitukile nakuambulula tjetu ngatjangotjo vene, nakuthelela tjeni lalo nga tjangotjo. ¹⁵ Tjili, netu vanatu uana lalo vambangi vavishaki vaKalunga, moumu tuambulula vumbangi vuakalunga ngatjije ikeje vene uashituile kilistu, ikeje kahatha kumishitula kumbumbo tjili vene. ¹⁶ Moumu ngavathika vashitukalalo. ¹⁷ Keho ngaKilistu kashitukile, ngakathelela tjeni nga tjangotjo. Nganolo mutjili muvupi vueni. ¹⁸ Keho nganavavanakotha tulo tuakutha muli Kilistu, nga vananongo. ¹⁹ Ngatulavela Kilistu kumuono ou uahathi lika, nga tunatuvakana vantu voshe mukuvindama, tjli. ²⁰ Vunoni mualolo Kilistu nashituka kumbumbo, ikeye muhako ua kulivanga uava vanakotha tulo tuakutha. ²¹ Moumu nguehoni omo kutsha tjethile halimuntu umo, mukemuo vene hali muntu umo hane tjakushituka kumbumbo. ²² Moumu muli Andama voshe valina kutsha, mukemuo lalo mulikilistu voshe vakava jojetha. ²³ Vunoni kumuntu nathimbu jendi, Kilistu ikeje muhako uakulivanga. Keho vakua kilistu hakuinja njendi. ²⁴ keho kukenja kuhua tja vioshe, muakakundika vumuene kuli Kalunga ikeje ishe vene. nomuo akenjeka kutumina tjoshe nmpoko joshe nanthili joshe. ²⁵ Kilistu ikeje akathika noho akahaka vitothi vendi kuviliato viendi. ²⁶ Tjitothi uakushulumuina kokumue njeka ikeje kutsha. ²⁷ Moumu nguendi, ikeje viuma vioshe naviono nuetha, muithilia viliato viendi. Vunoni muahAndeka, nguendi, viama vioshe navio nonuetha, tnathivuka ngetji jenathalaho ujeno nonuethele viuma vioshe kuli ikeje. ²⁸ Keho moumu viuma vioshe vina mouno nokalaja, keho monavavena lalo akononoka kuli uje uono nuethele viuma vioshe kuli ikeje. Ngatjije Kalunga akale vioshe muvioshe. ²⁹ Vakalinga vativaje valimbuitika moumu vakakutsha, ngatjiliva kakutsha kavakashituka lalo. Vikavalinakulimbuitikila moumu liavo. ³⁰ Netu lalo ngavika tulihaka kuvitanga viola vioshe? ³¹ Kulitangua kulitangua jange njekutsha, vakuetu, tjilivene nguehoni momuli eni ndjilinakulipamba. Tjiketjo njilinatjo muli Jesu Kilistu muene uetu. ³² Nganjaluile natuthitu kuEfeso kutjilika tjavantu, ngatji nanganjala vika. Ngavathika vakashituka lalo, tulieni ngotjo nakunua, moumu imene tutsha. ³³ Ketimulikuithe ngotjo, vuthamba vuavupi vuvithitha vililika via tjili. ³⁴ Hindukeni kuvuala nakulinga vutjili, keho keti mulinje viaku viha. moumu vamo Kalunga kavamuthivuka, etji njitjihandeka mukumivuitha shuama. ³⁵ Vunoni mpano umo ahandeka nguendi vathivaka shituka vati, namuvila ukavakenja nauo. ³⁶ Ove tjithiname, etji uekukuna ove vavena katjendumuka kuvanga tjinathi. ³⁷ Keho etji uekukuna uekukuna muvila uje ukatuka, vunoni nonalika. Nambe tiliku, nambe mbuto jeka. ³⁸ Vunoni Kalunga aihana muvila nguehoni muana jongola, kumbuto ku mbuto. Namuvila ua jajo vavena. ³⁹ Nthitu joshe keti nguehoni nthitu imo lika, kuahi, vunoni imo nthitu javantu. Ikuavonthitu jatuthitu. Ikuavo nthitu jatuthila, ikuavo javanthi. ⁴⁰ Kulilalo mivila javiuma via muilu, namivila javiuma viahanthi, vunoni vumpahu vua viuma viamiuilu vueka vuje vuama via hanthi. ⁴¹ Vumovumpahu vua litangua, keho vueka vumpahu vuangonde. Keho vueka vumpahu vuathintangantanga, moumu ntangantanga ilitepa nantangantanga ikuavo kuvumpahu. ⁴² Mukemoulalo mutjafua kushituka kuvathi, vakuna tjije tjakuvola, tjikashituka tjije kanjekuvola. ⁴³ Vakuna tjije tjakushauka, tjikashituka navumpahu, vakuna tjije tjakutheja, tjikashituka nanthili. ⁴⁴ Vakuna muvila uamuono uatjithithimba, kulilalo muvila uamuono uangotjo. Kulilalo muvila uamuono ua tjithimba., ⁴⁵ Mukemuolalo vasonekele ngatjije, liala ua kulivanga Andamu uahimpukile mukamuono kumuvila. Andamu uje ua kukotokela ikeje uahimpukile tjithithimba tjaku jo jetha. ⁴⁶ Nambengotjo moumu uatjithithimba kati nguehoni ualivangele, vunoni moumu uakumuvila, kuhou je ua tjithithimba uakumanethela. ⁴⁷ Liala uje uakulivanga ikeje jemukahathi, ikeje mukalivu, liala uje amutji vali ikeje mukamuilu. ⁴⁸ Muafuile Andamu ou uahathi, vahathi navomukemou vafuangatjije, mujemua fua Andama ou ua muilu. Vamuilu navomukemou vafua. ⁴⁹ Netu nguehoni motunathala tjifua tjamu kahathi, tukathala_lalo mukamuilu. ⁵⁰ Vunoni vakuetu, ndjihandeka evi. nguange nthitu namaninga kavihatha kusuana vumuene vua Kalunga, nambe etjitjakuvola. Katjakasuana kutjije kanjekujeneka kuvola. ⁵¹ Taleni, ndjikumileka lihungu, tuvoshe katukandanda tulo twakutsha. Vunoni tuvoshe tukahimpuka. ⁵² Vuathi vuathi, nguehoni kukavuka tjalisho, hakuthika tjaluneta luakukotokela. Moumu luneta lukathika, keho vatshi vakahimpuka. ⁵³ Moumu Etji njekuvola, tjinafuila kuthala tjijeka tjekuvola. Netji tjavutshi tjina fuila kuthala tjije katjethina vutshi. ⁵⁴ Keho etji tjekuvola, tjinathala, laja tjije katjekuvola, netjitjavutshi tjina thala tjije kanjethina vutshi. Keho akapuitha mo majui aje avathonekele, nguavo, kutsha tjinaliua, kutuvakana. ⁵⁵ Ove kutsha, kutuvakana tjove tjili tjo, ove kutsha, viluitho vevi vio aha? ⁵⁶ Kutsha viluitho viendi vupi, nanthili javupi ikejo lijui lia lithiko. ⁵⁷ Vunoni tushangaleni kuli Kalunga, ikeje natu nakutuvakana halimuene uetu Jesu Kilistu. ⁵⁸ Ngotjo vene, vakuetu, vakuatjile mo tjange, likoletheni. Pueni vakakukakatela kaleni thimbu joshe navipanga via muene. Momuthi vukanga tjije kufuitangana tjeni katjikaja mungotjo muli muene.