¹ Inkatama, pehlertipé to' creyentes a ohró, tas kaariké Galacia igleciaró, pawai to' ké ishkupiwá. ² Ĩ semana ki' te' kuai, páwa asas tis tispeshkuwa na en kauwá, ne tapunyo ishkerpiró. Iro kauwá tas ne bonamá a ohró uwehlertipiró. ³ Akẽs tas ne bonama, pawai tayó ki'lermã, toas ma a ohró tumpa Jerusalénña. ⁴ Ãkema eñaripé tastei, taswa napa, ãkens ekama tasyó nelerpé. ⁵ Tasma parish te'pa, to' Macedomiaña tu' teshkaño. Akens Macedomiaña tu' teshpá. ⁶ Inkashkaweka payó tawarpaakana to' asawai to' teshparó, pawaí tarwarkerpiró tas napaña, tas pitah naaña. ⁷ Ãkens tassi pichaishtah tokahñawi kui akinatissi. E'kakens awakawá kui ás tu' teshparó payowá, to' Señor tah tatehwama. ⁸ Akarike to' Efesoña tawarpa to' Pentecosteschẽ, ⁹ ãkãró kosapá a'kaas ataprihi tas rish, ta'wa we' chilerá. ¹⁰ Inkatama Timoteo te'kuama, chõ wawĩ eka payó achihi akati'tu, akaró e'kama to' Señor akatunró ishkua, askenai tas ishkakẽ. ¹¹ Tunnautihwãwi tisnani sukuhlertipiró. Toh newaño arwarkuwãwi paz yó, to' ekai tasña te'piró. Akens tasma awaka ishkawá ekai askén te'piró pesh a arkiyó. ¹² Inkatama pehlertipé pesh a arkiró Apolos, tapura ta'kaarí paro ña kachãmaró pesh a arkiyó. Akens to' krihró ĩ tahrií te'kuama inkatai. Akãnskua, ekama te'pé kui eña yó. ¹³ Awaka ishkuwãwi, yestiri aakuwawi fe yó ta pun wãwi. ¹⁴ Pa krihró ishkiñawi ka'wãwi amor yó. ¹⁵ Pawai arihiawi Estéfanas a kaí, eka tatiké ki' akua tishkrii Acaya ña ekai tishkrii inké to' creyentes arwarkrii. Inkitama paro ta'kakaawá ta arkiwá. ¹⁶ A akerpiro to' ti'kakiriña ĩ pesh krihroké to' ĩ karwarkepiro to' katũishkerña ishkerpiro untasyó. ¹⁷ Tasma ara tishkawá Estéfanas te' kuamá, Fortunatoi Acaicowá e'kama ki'rii to' tis chiiró pawaí tispeshkrii. ¹⁸ Akens seh ki'rii ta kuãnsaró pa pe'wari. Akens arihuwawi pesh inkeñaró. ¹⁹ To' iglesia Asia chatai uñah tuhrii pawai Aquila to' Priscila uñah tu'lera to Señor yó, to' iglesia pi kaoña achiró. ²⁰ To' ta arki krihrowá uñah tuhlerá. Uña huwawĩ pari akuari unashta as yó eñai. ²¹ Tas Pablo í, kakoskawá tas ta sawayó. ²² As chuma to' Señor ró, chaen kituma, ama warkuaí. ¡Ã Señorma te' kuai! ²³ Señor Jesús payo a a'pé kapar ishkia. ²⁴ Ta amor hi pa krihró aahpé Cristo Jesús yó.