¹ Makura mu porofete Haggai na mu porofete Zechariah, lira lya Iddo, avavareke kughamba mulidina lya Karunga wa Israel kuva Juda vo vatungiro muJudah namu Jerusalem. ² Zerubbabel mona Shealtiel na Jeshua mona Jozadak ava shapuka nakuvareka kuddika ntembeli ya Karungu mu Jerusalem nava porofete vaviri ovo vava kwatitiroko. ³ Shirugho sho Tattenai mupangeli waShirongo sha Utokero wa Mukuro wa Euphrates, Shethar-Bozenai, ntani nava hameni vavo avaya nakuya ghamba kwavo ashi: ⁴ "Are ana mupo mpagero yakudika yino ntembeli nakumanita makuma?" Avaghamba nka ashi: " Are madina ghava kafumu vo vanakudiko makuma ghano?" ⁵ Ngoli mantjo gha Karunga kwa kengire pa matimbi gha vaJuda na vanankore vavo kapi vava shayikitire Vavo kwa tatililire ntjangwa tumwa vayitume ka Darius ntani na mpangera yakuhamena kovi ndi yikavyuke kwavo. ⁶ Yino ndjo ntjangwa tumwa ya Tattenai, mupangeli wa Shirongo sha Utokero wa Mukuro wa Euphrates,na Shethar-Bozenai na vahameni vendi va muShirongo sha Utokero wa Mukuro wa Euphrates oyo vatumine kwa hompa Darius. ⁷ Vino mbyo vatjangire kwahompa Darius, "Mpora yikare nove". ⁸ Atwe tunahoro uyive ashi twa yendire ku shirongo sha Judah ku ntembeli ya Karunga muna nkondo. Yayo kuna kuyidika namawe ghanene ntani ngundi da vitondo kuna kuditura mumakuma. Viruwana vino kuna kuviruwana nauhaya ntani kunakuyenda vina kuyenda muma woko ghavo. ⁹ Atu pura matimbi gha tutantere ashi are avapo veta ya kufufurura ntembeli vayimanite. ¹⁰ Atwe kwava pulire nka madina ghavo ghu vayive vare vampititi vavi ruwana vino. ¹¹ Vavo avatu limburura shi; "Atwe vakareli va Karunga waliwiru nalivhu, ntani atwe kuna kuna kufufurura yino ntembeli oyo vadikamwaka odo dakapito opo ayitungire hompa wa munene wa Israel na kuyimana.'' ¹² Ngoli, vakondi vetu kwa garapitire Karunga wakuwiru, mpo avatapire muma woko gha Nebuchadnezzar hompa wa Babyloni, mutungi mo, ogho ahanawiropo ntembeli yino naku tura vantu mu upika mu Babyloni, ¹³ Ano, mu mwaka wa kuhova opo akalire Sayiresi hompa wa Babyloni, atapa veta yaku wapukurura ntembeli ya Karunga. ¹⁴ Hompa Sayiresi avyuta nka vininke vya ngorodo na siliveri ovyo vya haminino ku ntembeli ya Karunga ovyo ayitire mo Nebuchadnezzar vya tunditire ku ntembeli yamu Jerusalem viye mu ntembeli yamu Babyloni . Avi ghupumo naku vitapa kwa ghumwe walidina lya Sheshbazzar, ogho atulire akare mupangeli. ¹⁵ Ghuye amutantere ashi: "Damuna vininke vino ghu vitware mu ntembeli yamu Jerusalem. Ano ntembeli ya Karunga ghukayi tungurure nka mo mo." ¹⁶ Sheshbazzar makura aya aya vareke kutunga litateko lya ntembeli ya Karunga mu Jerusalem; kutunda po na namuntji lino shimpe ava yitungu, ngoli kapi yinakupwa. ¹⁷ Ntjene shi hompa vina mu hafita, a renke va kashane mundjuwo yaugawo wahompa Ku Babyloni ntjene shi mo shili ashi hompa Sayiresi ndje a pango ashi eyi ntembeli ya Karunga ya mu Jerusalem va yitungurure. Makura hompa ngatutumine litokoro lyendi.