¹ Recuo 'cuä'opinö O'ca'a Nabotmä Jezreel ttö̧jä̧'i̧sa̧ pi̧nö ja̧u̧mä̧ Samaria rȩjȩ ru̧hua̧ Acab Ojuisode tö'cönänö Uva pättä ku̧näri̧nö̧, ² Acabmä Nabotrö ucuocu päi'nö'' ucu cuiättä uva pättä iyittö chojusode to'cö ka'attö a'cuacunä ka'attö chu̧ju̧nä̧ pä'ö päröcuä'attömä adihuä juai uva pättä chi̧yä̧cuä̧sa̧ ucurumä, ja̧'hua̧nö̧ jä'änä cuema päcuttumä 'chimitä̧cuä̧jä̧ micuämä pärätänätä̧'' ³ Ja̧'hua̧nö̧ ja̧'a̧nä̧ Nabtmä Acabrö ädätinö̧: ''Ja̧'hua̧nö ja̧'a̧ tu̧ru̧hua̧mä iyiya̧cua̧ cu̧tä̧mö̧ mi̧nä̧ jȩpu̧ ttö̧ji̧nö̧mä.'' ⁴ Ja̧'hua̧nö̧ ja̧'a̧ttö̧ Acab ruhuo i̧sodenä do'acchiomenä, Nabot Jezreelita ttö̧ja̧ isa̧ päi'nö a̧möcuädi'omenä a̧misuräqui'inäcu pä'änö: Cutämuminä ä'cänäji jepö ttöjimä chiyiya̧cuä̧ja̧ pä̧'ina̧'a̧ttö̧ ja̧u̧ru̧.'' Ja̧'hua̧nö̧ ja̧'a̧nä jaumä ä̧'ä̧ppä̧nä äppäcuänö pämädäji'ca̧mä ucua pä'ocu pinö. ⁵ Irecua Jezabelmä ja̧u̧ o̧jo̧mȩ chähuiö jä'epö pä'inäju: ¿ ttä̧'a̧nö pä'ö cuänö'inä cucuoca'a cua'cua tta̧cuȩcua̧ jä̧'ä̧ttö̧? ⁶ ja̧u̧ ädätinä'ö̧ Ja̧hua̧nö ja̧'a̧nä̧ Nabot jezreelita ttö̧ja̧ I̧sa̧rö̧ ucuocu pä'äjisa̧. pärätänä chimitacu cuiättä iyittö cueseu̧nä jöttömä korottä cuiättä'inä chiyäcuä̧jä̧ ucutä cuiare päi'önä Ja̧hua̧ta̧nö̧ ja̧u̧mä ädätinäcusa̧ ''ttö ucurumä uva pättämä chiyäcuä̧sa̧ päi'inäcusa̧.'' ⁷ Ja̧'hua̧nö̧ ja̧'a̧nä Irecua jezabel, Jä'epö pä'inäju̧ ¿Israel ttö̧ja̧rö hueahua i̧sa̧mä'cö täji ucumä? Cua 'cua̧ esehuachi'onä ärämi'ö Cui̧tti̧ ttötä chiya̧cua̧ja̧ Nabot Jezreelita ttö̧ja̧ i̧sa̧ o'ättättömä. ⁸ Ja̧'hua̧ta̧'a̧nö Jezabelmä Acab iminä cuyäru isojä hueyutumä tädecuächönä 'to'inäju ja̧utä imimä ja̧'huä̧nö ja̧'a̧ttö hueinäju tämo jönä huotöröi'nä ruhuottö ji̧nä yo̧metȩ cacacuiätörö̧'i̧nä̧ ja̧'a̧nä nabot Ötahuiyä tö'cö kä̧cuä̧tö̧rö̧'i̧nä hueinäju̧. ⁹ Ja̧huaju cuyäru isojä hueyutojämä pä'a̧nö pä'inä'a '' cucuä ado̧chu̧ huopätucui ja̧'huanö ja̧'a̧nä Nabotrömä Ötahuiyä ttö̧ja̧ ttä'ca jo̧me kunätucui jönä pä'inä'a̧ ¹⁰ Jä̧'hua̧nö jo̧nä̧tä̧ jaucumä umätö jueö jiähuo'cotö'inä kunätucui jahuanö ja̧'a̧nä ja'atä topätucuirö suröjuttu 'queecuä pä'iönä pä'inödö ucumä suronä pä'äjijä Diosrö'inä Jahuatanö ruhuoru inä jaumö O'ca'amä umicu epätucuirö inädunä icuau cuä'ö icuähuometa. ¹¹ Ja̧huanö ja'attö Otahuiyänä kacuätö umätö'inä tämö jönä huotö'inä ruhuotö'inä jo̧nämä Jezabel cuyäru isojänä hueyutu huejäjita'anötä jepinätö jahuätömä . ¹² Jahuanö. ja'attö̧ Ötahuiyä ttö̧ja̧mä ttucuä a̧do̧chö pänö huotta'anä Nabotmä ja'huätö ttä'ca jo̧me pämädinö. ¹³ Umätö ta̧ju ju'eönä jihuocotö'inä Nabotcutä pä̧mä̧di̧nätö̧; Ja̧hua̧nö ja̧'anä Jahuätömä Ötahuiyä ttö̧ja̧ kä'ca jo̧mettö Nabotrö suronä jiäu päi'nätö: ''Nabotmä Diosrömä ruhuarö'inä riänätä suronä pä'äji.'' jahua'anö ja'anä jahuätörömä Ötahuiyä umi inädunä icuäu cuä'ome emipinätö. ¹⁴ ja'hua'anö ja'anä tämö jönä huotönä jezabel päju huene hueinätö, pä'änö pä'ina'a:'' jahuanö ja'attö Nabottmä inädunä icuäu cuä'ö tticuäcu 'corupä'iaji.'' ¹⁵ jahuanö ja'anä jezabel Nabot rö inädunä cuä'ö tticuä'ä käjuco̧menä jahuäjumä Acabrö päjinäju '' jahuanö ja̧'a̧ttö̧ ä̧rämi'ö täi nabot jezreelita ttö̧ja̧ i̧sa̧ ucuä uva pättärä'a ja̧u̧mä yapare päi'nö pärätä iya pä'ö, jahua'anö ja̧'a̧ttö̧ Nabotmä jitämä a'cuarocu tä'cö ,corupä'i'inö.'' ¹⁶ Acabmä Nabot 'Corupä'iäji pä'ö äjucuomenä yotäcu ä̧rä̧mi'ö̧ mȩyȩ huäcuö Nabot Jezreelita ttö̧ja̧ i̧sa̧ ucä uva pättärä'acu 'chinö. ¹⁷ Jahua̧ta̧'a̧nö turuhuamä Elia Tisbe Ötahuiyä ttö̧ja̧ i̧sa̧ jahuänä känö̧ Ucuocu pä'inö. ¹⁸ Jahuanö ja'attö ärämi'ö Samaria Ötahuiyarä'a täi jua'attö topo cuocui'äcuaja Israelttö hueähuä ruhua Acabrö jaumä Nabot ucua uva pättärä'a kö jitämä, chutätä ucua ucua umäi'nä 'chäji. ¹⁹ Jahuanö ja'anä ucuocu pä'äjitö turuhuamä pa'anö pä'äji jönä: ¿Jahuanö jönätä isopäi'önä iä'ö icuäjijä täji,? Jahuanö ja'attö ucumä jauru chuiyäcuäja turuhuamä , Jahuanö pä'ö Nabot ucuoja ahuiritö nettinö'anö ähuiritumä ucu cuamonä cucuojä'nä nettäcuotö ²⁰ Ja'huanö ja'anä Acabmä Eliarö pä'inö ¿pocuipäjijä täji ttö chaboiyärömä'' Elia ädätinäcu. ''ttötä cho'ocuiäjitäcujä jahuanö ja'attö ucumä ichäjijä, cuamunätä suronä jecua̧ pä'ö turuhuä tö'arömettö. ²¹ Tu̧ru̧hua̧mä̧ pi̧yȩ päcujä: Topi ttömä jȩpu̧ chi̧cuä̧cua̧sä̧ yori'iso juiyönätä ucurumä ja̧hua̧ta̧'a̧nö̧ ucuru'inä u̧mä̧tö̧ ppo̧'ä̧tö̧rö̧'i̧nä̧ cumuäyotörö'inä jönämä jȩpu̧ chi̧cuä̧cua̧sä̧ ja̧hua̧nö̧ ja̧'a̧nä̧mä̧ jȩpö̧ chi̧cuä̧cua̧sä̧ ja̧hua̧nö̧ ja̧'a̧nä̧ Israel ttö̧ja̧mä̧ huȩnȩ juiyönä ttö̧jä̧cuo̧tö̧. ²² Ja̧hua̧nö̧ ja̧'a̧ttö̧ ttömä jȩchä̧cua̧sä̧ ucu cuahuäruhuärömä Jeroboam Nabat i̧tti̧ ahuaruhuä jä̧i̧nö̧'a̧nö̧ pättiönä ja̧hua̧nö̧ ja̧'a̧nä̧ Baasa Ahias i̧tti̧ ahuäruhuä jä̧i̧nö̧'a̧nö̧ jö̧nä̧ jȩchä̧cua̧sä̧ ja̧hua̧nö̧ jö̧nä̧ ucumä ttö cha̧mi̧ surächiönä Israel ttö̧ja̧ suronä jȩttö̧nä̧ jȩpi̧nö̧jä̧. ²³ Tu̧ru̧hua̧mä̧ Jezabelrö jua jö̧ta̧'a̧nö̧tä̧ ucuocu pä'inö: Jezabelrömä ä̧hui̧ri̧tö̧ ttucuäcuotö ötahuiyä ttoecuäbä jäyättö. ²⁴ Ja̧hua̧nö̧ ja̧'a̧ttö̧ Acab ahuäruhuättö ya̧tȩ ötahuiyättö 'corupäiöttömä a̧hui̧ri̧tö̧tä̧ ttu̧cui̧ä̧cuotö ja̧hua̧nö̧ ja̧'a̧nä̧ ya̧tȩ u̧mi̧ i̧sa̧rö̧ttä̧ 'corupä'iöttömä mo̧ro̧jä̧nä̧ co̧ä̧rä̧tö̧ ppi̧yu̧tä̧ ttucuäcuotö". ²⁵ Acab'anö hua̧mä̧ ya̧tȩ'i̧nä̧ toinä'a chutä amonä iyäu suronä jȩo̧i̧nö̧mä̧ Tu̧ru̧hua̧ ä'ca jo̧mȩttö̧ irecua Jezabel suronä huȩjä̧ri̧na̧'a̧ttö̧. ²⁶ Acabmä tätähuä o'ca surojö ttidecuähua'anötä̧ jö̧ o'ca aditinö chutä ucuotäiyö o'catoinä Amorreo ttö̧ja̧mä̧ suronä jȩttö̧ca̧ ji̧na̧'a̧ttö̧ Tu̧ru̧hua̧mä̧ Israel ttö̧ja̧ ttä'ca jo̧mȩttö̧ ppä̧huä̧di̧nä̧u̧. ²⁷ Ja̧hua̧nö̧ ja̧'a̧ttö̧ Acab pi̧yȩ huȩnȩ ä̧ju̧cuo̧mȩnä̧ ja̧hua̧ta̧'a̧nö̧ i̧'ca̧tä̧hua̧tä̧ sȩro̧cu̧ icu rö̧ä̧nä̧ ä̧'cua̧tta̧'ȩcui̧pö̧ suräjäpi ȩmo̧po̧ö̧ ttoecuinö. ²⁸ Ja̧hua̧ta̧'a̧nö̧ Tu̧ru̧hua̧mä̧ Elias Tisbi ttö̧ja̧ i̧sa̧rö̧ huȩnȩ jiahua pä'ö hueinö ja̧hua̧nö̧ ja̧'a̧ pä'inö: ¿Topi Acabmä chä'ca jo̧mȩttö̧ yiecuächö tä̧ji̧? ²⁹ Tta̧'a̧nö̧ pä'ö ja̧u̧mä̧ chä'ca jo̧mȩttö̧mä̧ yiecuächättö ttömä ji̧yȩtȩ mo̧ro̧mä̧ jȩpö̧ chi̧cui̧yä̧cua̧sä̧ ja̧hua̧nö̧ ja̧'a̧nä̧ ttömä cuahuäruhuä'inä cui̧tti̧mö̧'i̧nä̧ ttu̧mo̧rö̧mä̧ beadö jȩpö̧ chi̧cuä̧cua̧sä̧.