3 ¹ Ol brata bilong mi, long pinisim tok, mi laik tokim yupela olsem yupela i mas amamas long Bikpela, Mi no les long raitim dispela pas gen long yupela, long wanem dispela bai helpim yu long stap gut. ² Yupela i mas lukaut long ol man olsem ol dok,ol save wok long mekim pasin nogut, lukaut long ol man i laik bagarapim bodi. ³ Yumi ol man i katim skin, Em yumi husait save lotu long strong bilong Spirit bilong God. Em yumi save hamamas insait long Krais Jisas, yumi no tingting long samting bilong bodi. ⁴ Mi yet ting mi inap long samting bilong bodi, sapos wanpela man i ting olsem em inap long ol samting bilong bodi, ating mi winim olgeta. ⁵ Ol i bin katim skin bilong mi long namba 8-dei, mi lain bilong Juda, long lain bilong Benzamin, na mi wanpela bilong ol lain Hibru i stap aninit long lo, em mi wanpela Farisi. ⁶ Mi tingting long mekim wok bilong God, mi mekim nogut long sios, sapos ol i ting ting long lo na skelim pasin bilong mi, orait mi nogat asua. ⁷ Tasol mi lukim olgeta gutpela samting olsem samting nating na mi bihainim Krais. ⁸ Olsem na nau mi lukim olgeta samting bilong graun olsem samting nating long Krais Jisas Bikpela bilong mi. Mi lusim olgeta samting, em mi lukim olsem pipia- olsem na mi ken kisim Krais ⁹ na stap insait long em. Mi no kamap stretpela man long pasin mi yet i mekim long bihainim lo. Nogat .Mi kamap strepela long rot bilong bilip long Krais,na em i kam long God em as bilong bilip. ¹⁰ Olsem na nau mi laik save long strongpela pawa em i bin kirapim na mi laik poromanim em long pasin bilong karim pain.Na mi laik senis i go kamap long dispela pasin bilong bilong dai. ¹¹ Olsem na long sampela rot,mi i ken go long dispela rot bilong kirap bek wantaim dai bilong em. ¹² Mi no ting olsem mi kisim pinis dispela ol samting, o mi kamap pinis.Tasol mi wok strong long holim pas pasin bilong Krais Jisas olsem em i bin holimpasim mi. ¹³ Ol brata, mi no ting olsem mi kisim yet dispela pasin. .Tasol mi gat wanpela tingting tasol em:Mi lus tingting long ol samting bilong bipo na mi wok strong long kisim samting bai kamap bihain. ¹⁴ Mi ran strong yet long mak bilong winim prais long antap olsem God i singautim mi insait long Krais Jisas. ¹⁵ Yumi olgeta i kamap bikpela pinis ,yumi mas tingting olsem, sapos yupela i gat narapela ting ting long sampela samting, God bai putim long ples klia long yupela. ¹⁶ Tasol wanem samting yumi kisim pinis, em yumi mas holim strong long en ¹⁷ Ol brata yupela i mas bihainim pasin bilong mi. Na yupela i mas lukim gut pasin bilong ol dispela man husait i save bihainim pasin bilong mipela. ¹⁸ Planti ol i wok long wokabaut,long ol mi save oltaim tokim yupela na nau mi tokim yupela gen wantaim ai wara kamap long mi .Planti man i stap birua long diwai kros bilong Krais. ¹⁹ Ol dispela lain bihain bai bagarap .Long wanem laik bilong bodi i kamap olsem giaman god bilong ol na ol i save amamas long mekim pasin bilong sem. Ol i tingting tasol long samting bilong graun. ²⁰ Tasol yumi stap olsem manmeri bilong heven na yumi wetim Bikpela Jisas Krais i lusim heven na i kam kisim mipela. ²¹ Wantaim bikpela strong bilong em, Krais bai senisim bodi bilong yumi i kamap olsem bodi bilong em yet na olgeta samting bai stap aninit long em.