^{2 3 1} Pejji profetawi jumaitsi Eliseota "Itsa jota jinawápátasi wajjaitsi baja apo naka yákaüjüpae. 2 Páne cópatiji tsiamü Jordán jawábelia kaünü kana kujitsia ukútijitsia cáe (1) naéyo pá matákotijitsianü bóoyo waja jináwara páenejja." Eliseo júme kánawiata: "pajjamü panúmata jjaina re." 3 Itsanü peyá jiwünü jumaitsi: Ná bá rü poná re niájiwi." Eliseo júme kanawiata: Janü ponáenajü. ⁴ Nejjata Nápona eputa pakuiji nae paliá Jordán jawábelia baja ra pamónae úkubaba Naéjawanü. ⁵ Pakuiji náe itsanü ná ukubabéjitsia piaja sipali tá máta juejuékatsi menia jópa reka: "haaai jay, ¡jume nó taja bananü, Ná kowaetajü sáya bó!" ⁶ Nejjata Dioso péjume kawünü tsinü jumaitsi: "¿De jóta jopa reeka?" baja rá ponü tsitajuta jjuayá jopá reeka. Baja rá ponü ukuta naéjawa, jjüá reka pekowü yá reka, nejjata , baja rá pá sipáli cóta nájunüa. ⁷ Eliseo jumaitsi: "Püre" Nejjata siwá nakobeyota pita. ⁸ Juya Aram piaja rey najume jaita ba rü natsekoná jitsia Israel baja rá ponü yaníjioba piaja jiwi, jumaitsi: "Taja campamento meta abajü tsiteka." ⁹ Baja rá pakujinae ponü Dioso pejúme kowütsinü itó roba rey Israel pijinü jumaitsi jjanía táename pütsa ma jjüya ponámej, tsipají arameo mónae jjüya nágeta rubenáena." ¹⁰ Baja rá jjüa kuijinae Israel piájiwi itó roba pébi jiwi itsa jótalia Dioso pejume kowünü tsinü jumaitsi pütsa baja rá jjoyá póname jaitsi baja rá ponü jawa belia bajáya jeebi, nejjata rey baja rá belia póna baja rá ponü ewetánuka. ¹¹ Aram piaja rey bitsó játaabü büa jai petsi paebi jjaetsi, junáta peyá ewetsi wítsi jawalia jumaitsi: "¿Pütsa páne jamatabü juitsimü apo neya pütae méta tsane jamatabü jai waja tutújuta pónapona itsanu pejamabü yawenó naenü Israel piaja rey. ¹² Itsa pía jiwitinü jumaitsi: "¡Jüme, rey , taja tujjanenü, profeta Eliseo rá jane jumaitsi Israel jáwata jumaitsa biáabi rey jawabila pá jumé beje kui kuai jámü tsabiabi nemájitsi bó jawata!" ¹³ Rey jume pita: "Taémeya itsa jota Eliseo pónapona nejjata jjanü itó robijitsianü tájiwi pé wáetabi nejja baja rá pónü." Tsipaébatsi baja rá ponü: "Nejume táema, Dotán jawata pónapona." ¹⁴ Baja rá pakuenia tsitó roba Dotán jawábelia caballos, carros wájabitsaü bitsaüto (granse). Baja rá pámonae páta mé rawi matá toyo roteta tomará. ¹⁵ Pakui jináe peyá ewetsinü Dioso piajiwitonü nonóta puna mé rawáyota pitsatába panabo jawábelia, táne, wáya bisaüto bitsaüto caballota carrota ká ranata núbena tomá ra pewetsi nütsi jumaitsi: "¡Aii, taja tújjanü! ¿Dé itsa nétsi béje?" ¹⁶ Eliseo júme kanawiáta: "Pitsa kúju náwame waja náka hyájawawi bitso ayai bitsaüto baja rá pamónae wékua." ¹⁷ Eliseo wajüta (oró) jumaitsi: "Dioso, jjanü kajumái tsá netsi itajjütopá re má ponü ná tajetsia." Baja rá pakuijináe itájjüto páta jjüaba péwetsi nütsi ná táne. ¡Baja rá jané, pá tsútota nüka beje yá wünüka caballos carros pé yóno jaiwi bé isóto "Pebüto jáwi" peyá ewetsi wítsi Eliseo! ¹⁸ Pá kuíjanae kuiji bá renatsi Eliseo. Eliseo bá rü kuai kuijai Dioso itó roba "Itajjüto kati tája raba jjüá re ceguérata, jjanü kajaitsi." Nejjata Dioso itajjüto yájinae ejjana, pakuenia Eliseo wajüta. ¹⁹ Baja rá pákuijinae Eliseo jumaitsi arameos mónae . "Má ra jjüyá ápo námüto, pijinenia ápo pá toma ráje. Najjatsia, jjanü rajané páka kápo náenatsi páne jaitsinü jawábelia." baja rá ponü mata kápona Samaria jawábelia. ²⁰ Natane pepatsi jáwa Samaria jawáta Eliseo jumaitsi: "Dioso má pamónae ikatsia itajjütopá re pá pébijjiwi pénatsi wajünáe táe nejja." Dioso ikatsiá itojjüto páta máta pania ikatsiá nátsi wajünae táne, natáne, Samaria tomá ra tútujuta . ²¹ Rey Israel pijjinü Eliseo jjumaitsitsi pákuijinae tanetsi: "¿Tájja jjanü kaéjena tsaena patáka béye jebi jáwa?" ¿Patáka wé retsi jáwa?" ²² Eliseo júme kanawiata: "Ápo we retsimü tsipae baja rá pamónae, ¿We retsiji ikatsiá nitó robiwi pená káponae nejja piaja espada bitsabianü yájawa? rajú re pena báni jáwa me rajji yájawa, pená nábani nejja mé rajji pemata wüjüa apáenejja, nejjata ponáe nenajitsia piaja tújjanü jawábelia." ²³ Nejjata rey tó zéta ayíjawa pená bani nejja pénajani we reni kuijanae, baja rá ponü ita weta nejjata baja ra pamónae nawiaba piaja tujjanü jawábelia má baja páwaja bitsaü bitsaüto arameos pijiwi máta wüjüa baja ápo patsi yabaja jébi Israel irrá (tierra) beliá. ²⁴ Baja rá jané jjüa kuijináe Ben Adad Aram piaja rey kaé tuata piaja wajabitsaü (ejército) tsimajjü póna Samaria yá baúpa jjatáta (sitió). ²⁵ Baja rá jjüa jitsiá Samaria toma ra, nabi jiobi rajuta, piájani, büa jái, atáne, natsi nüa (calamidad) baja rá pámonae peyá wü jjatátsi kuijinae áta ü burro mátabocoto kanájeta ochenta (80) pa fóbi beje palata, itsa (1/4) jjuayo beje tsata 1.23 litros úkuku penawekua pentsi jáwa (5) pá tobi beje palata. ²⁶ Pakuijináe núkapona Israel piaja rey péna yá ká ranaté káejawa (muralla) pemata tsünüá, peti riwá juná tanúta ponatsi junatsi jumáitsi: Neyá wenoná ree rey, taja reimi." ²⁷ jumaitsi Rey "Itsa Dioso ápo kayá wenónae ¿De pekuenia jjanü kayá wenó naéji tsipatsi? ¿Kayá wenó naéjitsipatsi itsa kuábame (trillar) o itsa aceite jukaéjitsime? ²⁸ Rey ikatsiá núka naje náebaya pemata tsünüá: "itsa itsimü piaja?" baja ra powá júme kána wiata: "Má powá né jumaitsi: "Né ráju re nejjünato waja jjáenejja béje ajéna, juya mé rabiá tájjünato jjáenatsi beje. ²⁹ Jé jánü pazétajü beje tajjünato pá jjaníji béje, jjanü júya jumaitsi pitsi mé rabiá: "Nejjunato ra nejébaja né ráju re jjaji tsiátsi beje, baja ra powá nata yáta pejjünato." ³⁰ Pakuijiae rey júmetane má pá péti riwá na wé jú´ma titína jjuaba (baja rá ponü ikatsia muro), jjenetanuk pona dajjita jiwi táne ikatsia baja najúma jjáta tánuka póna pe nejjo jaiwa o "piayó jawa." ³¹ Baja rá kuijinaé jumaitsi: "Jimá nitsi tsnae Dioso jjanü au ríbia Safat ápo itsa wüsi ukú tsitsi ajena." ³² Jámatejema saya Eliseo piaja bota éka anciano mónae yajawa bá rü eka, rey péwajü náya kaenü natsi wajünáe itó roba jané baitsi pepátabi wajünáya petsi paebi nütsi Eliseo jawá bé rena, Eliseo jumaitsi ancianowi jawabelia: "Pá taema, ¿Itsa jjüájitsia ma ponüje jiwi bénü pejjünato itó roba táne beya jjüabi nejja nematabco kaliá jitsia? pá kujinae pata biana tane tsipaebi nü nejja, pá baupa jjata tsiáname, pá baüpa jjatatá nutsiá name petáe yeniwaetsi. ¿Apo tajjü jume bursi júmetae áta pepüta pe nukatabi jawa pé pünüta. ³³ Abajjü pá kuijináe bá rü kuai kuijai tsékae baja rá pomónae, pátaba baja petsi paebi nütsi pé müjjü nenéta núkataba, rey pikaní jumaitsi: "Má rá" jjüaje, ma raje pá liwaitsije najeta ruka Dioso jawá wé rena ¿De jjüa jitsia jjanü abajjü ewéta ponae jitsipajü Dioso?