¹ Ndjitemuinineni ange nguehoni jangelalo muliKilistu. ² Vunondjimishangala vene, kuviuma vioshe mulinakundjivuluka. Navithilika vije vimulinakukakatela nanjange nguehoni munjamikundikile vio. ³ Vunoni jongola muthivuke ngatjije Kilistu ikeje napumutue ua liala oushe. Keho liala ikeje mutue uamu kentu, keho Kalunga ikeje mutue uaKilistu. ⁴ Liala uoshe muavundila, nambe muahandeka viavuPolofeto, keho kumutue uendi nathala ashauitha mutue uendi. ⁵ Vunoni mukentu uoshe mualomba, nambe ahandeka viavuPolofeto, keho kumutue uendi kathalele asha uitha mutue uendi. Moumu tjinapu nguehoni uakuteula. ⁶ Muomu mukentu, Nga ikeje vamuteule lalo. Vunoni ngamukentu tjimukoletha shuama, vamutete vinkambu, nambe kumuteula athale. ⁷ Moumu liala kavuahele kuthala kumuteu uendi, moumu ikeje tjifua tjaKalunga. Navumpahu vuendi, vunoni mukentu vumpahu vua liala. ⁸ Moumu liala keti ikeje uatunda kumukentu, vunoni mukentu ikeje uatunda kuliala. ⁹ Moumu liala kavamupangele, mukentu ikeje vapangelele liala. ¹⁰ Ngotjovene mukentu napande kukala tjithivukitho kumutue uendi moumu vakevo tungelo. ¹¹ Nambe ngatjije, muli muene liala , liala kalitepele namukendu. Nambe mukentu naliala kavalitepele. ¹² Moumu nguehoni mukentu ikeje uatunda kuliala, mukemuo mumolika liala uathemukile kumukentu. Vunoni viuma vioshe vitunfa kuliKalunga. ¹³ Katjijongoleni hakatikeni vavena, mukentu tjamuvuahela kuvundila kuliKalunga. Ngakathalele ndi. ¹⁴ Vilika via kuithilahano hathika vie kumilongetha ngethije, ngaliala alina vinkambu via vilahakusha uitha mutue uendi. ¹⁵ Vunoni mukentu nga alinavinkambu viakulaha viamufuila nguehoninvumpahu, moumu vinkambu viendi vamuhana vio nguehoni kuthala. ¹⁶ Vunoni ngakuali liala umo, ajongola kukandula vimpata. Jetu tjili katjijekatuethinatjo, nambe thimbunga thaKalunga. ¹⁷ Vunoni mukumithika etji kandjimi shangala, moumu jeni kamuekuli Kungulula muamungu. Tjili, vunoni muakuviha. ¹⁸ Moumu hakulivanga ndjinovu ngatjije muekulikunguila kumbunga hakati keni hakala kulitepethe, nange nguange mpano tjili. ¹⁹ Moumu tjili, hakati keni hakala tjili vakakutangula, ngetjije vakakuvuaha muamungulu vasoneke hakati keni. ²⁰ Ngotjovene moumu likungululaha mo, kamuhatha kulia via kulia via muene. ²¹ Moumu nguehoni muekulia, umo alivanga kulutue lua mukuavo mukutambula via kulia viendi. Keho umo alimunjala, mukuavo apenda. ²² EEkuma komuakele namembo akulila nakunuandi? Ndi mbunga jaKalunga mushuaula, muvuithe shuama va jeva jeneka viakulia. Vati ndjimipanga, ndjimishangale viondi? Aha kandjimishangala! ²³ Moumu njatambuile kuli muene, tjije tjindjamilekele jeni nga tjije muene Jesu vuthiki vuje vamuendele vungungu, uatambuile mboloto. ²⁴ Keho uaitavuile uashangalele, keho uahandekele, nguendi ou ukeui muvila uange uakumitavukila, lingeni ngatjije mukutjivuluka jange. ²⁵ Nanganjalalo tevanalila ja, nguendi nganja eji ikejo litavathano lialiha mumaninga ange. Lingeni ngatjije thimbu joshe mukutjivuluka jange. ²⁶ Moumu thimbu joshe mulia kumboloto eji, nakunua kunganja, mukuambulula kutha tjamuene noho akenja. ²⁷ Ngotjo vene oushe alia kumboloto, nambe kunua kunganja jamuene. Nakuvuha kuahi, alina mulonga uamuvila namaninga amuene. ²⁸ Vunoni muntu alihilule, keho alie kumboloto nakunua kunganja. ²⁹ Moumu oushe uekulia nakunua, uekulia nakunua tjithitho tjendi vavena. Ngakajongola vuino muvila uje. ³⁰ Moumu etjivavengi hakatikeni vanatheje nakuvavala, navavanakotha mukutha keti vavandende vavengi. ³¹ Vunoni ngatuali jonguele vuino je tuvavena, ngakavatuhithile. ³² Vunoni omuo muene atuhitha, ali nakutulongetha. Ngetjije keti vakatuhithe hamo navakamavu. ³³ Ngotjovene vakuetu, momukunguluka mukulia, litumameneni. ³⁴ Ngaumo alinatjala,alie kundjivo jendi. Linga keti mulilundikile lalo vihitho. Viuma vikuavoni, motjitja tjakumiviukithila vio.