Juan_HRomeroC-pay_mrk_text

Capítulo 1

¹ Ima totikei toh evangelio ã Cristoi, Patatishta ayerwãi. ² Toh kakaska achihiya toh Isaias profetaya: "CHAUWÃ, TASMA YA' YA'TARÓ KATUHARÓ PÍ AWAKIÑA, EKAMA PIKAKUAPÉ PITA' NEWAÍ. ³ ÃÑA'MA ARWA'NA TOH ICHITUYA, KAU TOH SEÑOR ATA'NEWAI, KAU Ã TA' YESTIYA". ⁴ Juanma te'kii kamu'piró toh ichituyá yehi weti kamuspiró ké ishkertiíró toh warkuai. ⁵ Toh koa'ka kri'ró ã Judea ña toh pesh kri'ró ã Jerusalen ña apaskrii ã ekaña. Ekama ke kamuharii toh asó Jordan ña, ima ñehlerurii toh warkuai. ⁶ Toh Juanma akawaas anu'warurii kameyó, asa usrii cinturón akawai eka cinturaña Ékama e'warurií tikishka pre'wá ama wahá chatai. ⁷ Ekama patatishta aya'ró ñehi wetaruririi: "Asma te'kua taka tasrish, taro tis a'kasa tassi, tasma digno ta' rawá tisnani chraahario paró toh ata' anu'wai. ⁸ Tasma pawai kamuhari asayó, toh ekama kamu'pé e'ka Akuansayó Santo". ⁹ Ache'ma ishkii to'che Jesúsma te'kii Nazaretña toh Galileañari, ekama tamuhii toh Juan yó aso' Jordan ña. ¹⁰ Jesús apaskuama toh asaña, ekama chei toh piri aprihii toh akuansama e'kaña chre'warurii Ekaña ã kuaské. ¹¹ Ña has apaskuarurii piriña chii: "Tasma piyerwarawá amado. Tasma arari aakawá parish". ¹² E'kakes toh akuansai wãripé ti'kii apaspiró toh kuk i chituya. ¹³ Ékama toh kuk i chituya aakii ka' o tis aakii, Maisaraña ta' tuki. Ekama peshwakua akaywayó aakii toh Angelesmã ki'lerurii. ¹⁴ Akanshkua toh Juanma suku'riché, Jesúsma te'kii Galileaña ñehii toh Patatishta evangelió, ¹⁵ Ãñehi inkatama: "ichei toh Patatishta reynoma te'piruwá, ke ishkutihiwã toh evangelioro weshkuwá". ¹⁶ Akema asken tu'teshkiché toh aso tokeña ã Galileaña, Ékama Simónri Andrezri cheĩ, Simón aarki, tuhii toh wichã sukuhayó aso tokeña, akaró ekama wichã kapehtalerii. ¹⁷ Jesúsma ti'kakii: "Te'kuwá tarachahuwá tasma kaka'pá pawai arwã wichã kapehtalerpiró". ¹⁸ Wãripe ekama tuhnerí ã wichã sukuhtai neríi Eka asukia. ¹⁹ Akashkuá toh tahteshkií akinatis ekama karó aki cheĩ, Jacobo (Santiagori), Zebedeo a yerwãrí ã Juanri, aarkiri; ekama toh puruñá aakrií kaporkaishkri ã wichã. ²⁰ Ekama wãripe karwahnii; ekama pesh tusro tuhnerií Zebedeo yó ã puruña toh katuishtaleryo ekamá arachihrií. ²¹ Ekama tokneri a Capernaun yó toh Sábadoyá, Jesús paskii a Sinagogaya kahchawishpiro. ²² Ekama choktaishkrí toh kachawishkií untaske utapuh untakachui toh escribas tahlerke. ²³ Justoma taya aakrií Sinagogaña toh arwãma kuansa warkua as akachii, wahnarurí: ²⁴ "¿Untasma kaape payó, Jesús de Nazareth? ¿Te'kurí warkuá untakaupiro? Tasma e irawá pai inkenariras ¡Pama Patatishta Santorí!". ²⁵ Jesúsma ti'kii ã Walashró: "¡katiraakú apaskú ekaña!" ²⁶ To a kuansa warkua ishtama kukñá tunhí Ekaña chií a paski tapuri wahni. ²⁷ Toh pesh kri'roma arari aakri, akaró ekama arkape' lerurii ã ekapé: "¿Ima insa? ¡I achiwishkima we'kai ta pu'yó! Ekama toh akuansa warkuá ishtaró tukuá Ekama aña weshkerá". ²⁸ Uwaripé toh añah ñe'lerma abriña chi apaskrii kaa kri'ró Galilea kri'rori. ²⁹ Akanskuá eka apaskriché toh Sinagogaña, Simón akaoña nerii Andrésri, toh Jacobori a Juanrí. ³⁰ Akuanskua toh Simón awaha archanawarii tenskiro kii uwaripé ekama tihkirii ã Jesús ró Ekaña. ³¹ É'kakes ekama te'kii, asawaña sukuhi ishpakii; toh tenskimã neii ékama wãrki katuishki. ³² E'kakes toh kakakaña to'teshkiché toh anñari tu'teshkii, Ékama kri'ro pe'krii toh archanawalerii ã walash kakachirii. ³³ Toh kaauya che'ma atawe'rií ã kosapaña. ³⁴ Ékama tis kri'ró en kakii toh archanawalerii toh archanawalerima we'kakachii walash we'tis kakaspa kii, akaró ékama toh walashma ta' wishtururii kapashkertipiró ekama arihlerurí. ³⁵ Ékama en uwãri ta ishtakii, akaró sukuaña aakrii, apaski nei kaa aspeña to'ña arñehi. ³⁶ Simón ã ekayo aakrii, Aama pro'lera. ³⁷ Eka nepaskera tihkirii: "Kri'ro piprohiweterá". ³⁸ Ékama ñehii: "Naprá akuaké, kaassia vecinos, tas ña' ña' paró toh ya wá, toh kari tasma ña te'kari. ³⁹ Ékama toh Galileaña nei, ñehii ã Sinagogaña walashró katu'warurii. ⁴⁰ Archanawá as te'kii ekaña; a ekaró achánro un weni tikiwarurií: "A che' aakuriekana, pama ta uskupé". ⁴¹ Pehí toh compasiónhi, Jesús asawã ishpaki pehi, tihkii: "Tasma ña aakari usparó". ⁴² Uwaripé toh chanama tunnei nei uskii. ⁴³ Jesús akayi tihkii tuhii ne piró uwaripé, ⁴⁴ Tihkii: "Ta purupé ñahutipiró asnani, chaũ, achiwishkú ã parehró ta'kaú toh pisukrii ayassi toh Moises tihkakiiké a ñehiké ekarowá". ⁴⁵ E'kakes ekama apaskií arahnañá wartapehí ti'kakií krihró, pukí toh añahró Jesúsma netií tis nani ĩ akachitirí toh kaãñá. Akaro ekama tawarkí toh kaã aspeñá toh pesh krihroma te'krií ekañá ama akualerií.