¹ Inkatama pita akawá pawai, ta arkiwa, to' evangerioro tas ta'kakaari, inkatama pawai sukuhrii y e'kakes pawai aakiawi. ² To' evangeriorish pawai salvoriawi, pawai yestiakiawi añahyó tas ta¿kakaari, ãkaro pawai õ weshkri akena tahrii. ³ Akens tasma kawishkari a importanciaké promordialhi to' toswa sukuhari: To' Cristoi warkua rish onnií ã kakoska Ñehwaké, ⁴ ãkaro e'kama onskrii ishpakeri an men chẽ to' kakoska Ñehwãké. ⁵ Cristoma to' Cefasro, ara paski, akens to' ukua pok wá; ⁶ E'kakens arapaski onki ukua arkiwá akẽnai. Awrihalerma atewata wakualera, tisma annilerii. ⁷ Ãkens to' Santiagoro arapaski i e'kakens to' apóstoles krihró. ⁸ Akens apistiri arapaski, to' ye' cha' warki chiiké ã kuih ã kena tohrichẽ. ⁹ Ãkens tasma apóstol ye'rawá. Tas indignorai apóstol ti'takilerpiró to' Patatishta a Iglesia ro' ara chihi naari. ¹⁰ Akaro Patatishta akaparas tasma tas rawá, tasyó taka parkiras che' nei. Atamaké, tasma kresh katu ishkari tapurá to' krihro mãhó. Akãnskuá, tas tahrii Patatishta kaparkiras tas yó aakí. ¹¹ Akaro tasripé, to' e'kawá, akens untasma ñahbarwá ã kens pawai weshkrií. ¹² Inkatama to' Cristoí ti'kiri to' onnileriro ishpaki ¿Inkashki ey ruwiñawisã pawai to' chui ã onni waka tishkri? ¹³ Akens to' onnileriro wakatishkertuma, akens Cristo chani ishpakerpé. ¹⁴ To' Cristo ishpakrima, e'kakens to' ñehleri to'kenatahripé ã fe wá to' kenatahripé. ¹⁵ Akens untasma prohri falsos testigo ishkapero Patatishtaró, akaro untasma ñahbarwá Patatishta arratahró ñehí ekaña Cristoro ishpakii, to' e'kaña ki'tihi. ¹⁶ Ankro to' onnileri ishpakertuma, to' Cristo chani ishpakertipé. ¹⁷ To' Cristoi atewata ishpakertihima, pa fe wai akenatahhi pawai atewata warkuaña achihíawĩ. ¹⁸ E'kakes to' Cristo yo onnilerí to' wá onnileri. ¹⁹ To' chẽi i chaparyama untasma ké arihbawá to' te'kui Cristoyó, to' pesh krihró, untasma kresh digno barwá to' oy sii. ²⁰ Akens Cristoma oshpakrii to' onnileriyó. ²¹ E'kakes to' onnai arwã rish te'kí, arwã as rish te'kí to' onni waakatishkerí. ²² Akaro to' Adan rish krihro onlera, akens to'wahá Cristoyó crihró to' en aakerpé. ²³ Akariké eka eyó asas ripé: Tos Cristo, primiciayó; uwãripé toi Cristoyo chilerpé waka ki'pé to' te'kuaché. ²⁴ E'kakes to' chẽ ripé, ankró Cristo wishkuá Patatishta atus arreinoró. Ima uwaripei to' abolirhi regla krihró, to' sã ahta krihroi ta punyó. ²⁵ Ankro e'kama reina ishpé eka tukuatanii to' krih cha en kilertui atah awakia. ²⁶ To' apisti chã en kitui i tunnetuma a onnaripé. ²⁷ Akẽns: "E'KAMA KRIHRO TUKI ATAH AWAKIA". Ankró yehwamá: "EKAMA KRIHRÓ TUKUÁ", Ima ante yarhí to' tuktuwã krih anchiró ekaperó. ²⁸ E'kakes a yas krihroi en aa'pé eka aakiña, e'ka ayerwama e'kapé en aa'pé to' en tishki ekaña. Ima ishpé to' Patatishta atushi ki'pe akrihró krihró. ²⁹ Akemá, ¿inkashkerpiso to' atamuhrii to' onnileriyó? To' onleri ishpakertihima krihró i, ¿e'ka akés to' rish atamuhlerá? ³⁰ Akens inké, untassi aka ti'ya aahbrisa ahãr aharña? ³¹ ¡Ahar krihró annayó ata pukrii! Ima yarhí, a'ka tishkama payowá, akaro kaarí Cristo Jesúsyó nuestro Señor. ³² ¿Tas iro tehlerpisa, to' chẽi a chewama peshi, anu'paró to' ohla'yó Éfesoña, to' onnileri ishpartihi? "A'bra tokbra, akens untasma chama onnapé". ³³ Pama pihkasehutihiwawí: "Akena tãhí asken neñiwí warkuá en tishpé to' ishkerí". ³⁴ ¡Sobrio ishkuwá! ¡Yestiri chauwá! Ke warkuá ishkitihuwawí. Akens pawá tis arihlertuwã Patatishta tasma iró tahkakáawá to' ishkakiwaí. ³⁵ Akens tisma ñehlerpé: "¿Inkenalersa to' onnileri ishpakrii? ¿Apesh pikẽñalersa to' eka te'kerpií?" ³⁶ ¡Pawaí ñah weshistanpikiwaí! Patishkiñawí tawehtipé ama ompé. ³⁷ To' pá tishkiñawĩ apeshtahí inkarahsa, awama chẽ eña tahhí. Ima akua tishpé trigo awaké to' akuaké. ³⁸ Patatishtama apesh ás wishpé ama eka akamanaspé, awá asas mã eka apeshripé. ³⁹ To' yucú krihroi askenpé tãhi. Ama yucú as chuwá peshleró, ã yucú asma peshwakua í, ã yucú asmá totonií, ã yucú asma wichãripé. ⁴⁰ E'kakes apesh celestiales chilerwá to' apesh kuk chatawá. To' gloria apesh celestialma ama assí to' gloria kuk chataí to'ma akuaró. ⁴¹ Ãkens an gloria as chuwá, asmã yawi a gloriaí, asma piriwá a gloria í. Ãkens piriwa asma apintakuá gloria piriwaró. ⁴² E'kakes to' onni wakriñai. To' tishkerma eñaí, to' ishpakrima eña tãhí. ⁴³ Ãma tishkaí warkua ña; to' gloriaña ishpakai mehmeña tishkai; akes tapunyá ishpakaí. ⁴⁴ To' ma tishkaí apesh to'kenaña achakarwaí; to'ma ishpakai apesh akuansa eñayo. Apesh achakarwa ás chuma to' ñahma apesh akuansa eña chuwá. ⁴⁵ E'kakes ama kakoskaró achihí: "TO' KI' ARWÃRIMA ADÁNMA TE'KI KUANSA AS KII CHIPIRÓ". Apistirií Adánma te'ki kuansa as ki'piró to'ma apesh wishkuai. ⁴⁶ Akens to' kuansama ki' te'tihí acha karwaró te'kí akens te'ki akuansa eñaró. ⁴⁷ To' arwã ki'ma kuk chataí, kuk aarayó kaaí akés asma pirí chataí. ⁴⁸ Akanai to' ataké kuk aarayó kaai to'yaí akens toalero to' kuk aarayá kaai. To' arwã piri chatayó to'wa to'kenai to' a'lera piri chataleri. ⁴⁹ Akens untas pabarké to' arwã kentaró kuk araí, akens pabarpé to' arwã pirí chataró. ⁵⁰ Inkatama testigoi, ta arkiwá to' yucú auriwá Patatishta achihiyama to tipé,. To peresedero chanii tatipé to' imperesederowá. ⁵¹ ¡Chauwá! Yar as katira ta'kakapa; krihroma onnatipé, akens krihro tamake akaapé. ⁵² Untasma tomaké akaapé uwaripé, awa ti' kiwaké to' kuẽh apistiké. Akens to' kuẽhma arampé to' onnilerima ta ishtakerpé imperecederos i, untasma akua tishkapé. ⁵³ Akens i apesh i chipiwai ama anuhpé chiipe to'wa i apesh onnai ama anuhpé ama chi teshpé. ⁵⁴ E'ka to' apeshhi a aki anuhhima to' chiwai i pesh onnai ama anuhpé to' chiteshkuai e'kakes yar aspé to' te'kuai ã kakaskaró achihi: "TO' ONNAI ATOKUA Ã VICTORIAYÁ". ⁵⁵ "¿ONNA PIA AAKISA PI VICTORIAI? ¿ONNA PIAKISA PI AGUIJONKA?" ⁵⁶ To' aguijón onni ama to' warkuañaró, to' warkua tapunma ley ñaró. ⁵⁷ ¡Akens Patatishta kaparkawá, to'ña victoria untehwã to' Señor Jesucristo rishkiá! ⁵⁸ Akãró to aekiwá, yesti tishkuwá pi minihlertipiwaró. Señor tó katu ishkapiwaró, ankró pawai arihiawĩ to' katu ishkeri Señor eró ama warkua tõhi.