¹ Pablo, Timoteo, katuishtari Cristo, krihró tisteshkri Cristo Jesús toh aakri Filipos, chuwãri katuistari. ² Kaparkarás payowã patatishtari atuska Señor Jesucristo. ³ Patatishta kaparkawá takatunneirás payowá. ⁴ Aaakaí krihro arñahaí pa krihró wá ararih kaawá tas arñahaí. ⁵ Tasmá kapa en kaawá ta ahwaró crihró evangelio toh atahtuhriche inkita cheh. ⁶ Tasmá arihawá toh, ya kihiraska akatun eña payowá nepé cheih tohche Jesucristo. ⁷ Eñai toh achahpaña chaachahu erña krihró ta turusa pikuaakari, pa krihró tah wáriñawí kaparbañe, toh tahkatishkiña tasma kaari toh Evangelio. ⁸ Patatishtamá testigo í arwari chrihró payowá hoysirií Cristo Jesús. ⁹ Tasmá arñehawá inke, Amor payori wehri-wehrí patasayori krihró eyrawá. ¹⁰ Pahi pawá akamaskú akenai, eña ishkerpiró eñarí toh che Cristo. ¹¹ Umustripe awayó orari aakpiro Jesucristo yó, toh gloria yo ayeshpiró Patatishtayó. ¹² Arihupe inkitamá pawá ta arkí, takiipeshkií toh ma yarhií yarma eñai toh kih newá Evangelio. ¹³ Tasma ñaharima ta istika Cristo aspaskrí kamasya toh krihró kachewai kaó toh krihro. ¹⁴ Ta arki krihró arihleras Patatishtá toh taistiki, akatihlertuwã toh ñehhui añahá. ¹⁵ Tismá yarhi ñehlerwá Cristo turusa archanawaí ñahpastaró, tisma eña kakachuwá peshturusá. ¹⁶ Toh apistima kihlerwá amor, arihleras tasma ñaaaki Evangelio. ¹⁷ Toh atahtukrií aña ñehlerwá Cristo aturusá archanawá yarhi ñehlertuwá. Ekama amershkerá toh ameshtachalerí ta istika chelerí. ¹⁸ ¿Ehka kersh? toh krihró inké kaape pretenciones yarmá Cristo nerlerwá. Inkitama arari aakawá tasma arari aakawá. ¹⁹ Tasma arihawá toh ehtakii toh arñehleri Ekayó tarwarki Patatishta akuansa. ²⁰ I' taisá toh akatiktaí expectativa awãhpá certera tasma asnani ish'takituwá wehleras toh krihró audasia, inkitamá areriras, Cristo má a ahpe pipeshkoyá, chiwaras o onnaras. ²¹ Tasmá chaawá Cristoyó, i onnamá tartamihpé. ²² Tas toh yukuyó chaama, katuish yehpirishkuá fructifero piró akamanas pasa. ²³ Tasmá ũwariper entre las ambas alternativas tasma kaishtawi tis tisri Cristo yo, chaparó inkitama kresh eñaí. ²⁴ Yah barima chaparwá yukuyó tis eñai ekayó eñai payowá. ²⁵ Tasma yahraras in yo', arihawá chapaí napã krihro payowá, pikachipií pitahrari pe yó. ²⁶ Pawai tasyó kilerpé toh ahkaleri ahka tishkerpé Cristo Jesús wartapehi parishki teh pá warchí. ²⁷ Pama nahuwá inke Digna das Evangelio de Cristo, tas nokachaama, karãh weskerpe toh kishkuai payowá tapuh iskapé fe de Evangelio. ²⁸ Pama chohtutiiwã toh asnani oponentes, ima Señor hi toh a'lerí ishkerí, toh ishpakii pãyori ima tehkua Patatishyo. ²⁹ Inke tihtakiisá concedido payowá por amor a Cristo eirapé ekayó warchi hoysi tishkape amor Ekayó. ³⁰ Akés kuapé toh ñehri tehkri tasña inkitama weshkera tas ña.