13 Kolintu Kapitulu 13
1
Ngandjihandeka namalimina avantu na aa atungelu, vunoni tjilemo kanjethi natjo njina pungue honi tjivela tjohia, nambe nguehoni kuthika tjange tjo.
2
Keho nga njihandeka viavu polofeto, keho njithivuka mahungu oshe namana oshe, keho nga njilina kuthelela tjoshe ngue njije njihatha kuthotholola mikinya, vunoni ngatjilemo kanjethinatjo njitjimanu tjangotjo.
3
Keho nganjihana viuma viange vioshe mukulitha vahutu, keho njihana muvilauange vauthimike, vunoni ngakanjethi natjilemo, kavithilivila kuliange.
4
Tjilemo tjilina lukakatelo, tjilina ngothi, tjilemo katjekuliveja, tjilemo katje kulitepetha, katjekuli haletha.
5
Katje kulishauitha, katjekuli thetelela viuma viavavena, katjekuhanduka, katje kuthinga njeka viakuviha.
6
Katjeku joletha viakuviha, vunoni tjijolela vutjili.
7
Tjifuika kuviuma vioshe, tjithelela kuviuma vioshe, tjilavelela kuviuma vioshe, tjilikoletha kuviuma vioshe.
8
Tjilemo katjekuhua tjajaje, vunoni nambe viavupolofeto, vakavinongetha, nambe kuhandeka malimi eka, tjikalikela, nambemana, vaka anongetha.
9
Muomu etutunathe vukaka vundende
10
Vunoni motjikenja tjije tjaku tantululaka, keho tjije tjatjindende vaka tjinongetha.
11
Motjakele kanike tjahandekele viavunike, tjakele namana avunike tjathinga njekele viavunike, vunoni mualolo tjiliala, keho ndjinethela viavunike.
12
Muomu mualolo tumona hakaliva njelo kavuivuivui, vunoni hajekuluholo kuluholo, mualolo ndjina thivuka, kavundende lika, vunoni hajenjika thivuka vioshe mamama nguehoni omo venevana ndjithivukitha tjili.
13
Vunoni mualolo kunalitulu kuthelela, kulavelela tjilemo, evivitatu, keho tjatuvakana kuevi, tjilemo.