¹ Jesús añá tuhneí kuh akua piâh, toh Judea tís kârá nelerá toh asó wañá, toh pesh wrihá warkerá tehkrí. Ekamá weiká tehkí kashchiwishkí akenríí toh oriá. ² Tohmá Fariseos a ekará tehkrí, arkapehrí yar asrí; ¨¿Yar eñatí asawá sukuhí warkí askastesh piró?¨ ³ Ekañá tishkakií ¨¿Iró tihpikisá toh Moisés?¨ ⁴ Ekama ñehrí toh:¨Moisés awikâwâ asró kakorskí pakerá a chélerpiró.¨ ⁵ ¨Imá pesh turuzaró kuiníí toh kakorskiró,¨Jesús ñá tihkakíí.¨ ⁶ ¨Tasmá tokaró ñahawá toh kí apishkí, PATATISHTÁ KAKIÍ ARWA TOH KORTARI. ⁷ AKARA YAR PITUSKI PIKAWARÍ KARKASTESHKUPÉ PAHYÓ ASKEN CHOHOPIWÁ PIKAWAYÓ, ⁸ IMA TEHKERA YUKUMÁ ASKENTISKERÁ¨ Tohkaró ké pok lertepé neí aspeshtishpé. ⁹ Akaró patatishtá kauwêii toh arwamá tehkí karpeshtipé.¨ ¹⁰ Ahí toh ekalermá a kaoña akri, toh apara bakitamá warkí arkaperí. ¹¹ Eká tihkakí: Taró akawá askas teshkumá, neíakuaró asawá sukuhumá warkua ishkuá. ¹² Toh korta akasteshkuma neí arwá, akuaró asawa sukuhí toh warkuaró ishkuá. ¹³ Yea ayé kawehkerá, ekáñá kawenpirií, toh apará baktamá ñerí. ¹⁴ Inkoshkuá toh Jesús kacheumá tish akaií tihkakií: ¨Tah kawishkú toh yeá tasña tihtekerá, ña tahkakaurú toh pirichata ekalerwá toh patatishta chuná tohmá ekaken lerwá. ¹⁵ Yar tahpikapawá, taró prohtuma toh piri patatishta chuña imá yehké, pamá tokutipiwá toh eká chuña. ¹⁶ Waripé tehkí ekamá, toh yehrá kakueí toh akarañá kauñeí. ¹⁷ Ekamá kinewachemá arwá as ahí neboní, achan yope chrechií arkapeí karchiwistá eñariyá ¿iró ishká tá pehkaó toh pisá? ¹⁸ Toh Jesús ñehí: ¨¿Irish tihtakiísá tasmá eñarawá? tisna eñalertuwá patatishtá peró eñaí. ¹⁹ Pamá chê ari hiñawî: AMASKUTÍ, ÑA WARKI ISHKUTÍ, ONTROKURÚ ÑA WARKI ÑAHURÚ KARKAPEI ONTROKURU KACHAEN KAU, PITUSRÍ, PI KAKIRͨ ²⁰ Toh arwamá ñehí: ¨Ima kachiwisthtá kriró tasmá ye erwareri eña ishkawá.¨ ²¹ Jesús ñá cheí éntatishkí ekañá tihkií ña as tapikayapá úh chacheu ¨Kawishkupe toh disiró pamá toh piriñá non pikachipé waripe tehkú tarachachú.¨ ²² Asaá ameshkumá chapashtinkií iró tihkikená; ekamá ameshkineí tohma yar yas akachií. ²³ Jesús kachei toh apará bakta tihkarií: ¨¡Inkeshtokupiwasa toh yas karkachuma; to patatishta chuña!¨ ²⁴ Toh apará baktamá choktitawarkrí iró ñewakená Jesús waika tehkí ñehí. ¨yehwawí, itish a hawaí inkeshtokuwa toh patatishta kaoñᨠ²⁵ Imá tihkakií toh uslakró tukteshkaí toh sansikí awañá, toh arwá platohá ahachuma inkeshtokí.¨ ²⁶ Ekamá choktitaworkrí, a eka peká ñerí; ¨Akashkwá, ¿Taró a teshpisa? ²⁷ Jesús kacheí tihkakí; toh arwá yomá tish a howaí patatishtá yamá tish eñaí. ²⁸ Pedro ña tishkakí; pistamá tak na ché barwá paró paró pirachabará. ²⁹ Jesús ñehí: ¨Yar tahpikapawᨠasnaní kao askastestirasá arkiró, apah charó a kakirí, atusrí, pi yerwarí, kukrí, tasríshkiá akasteshkurí. ³⁰ Taró arahtipirasá toh awa as pipenlermá kaorí piarkiri, piarkirí, pikakirí, piyehrí pikukrí íchapari yas pikatehpiwá ³¹ Toh kriró ñehí taró kitishkumá tahró suk tishpé tahró suk tishkumá tohró kistishpé. ³² Ekamá tah teshnerí toh tahñá, tawehn toh Jerusalén, Jesús ki tishkí neí, apara baktamá arariakrí, toh akuama tehkerroí arachilerá akatichlerí akashkuá Jesús ukuá pok tehkí kasukuhí weika atéshkaií warkí ekáná ti kakií ³³ Chaumiwá pitasmá tawehapiwá toh Jerusalen ñá toh arwá ayerwámá tá pareró escriba rí pakerá kawishkrí ekaná amoskenkilerá gentiles kawishkerpé ³⁴ Ekaná oisikilerá archunerá arpiskerá amaskerpe akashkuá ân maikií ekamá ishtapé. ³⁵ Jacobo toh Juan, Zebedeo, a ekaró tehkerá tihkirí ärchiwishtá, paró pirkapaâpé. ³⁶ Ekamá tihkií iró pikah pawasá parawá?¨ ³⁷ Ekaná tihkirí: tah tishtauwá toh pá achihiñá asmá aswá enñaña toh asmá asawá ayarwiñá. ³⁸ Jesús ñá tihkakií ¨Pamá arihituñawí irá kapeiñawikená ¿pariná tokupiwati toh, asótokáké toh paruí, tamuhupiwaí toh tamuhpayó?¨ ³⁹ Ekaná ñehrí: ¨pitasma kaapiwᨠJesús tih kakií: pen wrá toká tohpamá pamá tokutupiwá toh tamuhariyo, pawá tamuhupiwá. ⁴⁰ Târó akí achipisá tah enñaké tû asmá ayarwiké, tohmá tastetantí, tokaró a ekeí pecheí. ⁴¹ Toh apará baktamá ukua pok weskermé, akaiítishkrí toh Jacobo yo toh Juan rí. ⁴² Jesús ná karwaní ékaná tih kakií pamá arihíñawa tarṍ asãta tishpisá toh Gentiles kakré kakipiwá pesh wrihamá, a ekará pisãtaró tishkerpé. ⁴³ Ih kakes ãkenatí tarṍa akatishpiriskumá tohñá katuishkí kawishpiwá. ⁴⁴ Tarṍ kih tishpiriskumá ekañá arkatun kachepiwá. ⁴⁵ Ĩrish aye arwá toh teh tií ekamá teh krí teh kawaskerpiró toh kriró. ⁴⁶ Jericó ñá teh borí, ekamá Jericó apasneumá toh apará baktayó tentawá wrishyorí, Timoteo ayerwarí Bartimeo, awá achenvás tahña achiwarí. ⁴⁷ Ahí toh awá achénumá wesh enkiumá Jesús rií, ékañá wahnipe ñehí: ¨¡Jesús David ayerwa tasña tehkú oisirawá! ⁴⁸ Pesh wriha wé akera tihkirí katiraú toh ékamá we ¨¡Jesús wahní David ayerwarí tasñá teh kú oisirawá! ⁴⁹ Jesús ñá tihkakií karwaní ekaña kar warí toh awá acheuró, tihkariná:¨¡Atuputishkú ishtakú ekaná pirwana ishkuá!¨ ⁵⁰ Ékama kaowá tunhí Jesús ñá tehkí. ⁵¹ Jesús ñá tihkií ¨¿Ĩró pikahpasá?¨ toh arwá achenuma ñehí: ¨Rabí paña ta waró apri hupé.¨ ⁵² Jesús ña tishkií: ¨chãú ameshkimá pi fe ñá entishkupé.¨ Waripé ekamá awá entishkí toh tahña newañá arachihíneí.