4 ¹ 1 Bihain long ol dispela samting mi lukim wanpela dua long heven i op .Dispela maus mi bin harim nambawan taim I toktok long mi i olsem krai bilong biugel,na tok,"Yu kam antap long hia na bai mi soim yu long wanem bai i kamap bihain long ol dispela samting. ² Kwik taim spirit bilong God i opim ai bilong mi na mi lukim wanpela man i sindaun antap long wanpela sia king i stap long heven ³ . Na man husait i sindaun lukluk bilong em olsem stone jaspa na retpela ston kanelian na renbo i raunim dispela sia king na dispela renbo I olsem grinpela stone em dia tumas ol i kolim emiral. ⁴ I gat 24-pela sia king i stap raunim dispela wanpela sia king na ol i put longpela waitpela klos na king hat long het bilong ol. ⁵ Bikpela nois bilong klaut i pairap na bikpela lait i sut i go i kam aut long dispela sia king. 7- pela lam i lait i stap long pes bilong sia king,ol dispela 7- pela lam i makim 7-pela spirit bilong God. ⁶ Long pes bilong sia king i gat wanpela solwara stap olsem glas na i klia tru,na long namel bilong dispela sia king. I gat 4-pela animal i gat laip i stap na planti ai i karamapim olgeta hap bilong bodi, em long pes na long baksait tu. ⁷ Nambawan animal i gat laip i luk olsem wanpela laion na namba 2 animal i gat laip i luk olsem bulmakau man na namba 3 animal i gat laip i luk olsem pes bilong man na namba 4 animal i gat laip i luk olsem taragau i flai ⁸ Ol 4-pela animal ol i gat six-pela wing long wan wan bilong ol ,ol i gat planti ai i stap antap long het na long ananit long leg ,Long nait na long de ol i no save malolo na tok, "Holi, holi,em i holi long Bikpela God i gat Olgeta Strong, husait i bin stap bipo, na stap nau na bihain bai kam" ⁹  Taim ol dispela animal i gat laip i givim biknem na glori na tok tank yu i go long dispela man i sindaun long sia king husait i save stap oltaim, oltaim, ¹⁰  ol 24-pela hetman save kam daun na pes bilong ol i go daun long man i sindaun long sia king na ol i lotu long husait i stap oltaim oltaim. Ol i tromoi king hat bilong ol i go daun long pes bilong dispela man i stap long sia king,na tok. ¹¹  "Biknem em i bilong yu,Bikpela bilong mipela na God bilong mipela,yu kisim olgeta glori,powa na biknem,Yu bin kamap olgeta samting na olgeta samting i kamap na i stap long laik na tingting bilong yu."