5 ¹ Orait olgeta man wantaim ol meri bilong ol i mekim bikpela kros wantaim ol Juda wanlain bilong ol. ² Olsem na sampela man i tok, "Ol pikinini man wantaim ol pikinini meri bilong mipela i planti tru. Olsem na larim mipela i ken painim wit bilong kaikai na stap laip. ³ I gat sampela manmeri moa i tok, mipela i tingim ol gaden bilong mipela na ol wain gaden tu na ol haus bilong mipela long kaikai long taim bilong hangre." ⁴ Sampela tu i tok, "Mipela i kisim sampela dinao moni bilong baim takis i go long king bilong tingim gaden na ol wain gaden bilong mipela. ⁵ Olsem na nau ol i wanlain na wanblut bilong mipela na wankain long ol pikinini bilong mipela na pikinini bilong ol tu. Ol i tok strong long mipela i ken salim ol pikinini man na pikinini meri bilong mipela long kamap wokman na wokmeri nating tasol. Sampela bilong ol pikinini meri bilong mipela i kamap olsem ol wokmeri pinis.Tasol mipela i no gat strong long helpim ol long wanem ol narapela man i kisim pinis ol gaden na ol gaden wain bilong mipela." ⁶ Mi bin belhat nogut tru taim mi harim ol i singaut na kros na ol i mekim dispela ol tok. ⁷ Orait mi tingim ol dispela hevi na mi singautim ol hetman na ofisa i kam. Na mi tokim ol, "Yupela i save daunim ol brata bilong yupela na mekim nogut long ol." Na mi holim bikpela bung wantaim ol ⁸ na mi tokim ol, "Mipela, inap long mekim wanem mipela inap, mipela i bin baim bek ol long i stap wokman nating tasol, em ol lain brata bilong mipela ol Juda husait ol i bin salim i go long narapela kantri, tasol nau tu yupela i salim ol brata na susa bilong yupela olsem yupela i salim ol i kam bek long mipela!" Olsem na olgeta i pasim maus na ol i painim tok long mekim. ⁹ Na tu mi tok, "Wanem yupela i mekim i no gutpela. Yupela i mas wokabaut wantaim pret long God bilong mipela long abrusim ol tok pilai bilong ol kantri i save birua long mipela. ¹⁰ Mi wantaim ol brata na ol wokman bilong mi i wanbel long givim dinao moni na wit. Tasol mipela bai pasim na tok nogat long kisim winmoni long ol dispela dinao. ¹¹ Givim i go bek long ol nau tasol gaden kaikai bilong ol, wain gaden, oliv gaden na haus bilong ol na bekim hap moni antap long moni bilong ol na wit bilong ol, nupela wain bilong ol na oliv wel em yupela bin kisim long ol. ¹² Orait ol i tok, "Mipela bai givim i go bek ol samting mipela i kisim long ol na mipela i no inap kisim samting gen long ol. Mipela bai mekim olsem yu tok." Orait mi singautim ol pris long ol i ken mekim tok tru long wanem ol i bin promis long en. ¹³ Mi seksekim laplap mi pasim long klos bilong mi na mi tok, "Bai God i ken seksekim haus bilong em na putim olgeta man i no bihainim promis bilong em. Olsem na em i bin seksekim na rausim olgeta." Olgeta manmeri i tok, "I tru," na ol i litimapim nem bilong God Yawe na ol manmeri i mekim olsem ol i bin promis long en. ¹⁴ Na long taim ol i makim mi long kamap gavana bilong ol long graun bilong Juda, long namba 20 yia i go inap long 32 yia Ataseksis i stap king 12 pela yia, mi tu wantaim ol brata bilong mi i no kaikai ol kaikai ol i redim bilong gavana. ¹⁵ Na ol gavana bilong bipo i stap pastaim ol i putim bikpela hevi long ol manmeri, ol i kisim 460 kilo silva bilong baim ol kaikai na wain long ol i ken kaikai na dring long wanwan dei. Maski ol wokman bilong ol i givim hevi long ol manmeri. Tasol mi no mekim olsem bilong wanem mi pret long God. ¹⁶ Mi tu i wokim gen banis olsem na mipela i no baim nupela graun, olgeta wokman bilong mi i kam bung long hap bilong mekim wok. ¹⁷ Long haus bilong mi i gat ol Juda na ol ofisa i stap ol i olsem 150 ol man, wantaim ol lain husait i kam long mipela long ol kantri i stap raun long mipela. ¹⁸ Wanem ol i save redim long wanwan dei i olsem wanpela bulmakau man, 6-pela ol gutpela sipsip na ol bikpela pisin tu, olgeta 10-pela dei ol i pulimapim ol kain wain inap long ol i dring, tasol wantaim ol dispela mi no askim ol long moni bilong baim kaikai long gavana, bilong wanem moni ol i makim long ol manmeri i bikpela tumas long ol. ¹⁹ God bilong mi, inap yu tingim mi long ol gutpela pasin mi mekim long ol dispela manmeri na yu mekim gut long mi.