¹ Inkatamá eka Jerusalenña te'kemá, kis aa'krí Betfagéña, toh Olivos Wahaña, i Jesús a discipulos pok katuni. ² I ti'kaki: "Nauwá toh kaá ayé chamarña i pa natakiawimá, to'ña paskupiwamá son ismá as tohmá aschani tawe'chiré tu iña ashí, aryokuwá takape'kuá. ³ I asña ti'kakiwamá: ¿Irish ishkiawisa inhí? Pamawa ñahupiwá: Toh Señorña unki'pirishkua wapé pe'pé inña". ⁴ Inka eka nerá napaskri sun isma as tikaró aakiri kasapa ta'ara'na akamasña, akes aryo'kri. ⁵ Pesh wriha tis aakra ti'kaki'ri: "¿Irishkiawisa pawaí aryokra toh sun ismá?". ⁶ Ekama kapashkri toh Jesús ti'kakiiké, i toh pesh rerimá katunri nerepiro peshta'ké. ⁷ Toh discipulos pakmá akapakrí sun isma Jesús i'ró i pesh manto kaowa tu'ri Jesús tawe'achi'piró. ⁸ Pesh wriha'ka tu'kri pesh manto ta'ña i akuamá pen aaña tu'kri toh taskerwa akiri akatun ishkeruriña. ⁹ Toh atá ki nelerwa akiri i atá aracha'tarerimá arwa'ri: "¡Hosanna! BENDITO HÍ TOH ATA TE'KUAÍ SEÑOR APINYO; ¹⁰ Benditohí toh reino te'kuaí unta tus David; ¡Hosanna toh atá kaanña!" ¹¹ Akes Jesús toki Jerusalenñá i neí asikinkaña kri'abri wa'chacheí, ki ankaanrí, eka apasneí Betaniaké úkua pok yo. ¹² Án arankiwama, eka apaski te'kemá Betania chirá, Eka uwá kií. ¹³ Eka higuera penhas cheí ara'na karañá toh apa'yaro te'ka ishki, akes eka neí chemiró awá paskuakená ekaña. Nabonamá apenña, Ekamá as nani pasti apa'ya peró, toh aétarishkia. ¹⁴ Eka akapashki penró: "As nani e'tipe awá paña'ha". Pesh discipulomá weshkrí eka ñehiró. ¹⁵ Eka tekrí Jerusalenñá, i Eka asikin kaoña tokri iné kakaspacheí toh u'cha'tarerií ku'tari sikinko ara'nañá. Eka mesa kawartu'cheí plató uwe'rerurí i toh peshcha'a i atá paloma u'cha'tareriwá. ¹⁶ Ekamá asnani ti'kaki'tií pe'kertipiró aschani toh sikinkoñá chií toh u'chahá keñá. ¹⁷ Eka kachiwishki ti'kakií: "¿Kakoskaró aa'tií: TAKAOMA APINMA KAO AKAPASHKA TOH KRÍ KU'CHATA PESHCHIRO? Inkariké pamawá kaiwá LADRÓN ATAPA'KE". ¹⁸ Toh sacerdotes i escribas asa'ta weshkri toh eká ne'wá akirí. I pro'ri inkekaró amaskerpikena, inkarike ekamá akati'ri toh pesh wriha rishkrá tohwá tawarkri inke kachiwishkuá rishkrá. ¹⁹ Kaken kaken Jesús i pesh discipulorí akatesh nereruri aka a uyá. ²⁰ Eka ta'teshneremá kapa'nipe, cheri toh pen higuera onna ishkí apisyó. ²¹ Pedro ata aki nehí: "Rabí, chausa, toh pen higuera warkua artukurí". ²² Jesús akawarpishki: "Fe suku'u Patatishtayó. ²³ Yarro ta'kakaawá, taró as ñewamá waharó ti'kihia: Ishtaku natokú marñá, akashki toh eka aturusa tis iska ki'tumá, akes toh eka nehiro weshkuamá ake tishpe, tohro Patatishta ki'pé. ²⁴ Akaró ta'kakawá; taro arne'wamá kapauwá, weshkra suku'lerá i pepe'hií. ²⁵ Pá ishtakua arña'ñawimá, pamá perdona ishkepé toh yas pikachuwawí toh akua reyó, akes toh pitus piriñá chuí aké perdoná piki'pirowá pi pecado. ²⁶ Akes pa perdoná ishkertumá, pitus chani toh pirí áaki perdona kaki'tipé pi warkua. ²⁷ Ekama warkí tehkrí a Jerusalén yá. Ehka Jesús tartéshki newaña a kao arña yá, toh parẽ asáhta ma, escribas rí, ehka chuara rí Eka ya tehkri. ²⁸ Ekama tihkakirí: "¿Ĩ autoridad yo yas ishkisa? ¿Ama taya autoridad piwishkisa ishkupirõ?" ²⁹ Jesús ma tihkakií: Tas ma ás karkapakpáh. Tihtakaupiwá ehka kaishpá a pawahí ĩ autoridad yó ishka ekana ĩ yas hi. ³⁰ Toh bautismo a Juan ma, ¿Pirí chatarií ehka o arwã pecherií? Tarkawarkuwá". ³¹ Eka ma tih añéhrí ekapeh ama ñehrí: "A untas ña'barma a pirí ñá, Ekama ñehpe': ¿Ehkakes irish cree ishkertirisa ekañá? ³² ¿Akãro toh arwãñarõ ñahbarma? "Ekama atih lerurií a peshrõ, akãro toh krih ekama a Juan rõ kuakri a Profeta rõ. ³³ Akes waripé akawarkrí a Jesús rõ ehka tih ñehrí: "Untas ma ari'bartu wá". Akásh Jesús ma tihkakií: "Tás chani kaishtapá ĩ autoridad ishka eka ena ĩ yas hi".