¹ Y Akásh wéhka Ekama sinagoga yá toóki, y arula asãwa árshás tohyá akirií. ² Asnamas kachéh akerurií súh túkera ama akásh Eká arónh eíh kakiwaruri ékana toh sábado ñá akáshwá tohké eka acusá kilerpiriró. ³ Jesús tihkií toh arwa asãwá arsrií: "Taíshták á akúh iñah a wriñaka áhráñá". ⁴ Akash peshró tihkakií: "¿Lícito hí én íshká toh ã hás sábado ñá a warkua ishká; ã as salva ishká a amaská? ama akash ekama kati akrií. ⁵ Akásh Eka arwichih akéy kacheí, ameshtishki a turasã kuéhni lerwá, akash tihkií toh arwá: "Pisãwa ishpakú ekama a sãwá ishpakí Jesús ma restaurá kií asãwá. ⁶ Akés toh Fariceos waripe apaskí sukúhlera conspira ishkri toh Herodianas yó, archelernaí eka yó akash amaskerpiró. ⁷ Akásh Jesús ma aso takeyá chihneí toh discipulos yó. Y toh a wriña áhka as peshka, toh Galilea y Judeas ri arachihri, ⁸ a Jerusalen, idumia y toh atés Jordan yá a toh Tiro y Sidón arwichíh. Toh wriñá áhkáh weshkri toh krih eka kaa ishkuariurií y ekayá tehkií. ⁹ Y eka a discípulos ká kapei akakuakerpiro barca yák rí Eka eró toh pesh wriña karish, aplasta kilertipiró. ¹⁰ Ama eka wéh sana ishkirish, toh krihrowá chaná kakachirií tehkelerurií toh ekañá; á pehlerpiró. ¹¹ Kríhas kríhas chelerma kuansã warkuá chréénlerurií Ekaya, ne'hi, wãnlerurií iké: "Pama Patatishta ayerwaí". ¹² Eka firmemente tihkakií toh kari ishtipiró. ¹³ Ekama wãhkayá tawé hí, y karwáhní atá toro Eka tásñama, ekama tehkrí. ¹⁴ Toh ukua pok apin kartuki (akés apóstoles tí karwahní) tohke rãh ekayó akerpiri rás Eka katunhí predica ishpiró, ¹⁵ y autoridad kakachipiro a walash arahnañá akaspakerpiró. ¹⁶ Ekama toh ukua pok apin kartukí: A Simón ma ata taró apĩnh wishki Pedrohá; ¹⁷ Toh Jacobo, Zebedeo ayerwaá, y toh Juan, Jacobo a arkí, ata taro a pinh kawishki Boanerges, ima, wãhwã ayerwaí, ¹⁸ y Andrés, Felipe, Bartolomé, Mateo, Tomás, Santiago, Alfeo ayerwa, Tadeo, Simón el Zelote há, ¹⁹ y Judas Iscariote, a tá toh traicioná kihpirií. ²⁰ Akash ekama akao ke neí, y toh wriñakama wartapehi congrega akií eka toh asna chani éhlertií sira. ²¹ Akásh a familia wpeshkí toh iíh, ekama apasnerí cargo eka akíh lerpiró, akásh ñéhrí: "Ima eka arahna yá chih ñéhwá". ²² Toh escribas Jerusalén yá chihtehkrií nehri: "Ekama Belcebú yo poseido aki y toh walash a gobernante yó Ekama a walash akaspaskuá". ²³ Jesús ma karwáhní á eka yá y toh parábolas ké tihkakií: "¿Toh inke amensarã akaspaspisa amensarã? ²⁴ Toh reino as dividiró akuama éhká archena yó toh reinoma toh yáma akchitipé. ²⁵ Toh kao as divididoró ákuama éhká archenayó, áh kaoma tohyama chihteshtipé. ²⁶ Amensarã chíh taishtakuama éhka archenuí imá dividido akí, ekama capaz tá'hi chipií akáshwá nébonaí pĩ tohchék. ²⁷ Akariki asna chani torkertipé toh arwa artapunhna akao yá y aka untrohkerpií toh kuachihií toh táhtúk arwa artapúnhna istihtá háma akásh ekama akao untrókchepé. ²⁸ Yarma á tohkakawa, toh pecados krihroma arwa ayerwalerma ihká tohké perdonado ripé a toh blasfemia ñéhlerí pawahi; ²⁹ Toro atá blasfemia ishkuama archenui Akuansa Santo yó perdoná kíhtipé tohke culpable hí toh pecado as chíhtésh má". ³⁰ Jesús ma ne'hí ima eka iróh ñéh akrisa ha, "akachuí Eka akuansã wuarkuás". ³¹ Pi kakirí a arkilerwá chélera ehka toh arahna yá tawarkri. Ekama eka rísh tuhrí. ³² Arwichih Eka ñá ehka wrihas chrechihrí akes tih kihrí: "Pí kakí pĩ arkirí arahna yá akrií, pĩ proha ishkerá". ³³ Eka ma karkawarkí: "¿Talersa takaki ta arkiwa?" ³⁴ Ekama arwachih cheí á tá chrechihriro alrií círculo asñá arwichih eka ñá ehka tií: "¡ I ñak chá uwá ta kaki ehka ta arkilerí! ³⁵ Toh asnakeler Patatishta a ãskua iskua ma, ima ta arkií ta pakcharí ehka takakirí".