¹ A kuya ruvede muruku rwa mfa da Moses mukareli waHompa, Hompa a ghamba na Yoshwa monarume waNum, Mukareli wa Moses, a ghamba ''ashi ² ''Moses'' Mukareli wande ana dohoroka. Mposhi, yendenu, rutenu musheli munya ya Jordan, nove na vantu, mulivango nakumupa anwe vantu va Israeli. ³ Ame namupa livango ngamuyenda nampadi denu. Ame nalimupa, momo nalitwenyidire kwa Moses. ⁴ Kutunda mumburundu naLebanon, ngamuruta dimukuro dadinene, va Eufrate, nalivhu lyamu Hittitus, nalikurufuta, oko lya kangenenanga liyuva, ngalikara livango lyenu. ⁵ Naghumweshi ngayimano kuuto wenu mumayuva ghaliparu lyenu nalintje. Ame nganikara nove momo nakalire naMoses. Ame kapi ngani kushuvilira ndi po nikukomberere ove. ⁶ Kara una koro nakukutura mo. Ove ngautwara mbunga yino vakapinge shirongo osho navatwenyidira vakurona venu nalitapa kwenu. ⁷ Kara una koro nakukuturamo. Vangara mukukwama nakutikitamo muragho a kupire mukareli wande Moses nakuditikita mo. Washa vakuka po ndi ghushuve ko ghumwe ndi ghupirure ghumwe kurulyo ndi kurumontjo, vino ngavirenkita vitikilire mo nako una kuyenda. ⁸ Ove ngaughambange kuhamena dimuragho odo vatjanga mumbapira yino. Ove ngauyivarurange nakuraperera mwi namatiku nakukwama ovyo vatjangamo. Vino ngavi kurenkita ghukare muketi namu tikitililimo navintje. ⁹ Ndi kapi navimutantera? Kara nankondo namakorangedo! washa yomapa. Washa tjira. Ame karunga ghoye ngaikara nove kehe kuno ngauyenda.'' ¹⁰ Makura Yoshwa atapa manangwiro kuva mpititi, ¹¹ '' yendenu mukamba nakutantera vantu, vakuwapayikire. Mumayuva matatu ngaturuta Jordan nakuyenda tuka tunge shirongo osho atu twenyidira Karunga katunga'' ¹² Kuva Reubenites, vaGadite naukahe warudi rwaMannasseh, Yoshwa ana vighambo, ¹³ ''vatanterenu vavuruke nkango damukareli waHompa Moses. A namurawiro ngoli Hompa Karunga ana mupa mapwiyumukiro, ntani ana mupa olyo livango.'' ¹⁴ Vakamali venu,vana venu, naviweka vyenu ngavikara mushirongo a mupire mukareli waHompa Moses musheli munya ya Jordan. ngoli vakavita venuu ngava mukwa vakurwenu vakakuvatere ¹⁵ dogoro Hompa wenu ngatape mapyiyumukiro kuva kurwenu yira momo a mu pire anwe. Anwe ngamuvyuka kushirongo shenu nakatunga. Livhu olyo a mutwenyidilire Karunga kupitira mwa mukareli wendi Moses amu pire anwe shimpe nakurutashi Jordan, omo ngali kamutwedera liyuva.'' ¹⁶ Vavo a valimburura kwa Yoshwa, nakughamba ashi,'' Navintje ovyo una turawiri ngatuviruwana, ntani kehe kuno ngaututuma ngatuyenda. ¹⁷ Atwe ngatu kutegherera momo twa teghelire Moses. ¹⁸ Karunga ghoye nga kara nove, momo a kalire naMoses. Kehe uno ngadiro kukwama mpangera doye ndi a dire kukwama nkango na marawiro gheye ngatu mukandwira kumfa. Kara una kara nakukutura mo.''